Өткен сабақтармен байланыстыру

Оқу ісінің меңгерушісі :

Күні : Пәні : қазақ тілі Сыныбы :

Сабақтың тақырыбы : Есімшелердің сөйлемдегі қызметі

Сабақтың мақсаты:

1. Білімділік

Балаларға есімшелердің сөйлемдегі қызметі жайлы түсінік беру.
Өткен сабақтармен байланыстыру. Сабақ барысында балаларға сұрақ қою арқылы
білімін тексеру. Логикалық ойлау қабілеттерін дамыту, рухани дүниесін
жетілдіру.

2. Дамытушылық

Оқушылардың білімге деген құштарлықтарын арттыру. Ойлау қабілетін
ауызша және жазбаша талдаулар арқылы дамыту. Түрлі суреттерді көрсету
арқылы, қосымша материалдарды оқу арқылы сабақтың білімділігін дамыту.

3. Тәрбиелік

Оқушылардың ой – санасын оята отырып, өзін - өзі тануға және
бағалауға, адамгершілікке, бауырмалдыққа тәрбиелеу.

Сабақтың әдісі: сұрақ – жауап, талдау, топтастыру.

Сабақтың көрнекілігі: кесте, интерактивті тақта, сызбалар.

Пәнаралық байланыс: әдебиет

Сабақтың барысы:

Ұйымдастыру кезеңі
a) оқушылармен сәлемдесу (1- 2 минут)
ә) оқушыларды түгендеу
б) үй тапсырмасын тексеру (13 минут )
в) жаңа сабақ түсіндіру (18-22 минут)
д) үй тасырмасын беру, қорытындылау (10 минут)

Жаңа сабақ :

Есімше – етістіктің ерекше түрі. Себебі есімше сөйлемде екі түрлі
мәнде, екі түрлі қызметте қолданылады. Бірде жіктеліп келіп, қимылды, іс
- әрекетті белгілі бір шаққа байланысты білдіреді де, сөйлемнің
баяндауыш қызметін атқарады. Мысалы: Ардақ бағана кетіп қалған. Сен
менің айтқанымды ұғып, орныныа келтірсең, жақсы адам болып өсерсің.
Берілген сөйлемдерде кетіп қалған, өсерсің, тыңдайтын деген
етістіктер есімше тұлғаларында жіктеліп келіп, ( кетіп қалған – 3 жақта,
өсерсің – 2 жақтағы ) әрекетті білдіріп тұр. Яғни мұндағы Ардақтың кетіп
қалуы - өткен шақты білдіріп тұр. Өсерсің – келер шақты білдіріп тұр.
Сөйтіп, бұл сөйлемдегі есімшелер белгілі бір шақты білдіріп, жіктеліп
келіп баяндауыш қызметін атқарып, білгілі бір заттың қимылын көрсетіп
тұр. Есімше екі түрлі қызметте жұмсалады. Ол бірде жіктеліп, етістік
қызметін атқарса, енді бірде есімдерше түрленіп ( септеліп, тәуелденіп,
көптеліп), есім қызметін атқарады.

Қорытындылау : Жеке оқушының және сыныптың жұмысына сапалы баға беру.

Үйге тапсырма : Өткен тақырыптарды қайталау және жаңа тақырып,
Есімшенің түрленуі жайлы ережелерін оқып,түсініп, жаттап келу.
184- жаттығу, 185-жаттығуларды дәптерге жазып, орындап келу.

Мұғалім : Оралбек
Айгерім