Кескіш аппараттың түрі шапқыш

Сабақтың тақырыбы: Шөптен пішен және көк жем жинауға арналған машиналар. Касилкалар, комбайндар

Топтар
ТР 9-192

Сабақ өтетін күн
24.12.2020

САБАҚ БАРЫСЫ
І Ұйымдастыру бөлімі:
А) <<Топтық>> ашылған чатқа кіру;
Б) Чатқа оқытушы өзінің пәнін кесте бойынша жариялау;
В) Оқушылардың чатқа қосылғанын тексеру, қадағалау;
Г) Өтетін сабақтың тақырыбын чатқа жазу;
ІІ Үй тапсырмасын тексеру
А) Өткен тақырып бойынша үй тапсырмасын сұрау;
Б) Орындалған үй тапсырмаларын чат арқылы электронды қабылдау
В) Студенттерге үй тапсырмасынан сұрақтар қою;
Мына жаңбырлатқыш машиналар қалай құрылған: АШЖМ-70, ЖДКА-64 машиналары; <<Фрегат>> ЖМБ машинасы?
Қозғалмалы сорғылау бекетінде қандай жетек болады?
Аталған қозғалмалы бекеттерге қандай құрастыратын бірлік - тер кіреді: ЖСБ-120/30 және ЖСБ-75/100?
Г) Студенттерден ауызша түрде қабылдау;
ІІІ Жаңа оқу материалын баяндау (Электронды түрде: мәтін, сурет, видео)
Өздігінен жүретін жемазықтар жинайтын КСК-100А комбайндары балауса шөптерді шабу және дегдітілген пішендік және табиғи шөптердің дестелерін жинауға, жүгеріні, күнбағысты бір мезгілде майсаны ұсақтай және қатар жүріп келе жатқан көлікке тией отырып, ору кезінде қолданылады.
Комбайн өзіне өздігінен жүретін ұсақтағышты және ауыспалы жұмыс органдарын, оған: шөптерді оруға арналған орғыш, жүгері мен күнбағысты оруға арналған орғыш, дестелерді жинағыш және жаткаларды тасымалдайтын арбаларды қамтиды. Комбайнның жүріс бөлігі мен жұмыс органдары қозғалысты қуаты 147 кВт СМД-72 қозғалтқышынан алады.

3.5 сурет. Жемазық жинау комбайнының сызбасы:а - базалық үлгісі; б - ауыспалы ұсақтағыш және КСК-100А лақтырғышы;1 - кескаіш аппарат; 2 - ораушы; 3 - шнек; 4, 11, 12 - алдыңғы біліктер; 5 - бас - пақтаушы біліктем; 6 - жалтыр біліктем;7 - қарсы кесетін тілімше; 8 - ұсақтау барабаны; 9 - сүрлем құбыры; 10 - лақтырғыш.
Комбайнның жұмыс процесі былайша өтеді. Шөптерді ору және ұсақтау барысында қалбағай 2 (3.5 сурет) сабақтарды кескіш аппаратқа 1 бағыттайды. Кесілген масса шнекпен 3 алынып, төрт қырлы 4, 11, 12 және бір тегіс 6 біліктемнен құралатын толтыру аппаратына беріледі. Біліктемдер майсаны баспақтап, оны ұсақтау аппаратына береді. Ұсақталған масса сүрлем құбырымен 9 лақтырғыштың қалақшаларымен 10 қатар жүріп бара жатқан көлікке түсіріледі.
Шөптерді оруға арналған орғыш төрт қалақшалы қалбағайдан, кескіш аппараттан және шнектен құралады. Қалбағайдың білігі, меиалл планкалары мен серіппелі тістермен жарақталған тырауығы болады. Тырнауықтардың сол ұштары аунақшалы планкамен жабдықталған. Бұл аунақша жылжымайтын профильденген жолмен келе жатып, серіппелі тістерге қалбағай айналғанда сол немесе басқа күйге ие болуға жәрдемдеседі. Бұл қалбағайға өсімдіктерге апарғанда, кескенде және шнекке тасымалдағанда белсене әрекет етуге мүмкіндік береді.
Кескіш аппараттың түрі шапқыш. Саусақты діңгек екі бөліктен құралады, оның бірінің екіншісін ығыспасы 2 мм құрайды, бұл апатсыз жұмыс істеуге септігін тигізеді. Пышақтар қозғалысты теңселетін шайбалар механизмінен алады.
Жүгері жинайтын орғыш қалбағаймен, кескіш аппаратпен, екі тізбекті-планкалы транспортермен және шнекпен жарақталған платформа түрінде орындалған. Платформаның екі тұсынан бүйірлік орнатылған, олардың алдыңғы ұштары белсенді бөлгіштермен жарақталған. Қалбағайдың бес қалақшасы бар, оның диаметрі 180 см. Қалбағайдың рамасы гидроцилиндрлермен айналады, бұл оны биіктігімен ретке келтіруге септігін тигізеді.
Кескіш аппарат діңгектен, қадамы 90 мм қосарлы болат саусақтардан, үйкеліс тілімшелерінен және сегменттері күшейтілген пышақтардан құралады.
Транспортерлер қадамы 38 мм көлденең металл планкалармен жарақталған үш тізбек түрінде орындалған. Шнек бағыттаушылардың бойымен жылжитын серіппе астындағы тіреулерге орнатылған және оған қозғалатын массаның қабатының шамасына қарай биіктігінен сол немесе басқа күйге ие болуға мүмкіндік береді.
Жинағыщ өзіне раманы, жинау барабанын, қысқыш торшанығ шнекті және жетек механизмін қамтиды. Жинау барабаны дискілі біліктен құралады. Бұл дискілер серіппелі тістері бар тарауыштармен жарақталған. Тарауыштардың сол ұштарына аунақшалы қос иіндер бекітілген, олар қаңқаның сол бүйірінде орналасқан профильденген жолмен жылжиды.
Шнек серіппеленген, оның ортасында алмалы-салмалы қалақша болады. Кері жүрісті қосқанда жинау барабанының сынуын жою үшін қырылдақ муфта орнатылған.
Жинағыш өздігінен жүретін ұсақтағышқа жалғанған.
Өздігінен ұсақтағыш рамадан, қозғалтқыштан, толтырғыш және ұқсақтағыш аппараттардан, кабинадан, топса механизмінен, жетектен және гидрожүйеден құралады.
Толтыру аппараты қозғалысты реверсивтік беріліс қорабынан алады.
Ұсақтағыш аппарат өзіне барабанды 8 (3.5. сурет) және қарсы кескіш діңгекті 9 қамтиды. Барабан он екі пышақпен жарақталған және олардың әрқайсысын ретке келтіруге болады. Барабанның білігінің оң жақ шеті озба муфтамен жарақталған. Барабанның айналуы негізгі конустық редуктордан іске асырылады.
Жұмысқа дайындау мынадай амалдарды қамтиды. Кесіктің биіктігін өзгерту көшірмелеу башмақтарының көмегімен іске асырылады. Кескітің ең аз биіктігі 6 м тең.
Топса механизмінің серіппелері башмақтардың топыраққа қысымы 250-300 Н болатындай керіледі.
Өсімдіктерді кесудің қажетті ұзындығы (5, 10, 15, 20, 25, 30, 40, 60, 76, 101 мм) біліктемнің айналу жылдамдығын және ұсақтау аппаратындағы пышақтардың санын өзгерте отырып алынады.
Біліктемдердің айналу жылдамдығы толтыру аппараратының жетегі беріліс қорабының біліктеріндегі жұлдызшаларды қайта ауыстырумен өзгертіледі.
Жүрдектігі жоғары өздігінен жүретін азықжем жинайтын КСК- 100А-1 комбайны аса лығылды және мелиоративтік шымды-батпақты топырақтарда жұмыс істеуге қолданылады. Бұл комбайн КСК-100А комбайнының жаңартылған түрі болып табылады және одан жетекші және басқарылатын белдіктері аркалы камерасыз шиналармен жабдықталуымен, ал жетекші доңғалақтардың белдігі дифференциалды бұғаттау механизмімен жабдықталуымен ерекшеленеді. Бұл механизм комбайнның қиын өтетін учаскелерде тарту қасиеттерін арттырады. Механизм өзіне шекті моментті жұдырықшалы екі қатарлы муфтаны және мәжбүрлі қосылатын жетекті іске қосады. Шекті моменттің муфтасы жетекші белдіктің жартылай осьтеріне орнатылған. Жұдырықшалы муфта жұдырықшалы жартылай муфталардың екі жұбынан, екі тіреуіш мойынтіректен және сығылу серіппесінен құралады. Жұдырықшалы жартылай муфталар оймакілтекті муфтада орналасқан. Сығылу серіппесі жұдырықшалы қосылыстарды ілініскен күйінде ұстап тұрады. Бұғаттауды мәжбүрлі іске қосу жетегі жетекші доңғалақтардың толық тайғанақтауын болдырмайды. Жетек өзіне тығынжылдағы бөлек корпусқа орнатылған ашаны қамтиды, оның гильзасы ашадағы жонып өңдеу болып табылады. Гильзаның қуысына штуцер арқылы май түседі.
IV. Бағалау
А) Студенттерге жаңа тақырып бойынша сұрақтар қою;
Б) Студенттерден ауызша түрде қабылдау;
Сұрақтар мен тапсырмалар
ПРП-1,6; ПТ-Ф-45; ПКТ-Ф-2,0 тайлап жинағышының жұмыс процесі қалай өтеді?
КСК-100А азықжем жинау комбайнын қандай құрастыру бірліктерінен құралады және жұмыс процесі қалай өтеді?
КСК-100А1 комбайнының КСК-100А комбайнынан айырмашылығы неде?
В) Студенттердің тапсырма жауаптары бойынша баға қою.
V. Үй тапсырмасын беру
Үй тапсырмасы
Жаңа сабақты оқып, пысықтау.
Сұрақтар мен тапсырмаларға жазбаша және электронды түрде жауап беру.