Сұрақтар мен тапсырмалар. САБАҚ БАРЫСЫ

Сабақтың тақырыбы Іс-тәжірибе: Моментоскоп. Спектрал құрылғысы.
Топтар
Асл 9-182

Сабақ өтетін күн
13.02.2021

САБАҚ БАРЫСЫ
І Ұйымдастыру бөлімі:
А) <<Топтық>> ашылған чатқа кіру;
Б) Чатқа оқытушы өзінің пәнін кесте бойынша жариялау;
В) Оқушылардың чатқа қосылғанын тексеру, қадағалау;
Г) Өтетін сабақтың тақырыбын чатқа жазу;
ІІ Үй тапсырмасын тексеру
А) Өткен тақырып бойынша үй тапсырмасын сұрау;
Б) Орындалған үй тапсырмаларын чат арқылы электронды қабылдау
В) Студенттерге үй тапсырмасынан сұрақтар қою;
Дизельді жанармай аппаратурасының күйін сипаттайтын негізгі көрсеткіштерге нелер жатады?
Жанармай аппаратурасын диагностикалауда қандай параметрлер қолданылады?
Дизельді қоректендіру жүйесін диагностикалау үшін қандай жабдық қолданылады?
Г) Студенттерден ауызша түрде қабылдау;
ІІІ Жаңа оқу материалын баяндау (Электронды түрде: мәтін, сурет, видео):
Іс-тәжірибе: Моментоскоп. Спектрал құрылғысы.
Моментоскоп (4.6-сурет) жанармайды дизельдің жанармай сорғысымен айдамалаудың басталу сәтін анықтауға арналған. Тексеруді келесі ретпен орындаған жөн:
реттеуішті басқару тетігін жанармайды барынша беруге сәйкес келетін күйге орнату және жоғары қысымды түтікті бірінші секциялы штуцерден ажырату, оның орнына моментоскопты қосу;
дизельдің иінді білігін арнайы кілтпен немесе жабдықпен моментоскоптың шыны түтігінен ауа көпіршіктерісіз жанармай пайда болғанша сағат тілімен бұрау;
шыны түтіктен оны қағып сілкіп, жанармайдың бөлігін кетіру және оны сағат тіліне қарсы иінді біліктің 30...40°-қа бұру.

Түтіктегі жанармайдың деңгейін бақылау, ал жанармайдың көтерілуі басталған сәтте иінді біліктің айналуын тоқтату.
Түтікте жанармай деңгейінің артуының басталуы жанармай сорғысы секциясымен жанармайды айдамалаудың басталу сәті болып табылады.
ИПД-ТА аспабы (4.7-сурет) айналу жиілігін, қозғалтқыштың иінді білігінің екпіні мен шығуының күшеюлерін, сондай-ақ жанармайды бүркуді бастау сәтінің бұрыштары мен бүркуді басып озудың автоматты муфтасының айналу бұрышын өлшеу арқылы дизель мен жанармай аппаратурасының жалпы күйін диагностикалауға арналған. Аспаппен тікелей автомобильде жоғары қысымды жанармай сорғысының айналу жиілігі реттеуішінің жалпы күйін (ЖҚЖС), тиімді қуатты, механикалық шығыстарды жеңуге жұмсалатын қуатты, бос жүрісте және дизельдің екпіні кезінде қозғалтқыштың иінді білігінің айналуының әртүрлі жиілігі кезінде жанармайдың шығысын анықтауға болады.
Аспаптың қоректенуі - кернеуі 24 В автокөліктің аккумуляторлық батареясынан немесе кернеуі 220 В айнымалы тоқ желісінен (50 Гц). Жанармайдың шығысы 10 сездіргісін ЖҚЖС-ты қозғалтқыштың бірінші цилиндрінің бүріккішімен қосатын айдамалау құбырының ажырауына орнатады. Сездіргінің сезімтал элементі жартылай сымды тензорезистор болып табылады, ол жанармайдың қысымына байланысты сездіргі тұрқысының деформациясын электр сигналына түрлендіреді. Түрлендіргіштен түсетін сигнал жанармайдың айдамалауының басталу сәтін және қозғалтқыштың иінді білігінің айналу жиілігін анықтау үшін қолданылады. Сездіргі штуцерге тілінген ілме сомынмен бекітіледі.
Иінді біліктің екпінінің күшеюін немесе қозғалыстан шығуының баяулауын өлшеу 9 сездіргісінен жүзеге асырылады (тұрақты магнитімен индуктивті типті), ол КАМАЗ қозғалтқышында иіртүтік бекіткішінің ұясына домалатылады. Тәждің тісі немесе иіртүтіктің бекітетін тесігі сездіргі өзегінің жанынан өтетін сәтте оның катушкасында ЭДС туындайды. Қозғалтқышты иінді білігінің екпінінің күшеюін немесе қозғалыстан шығуының баяулауын өлшеу кезінде түрлендіргіш сигнал береді. ММЗ, МАN қозғалтқыштарының иіртүтігігің бағдарлануын диагностикалау кезінде стробоскопты 6 қолданады. Жанармайдың шығын өлшеуіші шығысты түрлендіргіштен және индикация мен басқаруды түрлендірудің электрондық блогынан 5 тұрады. Шығыс түрлендіргішінің негізгі бөліктері өлшейтін цилиндр мен штогымен піспек болып табылады. Піспектің қозғалысы электрмагниттік клапанмен байланысты және электр сигналына түрленеді. 1 және 4 микроамперметрлерімен 5 өлшейтін блогы жанармайдың айдамалауының басталу бұрышының номиналдыдан ауытқу шамасын, қозғалтқыштың қуатын және жанармайдың шығысын (микроамперметр 1), қозғалтқыштың иінді білігінің айналу жиілігін (микроамперметр 4) тіркейді. Аспап қозғалтқыштың иінді білігінің 100 -ден 3 000 мин-1 дейін айналу жиілігін, 5- тен 500 рад/с2 дейін күшеюін, 3- тен 300 кВт дейінгі қуатын, жанармайдың айдамалануының басталу бұрышын +-30°,8...40 л/сағ шектерінде жанармайдың шығысын өлшеуге мүмкіндік береді.
IV. Бағалау
А) Студенттерге жаңа тақырып бойынша сұрақтар қою;
Б) Студенттерден ауызша түрде қабылдау;
Сұрақтар мен тапсырмалар
Моментоскоп қандай қызмет атқарады?
ИПД-ТА аспабы қызметі қандай?
Дизельді қоректендіру жүйесін диагностикалау үшін қандай жабдық қолданылады?
В) Студенттердің тапсырма жауаптары бойынша баға қою.
V. Үй тапсырмасын беру
Үй тапсырмасы
Жаңа сабақты оқып, пысықтау.
Сұрақтар мен тапсырмаларға жазбаша және электронды түрде жауап беру.