Өмірге риза болып, алғыс айт

Қазақ ұлттық аграрлық университеті
<<Н. О. Базанова атындағы физиология, морфология және биохимия>> кафедрасы




Алғыс айту - парызым!

Өткізген: ___________________
Жетекші:___________________

Алматы, 2020 ж

Тақырыбы: 1-наурыз <<Алғыс айту - парызым!>>

Өмірге риза болып, алғыс айт
(Халық даналығы)

Мақсаты: Студенттердің <<сыйластық>> құндылықтары туралы түсініктерін кеңейту.
Міндеттері:- ризашылық пен алғыс туралы түсінік беру;
- үлкен - кішіге деген сүйіспеншілігін, сыпайылық қарым-қатынасын дамыту;
- әдептілікке, кішіпейілділікке, ізеттілікке тәрбиелеу;

Көрнекі құралдар: презентация, видеоролик.

Ұйымдастыру бөлімі:
<<Алғыс білдіремін, өйткені ...>> ризашылық білдіру
Топқа бөліну
Ашық микрофон
<<Қазақстан халқы Ассамблеясының құрылған күнінде -- 1 наурызда, басқа уақытты қойса да болады -- барлық ұлттың бір-біріне және осы адамдарды қабылдаған, аяушылық білдірген қазақтарға алғыс айту күні деп белгіленсе әділетті болар еді>>, -- деді Қазақстан Президенті.
Алғыс -- біреудің екінші біреуге ықыласын білдіруі, рахмет айтуы. Алғысты сөзбен немесе қимыл, іс-әрекет, заттай сыйлық беру, тіпті жақсы қарым-қатынас түрінде де білдіруге болады. Әркім Алғыс алу арқылы өзінің басқалармен қарым-қатынасын, өмірдегі орнын бағалай алады. Қазақ халқыныңұғымында неғұрлым көп Алғыс алған адам бақытты болады. "Алғыспен ер көгерер" деген мәтел соған мегзейді. Алғысқа қарсы мағына -- қарғыс.
Топтарға бөлініп, қызығушылықты ояту:
1-топ: Алғыс айту күнi этносаралық достыққа және түсiнiстiкке әкеледi, өйткені...
2-топ: Өмірге риза болып, алғыс айт...

/Видеоролик/

Сахналау.

Студенттер өмірде кездесетін жағдайларға қарай ризашылық білдіруге, алғыс айтуға дағдыландыру мақсатында сахналау ұйымдастырылады.

І топ: Мұғалімдерді мерекемен құттықтау сәтін сахналау;

ІІ топ: Топтың қарттар үйіне барып, қайырымды іс жасау сәтін сахналау.

Қорытындылау:

<<Ашық микрофон>> әдісі бойынша (студенттер бір-біріне сабақтан не үйренгенін, не білгенін, не түсінгенін айтып шығады).

Жетекшінің тәрбие сағатын қорытындылау сөзі:
Балалар, жылы сөз, қайырымды іс, жақсы ой,кіршіксіз сезімдеріңді ешкімнен ешқашан аямаңыздар. <<Рахмет>> деген қасиетті сөзді жиі айтыңдар. Адам алғыс пен ризашылықты естіген сайын,жақсылық жасағысы келіп тұратынын есте сақтаңдар. Өмірдің әрбір сәтін бағалай білуге үйреніңдер және Табиғат - Анаға мейірімді күні үшін, көңілді жаңбыры мен ақ қары үшін, жұмсақ ақ ұлпа бұлты үшін, жақын адамдарға қайырымдылығы мен риясыз махаббаты үшін алғыс айтуды ұмытпаңдар.