Файл қосу

Қазақстан республикасының елтаңбасы

Пән: Әртүрлі
Сабақ тақырыбы : " Қазақстан Республикасының рәміздері "
Сабақтың мақсаты :
І. Елтаңба , Ту , Әнұран туралы түсініктерін нығайту . Рәміздердің пайда болуы және тарихтағы маңызы жайлы түсініктерді дамыту .
ІІ . Оқушының есте сақтауын дамыту , өз ойын дұрыс жеткізуге ынталандыру .
ІІІ. Оқушыларды Отансүйгіштікке , адамгершілікке , Отанына , халқына адал қызмет етуге , елінің Туын , Елтаңбасын , Әнұранын қастерлеп , құрметтеуге , халқының тегін , тарихын білуге тәрбиелеу Дамытушылық мақсаты - жеке тұлғаны дамыту , талдау , салыстыра білу қабілетін дамыту . Тәрбиелік : азаматтық , елжандылық , Қазақстан Республикасына сүйіспеншілік , Конституцияға қайшы және қоғамға қарсы кез - келген көріністерге төзбеуге тәрбиелеу .
Тәрбиелік мақсаты - Туған жерді , елін сүйетін , ұлтжанды , намысшыл , адамгершілігі мол азамат етіп тәрбиелеу .

Сабақтың барысы :
І. Ой қозғау
Жоспар :
1. Кіріспе
2. Негізгі бөлім
2.1 . Қазақстан республикасының туы .
2.2 . Қазақстан республикасының елтаңбасы .
2.3 . Қазақстан республикасының әнұраны .
3. Қорытынды
4. Пайдаланылған әдебиеттер тізімі

Отанымыздың ұлттық мақтанышы - мемлекеттік рәміздерге арналады . Онда мемлекетіміздің рәміздері туралы білімдерімізді толықтырып , құрметтеуге үйренеміз . Кез келген мемлекеттің айшығы - мемлекеттік рәміздері екені белгілі . Бізде бүгінгі сабағымызды еліміздің Гимнімен бастайық . ( Гимн орындалады ) Елін , жерін сүю мен Отанға деген адалдықтың бір белгісі - мемлекеттік рәміздерімізді қадір тұту болып табылады . Жас ұрпақты елжандылық негізде тәрбиелеуде де мемлекеттік нышандардың алар орны ерекше . Олай болса , рәміз дегеніміз не ? Рәміз - белгілі идеяны білдіретін белгі , бейне . Адамға ой - пікір туғызады . Ортақ түсінік бойынша , орақ еңбекті , таға бақытты , зәкір ( якорь ) үмітті , лира музаны , арыстан құдіретті бейнелеген көкшіл жалау бейбітшілік рәмізі . Рәміздік белгілер ғасырлар бойы дами келе мемлекеттік рәміздерге ( ту , елтаңба , гимн ) айналды . 1992 жылы 4 - маусымда жаңа мемлекеттік рәміздер : Елтаңба , Ту , Әнұраны бекітілді .

Қазақстан Республикасының мемлекеттік Әнұраны
Бұрын << Менің Қазақстаным >> әні ретінде танымал болған Қазақстанның әнұраны Президент Нұрсұлтан Назарбаевтың бастамасы бойынша 2006 жылы 6 қаңтарда еліміздің Парламентінде бекітілді . Бірінші рет ол 2006 жылы 11 қаңтарда Мемлекет басшысының салтанатты ұлықтау рәсімінде орындалды . Музыкасы -- композитор Шәмші Қалдаяқовтікі , сөзі - Жұмекен Нәжімеденов пен Нұрсұлтан Назарбаевтікі .

Қазақстан Республикасының Мемлекеттік Туы
Қазақстан Республикасының мемлекеттік Туы - Қазақстан Республикасының мемлекеттік негізгі рәміздердің бірі . ҚР Президентінің " Қазақстан Республикасының Мемлекеттік рәміздері туралы " конституциялық заң күші бар Жарлығымен ( 24.1.1996 ) белгіленген Мемлекеттік ту көгілдір түсті тік бұрышты . Оның ортасында арайлы күн , күннің астында қалықтаған қыран бейнеленген . Ағаш сабына бекітілген тұста -- ұлттық оюлармен кестеленген тік жолақ өрнектелген . Күн , арай , қыран және ою - өрнек -- алтын түсті . Тудың енi ұзындығының жартысына тең . ҚР мемлекеттік туының авторы -- суретші Шәкен Ниязбеков . Бірыңғай көк көгілдір түс төбедегі бұлтсыз ашық аспанның биік күмбезін елестетеді және Қазақстан халқының бірлік , ынтымық жолына адалдығын аңғартады . Көк түс түркі халықтары үшін қасиетті ұғым .

Қазақстан Республикасының Мемлекеттік Елтаңбасы.
Қазақстан Республикасының мемлекеттік Елтаңбасы -- Қазақстан Республикасының негізгі мемлекеттік рәміздерінің бірі . Қазақстан Республикасының Президентінің " Қазақстан Республикасының Мемлекеттік рәміздері туралы " конституциялық заң күші бар Жарлығымен ( 24.1.1996 ) белгіленген . Рәміздік тұрғыдан ҚР мемлекеттік гербінің негізі -- шаңырақ . Ол -- елтаңбаның жүрегі . Шаңырақ -- мемлекеттің түп - негiзi -- отбасының бейнесі . Шаңырақ -- Күн шеңбері . Айналған Күн шеңберінің қозғалыстағы суреті іспетті , Шаңырақ -- киіз үйдің күмбезі көшпелі түркілер үшін үйдің , ошақтың , отбасының бейнесі . Тұлпар -- дала дүлділі , ер азаматтың сәйгүлігі , желдей ескен жүйрік аты , жеңіске деген жасымас жігердің , қажымас қайраттың , мұқалмас қажырдың , тәуелсіздікке , бостандыққа ұмтылған құлшыныстың бейнесi . Қанатты тұлпар -- қазақ поэзиясындағы кең тараған бейне . Ол ұшқыр арманның , самғаған таңғажайып жасампаздық қиялдың , талмас талаптың , асыл мұраттың , жақсылыққа құштарлықтың кейпі .

ІІ . Сұрақтар :
<< Отан >> жайлы мақал - мәтелдер айтып көрейік :
1. Отан отбасынан ( басталады )
2. Отан үшін отқа түс , ( күймейсің )
3. Отан - елдің анасы , ( Ел - ердің анасы )
4. Туған жердей жер болмас , ( Туған елдей ел болмас ) .
5. Отанды сүю - ( отбасынан басталады )
6. Отан оттан да ыстық )
7. Отансыз адам - ( ормансыз бұлбұл )
8. Отан үшін күрес ( Ерге тиген үлес )
9. Ел іші - ( алтын бесік )
10. Тіл - тәуелсіздік ( тірегі )

ІІІ . Қорытынды
Қазақ халқы көптен күткен тәуелсіздікке қол жеткізді . Егемен мемлекет болды . Әрбір азат елдің өзіңнің тәуелсіздігін білдіретін басты белгілері болады . Солардың бірі Мемлекеттік рәміздер . 1992 жылы 4 маусымда егемен еліміз Қазақстан Республикасының мемлекеттік рәміздері қабылданды . Олар Қазақстан Республикасының әнұраны , Қазақстан Республикасының мемлекеттік елтаңбасы , Қазақстан Республикасының туы .
Қазақстан Туымен - Тұғырлы , Елтаңбасымен - Еңселі , Әнұранымен айбатты ел!



Ұқсас жұмыстар
Елтаңбаның авторы кім
Менің байтақ Республикам таулары, Менің кӛгім мӛлдіреген кӛк аспан
Тәуелсіздік белестері
Ақыл, қайрат, жүректі тең ұстаған мұхтар арын
Менің Қазақстаным – менің болашағым жайлы ақпарат
Мемлекеттік рәміздер - ұлттық мақтаныш
Ресми емес нышандар
Мемлекетті рәміздер
Тәуелсіз елім Қазақстаным!
Өзара жай сандар қандай сандар
Пәндер