Шамалардың арасындағы тәуелділік

2Ұзақ мерзімді жоспардың тарауы: 6.4В Шамалар арасындағы тәуелділіктер
Мектеп: ЖББ Көздіғара негізгі мектебі
Күні: 21.08.2020
Мұғалімнің аты-жөні: Файзуллина Самал Меңдешқызы
Сынып: 6
Қатысқандар: 12
Қатыспағандар:
Сабақтың тақырыбы
Шамалар арасындағы тәуелділіктерді берілу тәсілдері: аналитикалық (формула арқылы), кестелік, графиктік тәсіл
Осы сабақта қол жеткізілетін оқу мақсаттары (оқу бағдарламасына сілтеме)
6.5.2.5 шамалар арасындағы тәуелділікке есептер шығару;
6.5.2.6 шамалар арасындағы тәуелділіктердің берілу тәсілдерін білу;
6.5.2.7 сипаттамасы бойынша тәуелділіктің формуласын жазу.
Сабақтың мақсаты
> Аналитикалық, кестелік, графиктік тәсілдер арқылы берілген есептерді шығаруды үйренеді;
> Шамалар арасындағы тәуелділіктердің берілу тәсілдерін меңгереді;
> Сипаттамалары бойынша тәуелділіктердің формулаларын жазады, есептер шығаруда қолданады.
Бағалау критерийі
Оқушылар:
> Тәуелділіктердің берілу тәсілдерін біледі, тақырыпқа байланысты есептерді шығарады;
> Сипаттамасы бойынша тәуелділіктің формуласын жазады.
Тілдік мақсаттар

Шамалар арасындағы тәуелділіктерге түсіндірме сипаттайды, шығарған есептерді талдайды.
Пәнге қатысты сөздік қор мен терминология:
+ Формула
+ Шамалардың арасындағы тәуелділік
+ Жылдамдық, уақыт, жүрілген жол
+ Тәуелді айнымалы, тәуелсіз айнымалы.
Диалогқа/жазылымға қажетті тіркестер:
+ ... тәуелділігін формула арқылы береміз;
+ ... шамасын тәуелділіктің формуласынан ... арқылы өрнектейміз;
+ ...тәуелділігін көрсететін формуланы жазамыз.
Құндылықтарға баулу

<<Мәңгілік Ел>> жалпы ұлттық идеясының <<Тарих, мәдениет және тілдің ортақтығы>> құндылығы.

Сабақта жауапкершілікке, ынтымақтастыққа және бір-бірінің пікірлерін тыңдауға, өз ойларын ашық айтуға дағдыландыру.
Пәнаралық байланыс
Жаратылыстану
Алдыңғы білім

Формулаларды білу, теңдеу, координаталық жүйе
Сабақ барысы
Сабақтың жоспарланған кезеңдері
Сабақтағы жоспарланған жаттығу түрлері

Ресурстар
Сабақтың басы
(5 мин)
Ұйымдастыру кезеңі
Оқушылармен амандасу, түгендеу. Психологиялық ахуал туғызу, сабақ мақсатымен таныстыру.
Топқа бөлу: аралас топ
Саралау тәсілі: жіктеу
Белсенді оқыту әдісі: <<Ұлттық дәстүрлер>> арқылы
Ортаға ұлттық дәстүрлерге байланысты сөздер тақырып бойынша жазылып қорапшаға салынады(<<Ұлттық тағамдар>>, <<Ұлттық киімдер>>, <<Ұлттық ойындар>>, <<Ұлттық салт-дәстүр>>). Әр оқушы берілген сөзді таңдап, тақырыбына сай топтасады.
Үй тапсырмасын тексеру
Оқушылар дәптерлерін көршілерімен алмастырады. Интер белсенді тақтада көрсетілген дұрыс жауаптар арқылы көршісін тексеріп бағалайды.
Белсенді оқыту әдісі (БОӘ): <<Көршіңді тексер>>
Саралау тәсілі (СТ): Диалог және қолдау көрсету
ҚБ: <<Бағдаршам>> әдісі бойынша бағаланады. Егер үй тапсырмасы толық дұрыс болса, жасыл түсті жоғары көтереді.
Егер 2-3 қате болса сары түсті жоғары көтереді
Егер 4-5 қате болса қызыл түсті жоғары көтереді

