Сабақ өтетін күн

Сабақтың тақырыбы: Салқындату жүйесін қалпына келтіру әдістерін қолдану
Топтар
Асл 9-181

Сабақ өтетін күн
18.12.2020

САБАҚ БАРЫСЫ
І Ұйымдастыру бөлімі:
А) <<Топтық>> ашылған чатқа кіру;
Б) Чатқа оқытушы өзінің пәнін кесте бойынша жариялау;
В) Оқушылардың чатқа қосылғанын тексеру, қадағалау;
Г) Өтетін сабақтың тақырыбын чатқа жазу;
ІІ Үй тапсырмасын тексеру
А) Өткен тақырып бойынша үй тапсырмасын сұрау;
Б) Орындалған үй тапсырмаларын чат арқылы электронды қабылдау
В) Студенттерге үй тапсырмасынан сұрақтар қою;
Қозғалтқыштан иінді білікті қалай шешеді?
Қозғалтқыштан үлестіруші (таратқыш) білікті қалай шешеді?
Шатундық-поршендік топты қалай бөлшектейді?
Г) Студенттерден ауызша түрде қабылдау;
ІІІ Жаңа оқу материалын баяндау (Электронды түрде: мәтін, сурет, видео)
Қозғалтқышты сұйықтық сорғысында пайдалану барысында мойынтіректер және корпуста мойынтірек астындағы негізгі тесіктер, тығыздау түйіні және сорғының білігі тозады. Мойынтіректердің майлау материалын ұстап тұратын және оларды ластанудан қорғайтын тығыздағыштары болады.
Алдыңғы мойынтіректің астындағы саңылаудың диаметрі рұқсат берілген диаметрден асып кеткен жағдайда, мойынтіректердің корпусын ауыстыру керек.
Тығыздағыш шайбаның жанасу бетінің бүйірлік бөлігі тозбаған болуы тиіс. Мойынтіректер корпусындағы бүйірінің бүйірлік соғылуының шегі 0,05 мм-ге сәйкес келеді. Бүйірлік соғылу шамасы көптеу болса, шетжақты бүйірін жөндеу керек. Біліктің майысу шегі 0,03 мм-ді құрайды.
Қанатшада сызаттар мен жарылу белгілері болмауы тиіс. Қанатшадағы біліктің астындағы саңылаудың диаметрі рұқсат берілген шекте болуы тиіс. Қанатшада білік еркін орналасуы тиіс, қанатша білікке бүйіріне бекітіледі. Мойынтіректер мен тығыздау түйінінің бөлшектері (тығыздау шайбасы және манжеттер) тозған болса, жаңаларымен ауыстырылады.
Тығыздау түйінінің бөлшектерін ауыстырғанда сорғының корпусын шешіп алып, корпустан білекті мойынтіректермен, қанатша және тығыздағышымен бірге шығарып алып, тығыздау түйінінің тозған бөлшектерін ауыстырып және сорғыны кері ретпен жинау керек
Бөлшектер алдында сорғыны майдан және ластан тазартып, оны майсыздандыратын ерітіндіде жуып алу керек. Сорғыны бөлшектеу келесі ретпен жүргізіледі. Желдеткіштің бекіткіш болттарын ағытып, күпшектен желдеткіш пен тегершікті шешіп алып, күпшекті алу үшін алынбалы болттарды (8.30, а-сурет) немесе арнайы алынғышты (8.30, б-сурет) қолданған жөн. Бүйірлік кілтпен қанатшаның корпусын бекітір тұрған гайкаларды мойынтіректердің қорпусына қарай бұрап шығару, оларды ақырындап балғамен тоқылдата отырып, ажырату, корпустан бұрауышпен абайлап ажыратып, төсемені алу керек; сорғы білігіндегі қанатшаны бекіту болтын бұрап шығару, білік бұрылып кетпес үшін бұрауышпен ұстап тұрып, И 803.15.000 мод. алынғыштың (8.30, в-сурет) көмегімен біліктен қанатшаны алу; бұрауыштың көмегімен тығыздағышты тығыздағыш текстолиттік шайбамен бірге алу, сосын серіппелі резеңке манжетті бөліп алу керек. Тістеуіктердің көмегімен алдыңғы мойынтіректен құлыптық сақинаны шешіп (8.30, г-сурет); корпустан білікті мойынтіректермен бірге сығымдап шығарып; май сауыты мен бақылау тығынын бұрап шығару; сорғының білігін қысқышқа бекіту, тоқтатқыш сақина мен су ағызғыш шайбаны шешу, верстак сығымдауышында біліктегі мойынтіректерді тығыздау, бұл ретте алдыңғы және артқы мойынтіректер бір уақытта баспаланып, мойынтіректердің арасында орналасқан кергіш төлке босатылады.

8.30-сурет. Сұйықтықтық сорғыны бөлшектеу: а -- алынбалы болттар көмегімен шкив күпшегін шешу; б -- алынғыштың көмегімен тегершік күпшегін шешу; в -- И 803.15.000 мод. алынғыштың көмегімен біліктен қанатшаны шешу; в -- тістеуіктің көмегімен алдыңғы мойынтіректің құлыптық сақинасын шеш
Жинаудың алдында сорғының бөлшектерін жуып, сорғы корпусын коррозиядан тазартып, бөлшектердің жұмысқа жарамдылығын тексеру керек. Сорғыны құрау кезінде мойынтіректердің қанатшасы мен корпустары және қанатша арасында бүйірлік саңылаудың болуын қадағалау керек. Сорғыны жинау бөлшектеуге қарама-қарсы ретпен жүргізіледі.
Радиаторды автокөліктен шығару үшін келесілерді орындау керек:
■ радиатордың төменгі бачогы мен цилиндр блогындағы ағызу тығынын алып, радиатор мен цилиндр блогындағы сұйықтықты төгу. Бұл кезде салонды жылыту краны ашық, ал радиатор тығыны құю мойынынан алады;
■ шлангты радиатордан және сымды желдеткіштің электр қозғалтқышынан (ол орнатылған жағдайда) және оның датчигінен ажыратады;
■ бұрандаларды бұрап шығарып, желдеткіш қаптамасын желдеткіштің электрлі қозғалтқышымен шешу;
■ радиаторды қозғалтқыштың ұясынан оның бекіту бұрандаларын кузовқа бұрап шығару.
IV. Бағалау
А) Студенттерге жаңа тақырып бойынша сұрақтар қою;
Б) Студенттерден ауызша түрде қабылдау;
Сұрақтар мен тапсырмалар
Сұйықтықтық сорғыны қалай бөлшектейді?
Сұйықтық сорғысының бөлшектерін ақаулауда не тексеріледі?
Сұйықтықтық сорғысын бөлшектеуде қандай құрылғылар қолданылады? В) Студенттердің тапсырма жауаптары бойынша баға қою.
V. Үй тапсырмасын беру
Үй тапсырмасы
Жаңа сабақты оқып, пысықтау.
Сұрақтар мен тапсырмаларға жазбаша және электронды түрде жауап беру.