Сыбайлас бұрыштардың қасиеттері

Ұзақ мерзімді жоспар бөлімі:

7. 2А Алғашқы геометриялық мәліметтер

7. 3. 2. 2

сыбайлас және вертикаль бұрыштар анықтамаларын біледі, оларды анықтай және кескіндей алады;

7. 3. 2. 3

вертикаль және сыбайлас бұрыштардың қасиеттерін қолданады.

Оқушы

• Сыбайлас және вертикаль бұрыштарын ажыратады;
• Сыбайлас және вертикаль бұрыштардың анықтамасы мен қасиеттерін қолданады;
• Сыбайлас және вертикаль бұрыштардың қасиеттерін қолданып, бұрыштың градустық өлшемін табады;
• Дәлелдеу үшін сыбайлас және вертикаль бұрыштардың қасиеттерін пайдаланады.

Оқытудың тілдік мақсаты

Оқушылар:

- бөлімнің ұғымдары мен терминдерін пайдаланады;

- аксиомаларды және теоремаларды тұжырымдайды;

- фигуралардың өзара орналасуын суреттейді;

- сызбаның салынуын түсіндіреді;

- есептердің шешу жолын (шешімдерін) түсіндіреді.

Диалогқа/жазылымға қажетті тіркестер

- кері жору әдісімен дәлелдейік;

- дәлелдеу керегі де осы еді;

- F және G фигуралары бір-біріне тең болып табылады;

- кесінділер/бұрыштар тең;

- егер екі фигура бір-біріне беттессе, онда фигуралар тең болады;

- түзу қандай болса да . . . ;

- . . . нүктесі . . . түзуіне тиісті;

- жазыңқы бұрыштың 1/180 бөлігі.

Бөлім бойынша лексика мен терминология

- аксиома, теорема;

- жазықтық, ара қашықтық, жиын;

- нүкте, түзу, сәуле, кесінді, бұрыш, үшбұрыш;

- бұрыштардың түрлері, сүйір бұрыш, доғал бұрыш, жазыңқы бұрыш, тік бұрыш;

- вертикаль бұрыштар, сыбайлас бұрыштар;

- бұрыштардың градустық өлшемі;

- градус, минут, секунд;

- параллель түзулер, перпендикуляр түзулер, перпендикуляр, перпендикуляр табаны.

Тапсырмаларды жұпта(топта) орындау арқылы ынтымақтастық құндылықтарды қалыптастыру

Жаңа білім қалыптастыруда бірлесіп жұмыс жасау арқылы құрмет құндылықтарын қалыптастыру

Жаңа білімді меңгеру арқылы өмір бойы оқу құндылығын қалыптастыру.

• Сәлемдесу.
• Оқушыларды түгелдеу.
• Оқушылардың сабаққа дайындығын тексеру.
• Оқушылар назарын аудару.
• Үй тапсырмасын тексеру.
• Сабақ тақырыбымен, оқу мақсаттарымен таныстыру.

Қайталау сұрақтары:

Бұрыш ұғымына байланысты сұрақтар (білімді жандандыру) :

1. Геометриялық фигура - бұрыштың анықтамасы.
2. Бұрыштың қандай түрлері бар?
3. Сүйір бұрыш деп қандай бұрышты айтады?
4. Қандай бұрышты доғал бұрыш деп айтады?
5. Қандай бұрышты тік бұрыш деп айтады?
6. Тік бұрыш деп қандай бұрышты айтады?
7. Бұрышты өлшем бірлігі.
8. Бұрышты қандай құралмен өлшейді?
9. Бұрышты өлшеу қасиеттері (аксиомалар) .
10. Қандай бұрыштарды тең бұрыштар деп айтамыз?

1. Жаңа сабақты меңгерту

Балалар, бәріміз дәптерімізге сүйір бұрыш салайық. Осы сүйір бұрыштың бір қабырғасын созайық. Сонда неше бұрыш пайда болды?

Осы пайда болған бұрыштарды сыбайлас бұрыштар деп атайды.

Анықтама: Егер екі бұрыштың бір қабырғасы ортақ, ал қалған екі қабырғалары толықтауыш сәулелер болып келетін екі бұрыш сыбайлас бұрыштар деп аталады.

О - бас нүкте, ОВ - ортақ қабырға.

ОА, ОС қабырғалары - бір -біріне толықтауыш сәулелер.

Балалар, бәріміз дәптерімізге тағы бір сүйір бұрыш салайық. Осы сүйір бұрыштың екі қабырғасын да созайық. Сонда неше бұрыш пайда болды?

Осы кезде пайда болған қарама- қарсы бұрыштарды вертикаль бұрыштар деп атайды.

Анықтама: Бір бұрыштың қабырғалары екінші бұрыштың қабырғаларының созындылары болып келетін екі бұрышты вертикаль бұрыштар деп атайды.

Назар аударыңыз. Екі түзу қиылысқанда, екі жұп вертикаль бұрыш пайда болады.

1 және 3 бұрыштар, 2 және 4 бұрыштар - вертикаль бұрыштар.

Сыбайлас және вертикаль бұрыштардың қасиеттері:

• Сыбайлас бұрыштардың қосындысы 1800- қа тең:

<AOС+<СOВ=180 ⁰

• Вертикаль бұрыштар өзара тең:

<1=<3, <2=<4

2. Күнделікті өмірмен байланысы

3. Бекіту

Сызбаны қолданып анықтаңыз:

4. Есептер шығару

Жұптық жұмыс

А деңгейі

Бос орындарды толтырыңыз: