Шиномонтаждық стенд

Сабақтың тақырыбы: Шина және камераларын диагностикалау құралдары. Шинаның қысымын өлшейтін құрылғы
Топтар
Асл 9-182

Сабақ өтетін күн
23.04.2021

САБАҚ БАРЫСЫ
І Ұйымдастыру бөлімі:
А) <<Топтық>> ашылған чатқа кіру;
Б) Чатқа оқытушы өзінің пәнін кесте бойынша жариялау;
В) Оқушылардың чатқа қосылғанын тексеру, қадағалау;
Г) Өтетін сабақтың тақырыбын чатқа жазу;
ІІ Үй тапсырмасын тексеру
А) Өткен тақырып бойынша үй тапсырмасын сұрау;
Б) Орындалған үй тапсырмаларын чат арқылы электронды қабылдау
В) Студенттерге үй тапсырмасынан сұрақтар қою;
Доңғалақ күпшегін оорнату жəне доңғалақ мойынтірегіндегі саңылауды қалай реттеу керек?
Жетекші белдікті қалай тексерілуі тиіс?
Автомобильде жетекші тегершіктің мойынтірегін алдын ала тартуды реттеу қалай жүргізіледі?
Г) Студенттерден ауызша түрде қабылдау;
ІІІ Жаңа оқу материалын баяндау (Электронды түрде: мәтін, сурет, видео):

2.6. Автокөлiктердiң доңғалақтарының теңдеуiшi үшiн стендтер

Шина - покрышкадан, камерадан және жақтау жібінен тұрады. Покрышка камерадағы сығылған ауа қысымын қабылдайды, камераны ақауланудан сақтайды және доңғалақтардың жолмен үйкелісін, жанасуын қамтамасыз етеді.
Покрышка протектор, төсеніш, жастықша қабат (брекер), каркас, бүйірлік және жаңтаулық жіптен тұрады. Автокөліктерде пневматикалық шиналар қолданылады.

Аталған жұмыстарды сапалы әрі тез уақытта жөндеу үшін ТҚКС-да арнайы шиномонтаждық және шина жөндеу жабдықтары қолданылады. Сонымен қатар бұл жабдықтарды қолдану шиномонтаждық жұмыстардың еңбек сыйымдылығын азайтуға және өнімділігін арттыруға мүмкіндік береді. Шиномонтаждық жабдықтар атқаратын қызметіне, автоматтандырылу дәрежесіне, қуатына, қызмет көрсетілетін дөңгелек түріне қарай классификацияланады.
Атқаратын қызмет түріне қарай:
Шиномонтаждық стенд;
Теңгеру стенді;
Вулканизатор;
Көмекші жабдықтар.

Шиномонтаждық стенд (станок) дөңгелекті бөлшектеуге және құрастыруға, сонымен бірге шина
қысымын реттеуге және диагностикалуға арналған жабдық. Автоматты және жартылай автоматты түрлері болады.

Доңғалақтарды теңгеру арнайы теңгеру станоктарында жүргізіледі. Алдымен доңғалақтардың статикалық ауытқуын (дөңгелек массасы айналу шеңберінің ұзындығы бойынша бірқалыпты таралмауын) теңгереді,содан соң динамикалық ауытқуын (дөңгелек массасы айналу шеңберінің ені бойынша бірқалыпты таралмауын) теңгереді. Айналу өсі горизонталь орналасқан күпшекке доңғалақты бекітеді. Доңғалақты қолмен жеңіл итеріп алдымен бір жаққа, сонан соң екінші жаққа айналдырады.

покрышкалардың және камералардың ақауларын резеңкені вулканизациялау арқылы жөндеуге арналған құрылғы. Покрышканы немесе камераны алдымен жақсылап тазалайды, содан кейін ақау маңына шикі резеңкені желімдеп, вулканизатордың қысқыштарына қысады. Қысқыштар электр тогы арқылы резеңкені қыздырады, осы кезде вулканизация процесі жүреді.

Көмекші жабдықтар

Домкрат - дөңгелекті демонтаждау үшін автомобильді шағын биіктікке көтеріп, уақытша ұстап тұруға арналған құрылғы.

Үрлеу тапаншасы - дөңгелектерді ауамен толтыруғаарналған пневматикалық құрылғы.

Компрессор ауаны қатты қысыммен бере алатын құрылғы. Ол барлық пневматикалық құрылғыларды сығымдалған ауамен қамтамасыз ете алуы қажет.

Пневматикалық гайка бұрағыш -
дөңгелек гайкаларын бұрау үшін ауа қысымын
қоладанатын құрылғы. Ол жұмыс өнімділігін арттыруға үлкен үлес қосады.

Шиномонтаждық ванна - камералардың немесе камерасыз дөңгелектердің герметикалығын тексеру үшін қолданылатын су құйылған ванна.

Шығындалатын материалдар - шина жөндеу кезінде қолданылатын жүкшелер, желімдер, шикі резеңке және т.с.с.

IV. Бағалау
А) Студенттерге жаңа тақырып бойынша сұрақтар қою;
Б) Студенттерден ауызша түрде қабылдау;
Сұрақтар мен тапсырмалар
Шиномонтаждық жабдықтар атқаратын қызметіне өандай түрлерге бөлінеді?
Шиномонтаждық стенд қызметі қандай?
Көмекші жабдықтарға нелер жатады?
В) Студенттердің тапсырма жауаптары бойынша баға қою.
V. Үй тапсырмасын беру
Үй тапсырмасы
Жаңа сабақты оқып, пысықтау.
Сұрақтар мен тапсырмаларға жазбаша және электронды түрде жауап беру.