Салқындату жүйесінің диагностикалау

Автомобильдердің салкындату жүйесінің температурасы аспаптар панелінде орналасқын термометр көмегімен тексеріледі. Термо- метр тілінің жай-күйі сұйықтық температурасын көрсетеді. Термометр көрсеткіші үш түске бөлінген. Егер термометр тілі кара түс маңында болса, онда сұйықтық температурасы қалыпты шамада болғаны. Ал егер ол қызыл секторда болса, онда салқындату сұйықтығының темпе- ратурасы шамадан тыс болып, қозғалтқышқа кауіп төніп тұрғаны. Бұл жағдайда қозғалтқышты тоқтатып, пайда болған ақауды анықтау керек. Бұл ақаудың себебі салқындату радиаторының қабырғаларының бітеліп қалуынан, салқындату сұйықтығының аздығы, электр желдеткішінің істен шығуы және тағы басқа жағдайлардан болуы мүмкін.

Термометр тілінің көк секторда болуы қозғалтқыштың элі қалыпты жұмыс температурасына дейін толық қызбағанын білдіреді.

Жөндеу жұмыстарын талап ететін салқындату жүйесінің кемістіктері:

- салқындату сұйықтағының үнемі қайнауы;

- салқындату сұйықтығының үнемі салқын болуы;

- сұйықтық көлемінің агып кету салдарынан аз болуы;

- су сорғысының жұмысында шудың пайда болуы;

- салқындату сұйықтығында электролиздің пайда болуы.

Қозғалтқыштын қызып кетуі келесі себептерден болуы мүмкін:

- салқындату жүйесінде сұйықтықтың ағып кету салдарынан аз болуы;

- жүйенің бітеліп қалуы;

- термостат немесе жалюздердін жабық күйінде сыналанып қалуы;

- оталудың озу бұрышының дұрыс орнатылмауы;

- желдеткіш жетегі белбеуінің үзілуі;

- желдеткіш жетегі белбеуінің тайғанауы;

- желдеткіш электр муфтасы жұмысының ақауы;

- желдеткіш гидромуфтасы жұмысының ақауы.

Козғалтқыштың қызып кетуі цилиндрдің жэне поршень сақиналарының тозуын жоғарылатады жэне поршеньнің жанып кетуіне, сырғанау мойынтіректерінің жұмыс мерзімінің азаюына әкеліп соқтырады.

Көптеген автомобильдердің салқындату жүйесінің ақаулары сұйық- тықтың ағуы жэне қозғалтқышты салқындатудың тиімділігінін жеткілік-сіздігінен болады. Сұйықтықтың ағуы құбырлардың жэне олардың жалғаныстарының бұзылуынан, сусорғының майлануы- нан, төсемелердің жэне сынықтаран пайда болады. Ал қозғалтқыштың дұрыс салқындамауының себебі желдеткіш белбеуінің тайғанауынан немесе оның үзілуінен, сусорғының бұзылуынан, термостат ақауынан, радиатордың ішкі немесе сыртқы жағының бітелуінен болады. Жөндеу жұмыстарын жүргізген кезде резеңкелі құбыршектер мен түтікшелерді ұқыпты шешу керек. Ал қайта кигізген кезде резеңке құбыршегінің басын қандай да бір маймен майлау керек.