Қант қызылшасын механикаландырылған жинау: КСТ-3А, КСТ-2А комбайндары мен БМ-6Б жапырақ жинағышының талаптары мен жұмысқа дайындауы

Скачать

Сабақтың тақырыбы: Қызылша жинайтын комбайн КСТ-3А; КСТ-2А.

САБАҚ БАРЫСЫ

І Ұйымдастыру бөлімі:

А) «Топтық» ашылған чатқа кіру;

Б) Чатқа оқытушы өзінің пәнін кесте бойынша жариялау;

В) Оқушылардың чатқа қосылғанын тексеру, қадағалау;

Г) Өтетін сабақтың тақырыбын чатқа жазу;

ІІ Үй тапсырмасын тексеру

А) Өткен тақырып бойынша үй тапсырмасын сұрау;

Б) Орындалған үй тапсырмаларын чат арқылы электронды қабылдау

В) Студенттерге үй тапсырмасынан сұрақтар қою;

1. Қант қызылшасын жинауды қандай агротехникалық талаптар қойылады?
2. БМ-6Б пәлек жинағыш машинаның жұмысына дайындық қандай операцияларды қамтиды?

Г) Студенттерден ауызша түрде қабылдау;

ІІІ Жаңа оқу материалын баяндау (Электронды түрде: мәтін, сурет, видео)

Қант қызылшасын механикалан-ды­рылған жолмен жинағанда қызылша жинайтын машиналар келесі та­лаптарға сай болуы керек.

Жапырақты кескенде оны көзшеден төмен кесуге болмайды және жапырақтың бастау алар тұсынан 2 смден жоғары кесілмеуі керек.

Жоғарыдан кесілген немесе кесілмеген жапырақтың массасы 5%-дан аспауы керек.

Жапырақтың құрамына кеткен өсімдік басының мөлшері барлық кесілген тамыр жемістерінің ішінде 5%-дан аспауы қажет.

Тамыр жемістерін төмен немесе қисық кесу жалпы массамен са­лыстырғанда 10-15%-дан аспайтын мөлшерді құрауы тиіс.

Жапырақтың жоғалған мөлшері 18%-дан аспауы керек, ал жапы­рақтың топырақпен кірленген мөлшері 5%-дан аспауы керек.

Жұлынып алынған құйыршықтардың диаметрі 1 см шамасында болуы тиіс. Құйыршықтарының диаметрі үлкен болған тамыр жемі­стерінің мөлшері 3%-дан аспауы қажет.

Айтарлықтай зақымданған тамыр жемістерінің массасы 12 %-дан аспауы тиіс. Машинаның көмегімен қазылған және алынған тамыр жемістерінің мөлшері 99 %-дан кем болмауы қажет, ал егістік бетінде қалған тамыр жемістерінің мөлшері 5%-дан аспауы керек.

БМ-6Б жапырақ жинайтын машинасы қатарларының арасы 45 см болып егілген қант қызылшасы жапырақтарын жинау кезін­де және қант қызылшасы жапырақтарын көлік құралдарына арту кезінде қолданылады. Машинаны МТЗ-80, МТЗ-82, МТЗ-100, МТЗ-102 (жетекші дөңгелектері енсіз шинамен жабдықталған), Т-70СМ, ДТ-75Н (енсіз шынжыр табанмен жабдықталған) тракторларымен агрегаттайды.

Машинаның құрамына мынадай бірліктер кіреді: жапырақ ке­сетін аппараттар, тасымалдағыш, жапырақты сыпыратын құрылғы, тамыр жемісті тазартқыш, гидробасқару жүйесі, жұмыс органдары­ның айналуын бақылайтын жүйе, электрлі жарықтандыру, рама және қозғалтқыш бөлік.

БМ-6Б жапырақ жинайтын машинасының негізгі ерекшелі­гі болып жүк тиейтін көліктің бес қалақты сыпырғыш барабаннан тұратындығы жатады. Бұл жүк тиеу биіктігін арттыруға және көлік құралдарының жүк көтергіштігін толық қолдануға мүмкіндік бе­реді. Тазартқыштың роторы тазарту сапасын арттыратын соққымен жабдықталған. Негізгі құрастырма бірліктер: жүк тиейтін тасымал­дағыш, көшіргіш механизмдер, тілгіш аппараттар, тазартқыш.

Жапырақ көлік құралдарына жеткізіледі. Өсімдік массасы және тамыр жемістегі жапырақ қалдықтары білігіне бұрандалы желі бой­ынша қайыс бекітілген тазартқыштың көмегімен алынып тасталады.

Рама дегеніміз дәнекерленген құбырлы конструкция. Ол пневма­тикалық шинадан тұратын жүріс дөңгелектеріне сүйенеді.

Жапырақ кесетін аппарат екі секцияға бөлінген. Секция дәнекер­леу конструкциясының жылжымалы рамкасынан тұрады. Аталған конструкцияға үш кесу аппараты және үш көшіргіш механизм монта­ждалған. Ол негізгі рамаға жалғасқан және алдыңғы бөлігі көшіргіш дөңгелекті тірек етеді.

Көшіргіш механизм автоматты түрде тиісті биіктікте тамыр жемі­стерінің басын кесу үшін пышақтарды орналастырады. Механизм ке­скінделген, тараққа ұқсаған көшірме түрінде орындалған және серіп­песі бар топсалы төрт буынды түрде орындалған.

Кесу аппараттары жапырақтарды кесуге және оны қабылдау көлігінің төсеміне беруге арналған. Олар дискілі тегіс пышақтармен және қатты ластанған жерлердегі жұмыстарға арналған сегменттер­мен жабдықталған. Кесу аппараттары бөліп таратқыш редуктордан шыққан карданды берілістің көмегімен қозғалысқа келеді.

Қабылдаушы тасымалдағыш жапырақтарды қабылдайды, топы­рақтан тазартады және жүк тиейтін элеваторға жолдайды. Тасымал­дағыш рамадан, шынжырлардың қақпақылынан, қырғыштары бар шыбықты төсемеден, негізгі біліктен, жетектегі және тірек роликтер­ден тұрады. Тасымалдағыш бәсеңдеткіштің көмегімен қозғалысқа түседі. Қақпақылдың білігі тасымалдағыштың негізгі білігімен шын­жырлы беріліс арқылы байланысқан.

Гидробасқару машинаның жұмыс органдарын автоматты түрде қант қызылшасының жиналатын қатарларына бағыттауға арналған. Оның құрамына сорғы, гидротаратқыш, құбыр желісі жүйесі, көлде­нең күш, көшіргіштер (оң жақ, орта және сол жақ) және май орна­ласқан блок кіреді.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс