Жаяу жүргіншілер міндеттері

Пәннің атауы Қозғалыстың арнайы шарттары (Факультатив)
Сабақтың тақырыбы: Жаяу жүргіншілер міндеттері.
Топтар
Аэл 9-201

Сабақ өтетін күн
29.09.2020

САБАҚ БАРЫСЫ
І Ұйымдастыру бөлімі:
А) <<Топтық>> ашылған чатқа кіру;
Б) Чатқа оқытушы өзінің пәнін кесте бойынша жариялау;
В) Оқушылардың чатқа қосылғанын тексеру, қадағалау;
Г) Өтетін сабақтың тақырыбын чатқа жазу;
ІІ Үй тапсырмасын тексеру
А) Өткен тақырып бойынша үй тапсырмасын сұрау;
Б) Орындалған үй тапсырмаларын чат арқылы электронды қабылдау
В) Студенттерге үй тапсырмасынан сұрақтар қою;
Апатты жағдайда, кедергімен соқтығысқан кезде жүргізуші денесінің қозғалысы
Жол апаты болған жағдайда автомобильден шығарып алу
Қарсы қозғалыс жолағына шығуда қауіпті жағдайлар
Г) Студенттерден ауызша түрде қабылдау;
ІІІ Жаңа оқу материалын баяндау (Электронды түрде: мәтін, сурет, видео)
Жаяу жүргіншілер міндеттері.
Жаяу жүргіншілер мен жолаушылар - жол жүрісінің ең саны көп, əрі ең ұйымдаспаған қатысушылары. Олардың көпшілігі жол жүру қағидаларын білмейді, ал кейбіреулері ЖЖҚ-ны жалпы біле тұра, қасақана бұзады. ЖЖҚМИ деректері бойынша, жалпы еліміз бойынша жаяу жүргіншілерді соғып кету жағдайлары ЖКО жалпы санының үштен бір бөлігінен асады, ал ірі қалаларда олардың саны 40...45%-ға жетеді, жəне бұл оқиғалардың көпшілігінде жаяу жүргіншілердің өзі кінəлі болған. Жүргізушіжолаушыларменжаяужүргіншілердіңəрекеттеріналдын ала болжап, тиісінше сол əрекеттерге байланысты өзіəрекет етуі тиіс.

1.2 -сурет. Реттелетін жол қиылысындағы жаяу жүргіншілердің жүрісі
Зерттеулер көрсеткендей, жалғыз жаяу жүргінші шамамен 30 с бойы шыдамдылықпен көлікті өткізіп тұруы мүмкін, содан кейін ол жолдан жүгіріп өтуге ұмтылуы мүмкін. Жаяу жүргіншілер тобы, əдетте, көлік құралдарының тұтас ағымында жолдың жүру бөлігінен өтуді ұзақ уақыт күту қажет болған жағдайда барынша жігерлі болып келеді. Тұрғын шағын аудандарда, балалар мекемелерінің спорт алаңдарының, тұрғын үй кіреберістерінің маңындағы жол жүрісі қағидалары туралы ерекше айту қажет. Аталған жерлерде адамдарды (жиірек, балаларды) соғу жағдайларының саны соңғы жылдары айтарлықтай арта түсті. Жаяу жүргіншілер жүрісін қарастыра отырып, білім алушылардың назарын қараңғы, барынша қауіпті тəулік мезгіліндегі автокөліктің жүріс қағидаларына аудару қажет.

1.3 -сурет. Жаяу жүргіншінің реттелмейтін өткелдердегі жүрісі
Оқу плакаттарында автокөлік пен жаяу жүргіншілердің жүрісі реттелетін жерлердегі (1.2-сурет) жəне реттелмейтін жаяу жүргіншілер өткелдеріндегі (1.3-сурет) жүру бөлігінің көрінісін көрсету қажет.
Жүру бөлігіне шыққанда жаяу жүргіншілер ол жерде кідірмеуі немесе тоқтамауы тиіс. Қауіпсіздікті қамтамасыз етумен байланысты болғанда ғана рұқсат етіледі. Көк немесе көкпен қызыл түсті жарқылдайтын шамшырағы қосылған, əрі арнайы дыбыс сигналымен көлік құралдары жақындаған кезде жаяу жүргіншілер жолдың жүру бөлігінен өтпей, тоқтай тұруға міндетті.
Білім алушылардың назарын жолаушыларды маршруттық көлік құралдарына мінгізу жəне түсіру тəртібіне, жəне олардың бұл көлік құралдарын күтіп тұруына арналған орындарға аудартқан жөн.
IV. Бағалау
А) Студенттерге жаңа тақырып бойынша сұрақтар қою;
Б) Студенттерден ауызша түрде қабылдау;
Сұрақтар мен тапсырмалар
1. Жаяу жүргіншілерге жолдың жүру бөлігінен өтуге тыйым салынған жерлерді атап беріңіз.
2. Жаяу жүргіншілер тəуліктің қараңғы мезгілінде жолдардан қалай жүрулері керек?
3. Жаяу жүргіншілерге жүруге тыйым салынған жолдарды атаңыз.
4. Жарқылдайтын шамшырақтары қосылған арнайы көлік құралдары жақындаған кезде жаяу жүргінші қалай əрекет етуі тиіс?

В) Студенттердің тапсырма жауаптары бойынша баға қою.
V. Үй тапсырмасын беру
Үй тапсырмасы
Жаңа сабақты оқып, пысықтау.
Сұрақтар мен тапсырмаларға жазбаша және электронды түрде жауап беру.