Қосымша материалдар

Слайд 1

Сабақтың ортасы
(32 мин)
Өткен тақырыпты қайталау
Топтық жұмыс ( 7 мин)
(БОӘ): <<Түйінді сөздер>>
(СТ): Дереккөздер
Ойлау дағдыларының деңгейі: білу және түсіну
Бағалау критерийі: Білім алушы
* Тәуелділіктердің берілу тәсілдерін біледі
Оқушыларға өткен тақырыпты қайталау мақсатында әр топқа түйінді сөздер беріледі. Оқушылар топ болып бірігіп сол сөздердің мағынасын ашып топ ішінде талқылайды, постер құрады. Сынып алдында постерді қорғайды.
1-топ: Шамалар арасындағы тәуелділіктер.
2-топ: Шамалар арасындағы тәуелділіктің формуламен берілуі.
3-топ:Шамалар арасындағы тәуелділіктердің кестемен берілуі.
4-топ: Шамалар арасындағы тәуелділіктің графикпен кескінделуі.
Дескриптор: Білім алушы:
* берілген тірек сөздердің көмегімен топта постер әзірлейді;
* постердің мазмұндылығы және безендірілуі;
* постерді басқа топ алдында қорғайды.
ҚБ: <<Жапондық бағалау>> әдісі арқылы топтар бірін-бірі бағалайды.
Бір саусақ - дұрыс келісемін
Екі саусақ - толықтырамын, қосарым бар
Жұдырық - менің сұрағым бар

(БОӘ): <<Поезд>> құрау (17 мин)
(СТ): Тапсырма
Әр топқа поездың бірнеше вагондары беріледі. Вагонның артындағы тапсырмаларды орындап, тақтаға вагондарды іледі. Вагондарды бірінші болып құраған топ жеңіске жетеді. Бұл әдіс оқушыларды шапшаңдыққа баулиды.
1-тапсырма: (5 мин)
6.5.2.5 шамалар арасындағы тәуелділікке есептер шығару мақсатына сәйкес тапсырмалар(топтық жұмыс)
Уақыт
3 с
?
14 с
Жылдамдық
56,3 км/с
81 км/с
?
Жүрілген жол
?
162 км
910 км
Дескриптор: Білім алушы
1. Есептің сипаттамасы бойынша тәуелділіктің формуласын жазады;
2. Белгісіз элементтерді толтырады;
3. Жауабын жазады.

2-тапсырма: (5 мин)
6.5.2.7 сипаттамасы бойынша тәуелділіктің формуласын жазу мақсатына сәйкес топтық жұмыс

Шаршы қабырғасының ұзындығы а см. Қабырғасының ұзындығы берілген шаршының қабырғасының ұзындығынан 5 см кем екінші шаршының периметрін және ауданын табу формулаларын жазыңдар.
1) а = 7 см:
2) а = 20,5 см
болғанда екінші шаршының периметрі мен ауданын есептеңдер.
Дескриптор: Білім алушы
1. Есепті жұпта талқылайды;
2. Сипаттамасы бойынша шаршының периметрін табу формуласын жазады;
3. Шаршының ауданының формуласын жазады;
4. Формуланы қолданып шаршының периметрін табады;
5. Формула арқылы шаршының ауданын табады.

3-тапсырма: (7 мин)
6.5.2.6 шамалар арасындағы тәуелділіктердің берілу тәсілдерін білу мақсатына сәйкес топтық жұмыс
Мәтінмен берілген сипаттама
Формула
Кесте
График
Өнімділігі 2 бет/мин принтерде мәтінді басып шығару.

Сатып алынған алмалардың массасы мен құнының арасындағы тәуелділік. Алманың бағасы 400тг/кг.

Жаяу адамның жүрген жолы мен уақыты арасындағы тәуелділік. Жаяу адамның жылдамдығы 5 км/сағ.

Дескриптор: Білім алушы:
1. Тәуелділіктердің берілу тәсілдерін біледі;
2. Сипаттамасы бойынша тәуелділіктің формуласын жазады;
3. Сипаттамасы бойынша тәуелділіктің кестесін құрады;
4. Тәуелділіктің графигін дұрыс салады.
ҚБ: <<Түрлі-түсті билеттер>>

Сергіту сәті: <<Қызықты фигуралар>> (3 мин)
Оқушылар ауада аяқтарымен, қолдарымен геометриялық фигуралар салады.

Жеке жұмыс
(БОӘ): <<Үшіншісі артық>>(5 мин)
(СТ): Қорытынды
Ойлау дағдыларының деңгейі: талдау
Әр оқушыға 4-5 шама жазылған А4 қағазы үйлестіріледі. Оқушылар олардың арасындағы тәуелділік бойынша топтастырып, артығын табады. Интербелсенді тақта арқылы жауаптарын тексереді.
Дескриптор: Білім алушы
1. Берілген шамалар арасынан артығын табады;
2. Шамалар арасындағы тәуелділікті формуламен жазады.
ҚБ: <<Бас бармақ>> тәсілі

Қосымша материалдар

А.Е.Әбілқасымова, Т.П.Кучер, З.Ә.Жұмағұлова. Математика 6 - сынып 2-бөлім

Дорофеев Г.В., Петерсон Л.Г. Математика. 6 класс. Часть 2. - Изд. 2-е, перераб./Г.В.Дорофеев, Л.Г.Петерсон. - М.: Издастельство <<Ювента>>, 2010. -128с: ил.

А4 қағаз

Сабақтың соңы
3 мин
Үйге тапсырма:
Кері байланыс:
(БОӘ): <<Желпуіш>> әдісі
А-4 түрлі түсті параққа әр топ желпуіш жасап, әрбір бөлігіне кезекпен сабақтың мақсаттарына жету нәтижелерін (сабақ туралы пікірлерін) жазады.
(СТ): бағалау

Түрлі-түсті парақ
Саралау - Сіз қандай тәсілмен көбірек қолдау көрсетпексіз? Сіз басқаларға қарағанда қабілетті оқушыларға қандай тапсырмалар бересіз?
Бағалау - Сіз оқушылардың материалды игеру деңгейін қалай тексеруді жоспарлап отырсыз?
Денсаулық және қауіпсіздік техникасын сақтау

Сабақ барысында оқушыларда ұлттық дәстүрлерімізді жаңғырту мақсатында <<Ұлттық дәстүрлер>> арқылы топқа бөлінеді. Келесі <<Диалог және қолдау көрсету>> арқылы <<Түйінді сөздер>> әдісі арқылы топтарға тапсырма беріліп, әр топ постер қорғайды. Сабақты ашу үшін оқушыларға <<Тапсырма>> саралау тәсілі арқылы <<Вагон құрау>> әдісімен топтық тапсырмалар ұсынылады. Оқулықпен жұмыстана отырып топтық, жұптық жұмыстар жүргізіледі. Қалыптастырушы бағалау тапсырмасы <<Талдау>> деңгейімен <<Үшіншісі артық>> әдісі арқылы өткізіледі.
Сабақ барысында оқушылар үй тапсырмасын <<Бағдаршам>> әдісі арқылы өздерін бағалайды. Тапсырмалар орындау барысында топтық жұмыстар <<Жапондық бағалау>> әдісі арқылы топтардың бір-бірін бағалауы, <<Түрлі-түсті билеттер>> әдісі арқылы топтар бағаланады. Қалыптастырушы бағалау тапсырмасында әр оқушы өздері <<Бас бармақ>> әдісі арқылы бағалайды.Сабақтағы рефлексия <<Желпуіш>> әдісі арқылы ұйымдастырылады.
Сыныптағы тазалықтың сақталуы, сынып бөлмесінің желдетілуі, таза болуы, жарықтың түсуі талапқа сай сақталады. Қауіпсіздік ережелері сақталады.
Оқушыларға сабақ барысында сергіту сәті өткізіледі.