Қатыспаған оқушылар

Өзін-өзі тану бойынша сабақ жоспары

Бөлім:
Адам және әлем
Мұғалімнің аты-жөні, тегі
Нурмагамбетова Д.М.
Мерзімі:
07.02.2022ж.
Сынып: 6
Оқушылар саны:6
Қатыспаған оқушылар:
Сабақтың тақырыбы №20
Сыныптағы достық
Оқу бағдарламасына сәйкес оқыту
мақсаттары
Адами қарым-қатынас жасау әдептілігі. Айналасындағылармен сыйласу, оларды бағалай білу.
Сынып ұжымындағы өзара түсіністік пен сенім - ұл бала мен қыз баланың өзара сыйластығы, достығының сыры неде екенін түсінуге мүмкіндік алады.
Құндылық

Ақиқат
Қасиеттер
Шынайылық,сыйластық,өзара түсіністік пен сенім
Сабақтың мақсаты
Оқушылардың достық, татулық, ынтымақ туралы түсініктерін кеңейте отырып, Ақиқат құндылығының мәнін ашу.
Сабақтың міндеттері

- Оқушылардың сынып ұжымындағы өзара түсіністік пен сенім туралы түсініктерін тереңдету;
- оқушылардың достықтың адам өміріндегі маңыздылығын ұғындыра отырып, айналасына шынайы қарым-қатынасын дамыту;
- оқушыларды шынайылылыққа, сыйластыққа, өзара түсіністік пен сенімділікке тәрбиелеу.
Сабақ барысы
Сабақтың кезеңдері / Уақыт
Педагогтің іс-әрекеті
Оқушының іс-әрекеті
Ресурстар
Ұйымдастыру кезеңі (1 мин)

1. Жағымды көңіл күй (1-3 мин)

Мұғалім оқушылардың сабаққа қатысуын тексереді және <<5Т>> ережесін ұстануға шақырады.

Мұғалім <<Нұрға бөлену>> тыныштық сәтін өткізеді.
Оқушылар сабаққа дайындығын көрсетеді.
Оқушылар тыныс алып, жағымды күйге келіп, терең ойлауға бейімделеді.
Оқулық, мұғалімдерге арналған әдістемелік құрал

2. Алдын ала берілген үй тапсырмасын тексеру (әңгімелеу) (3-5 мин)

№20 сабақ, 81-бет Қалихан Ысқақтың <<Қоңыр күз еді>> әңгімесін мазмұндау.
Сұрақтар:
1.Мәтіндегі << сен өзіңді басқамен салыстырма. Кімнің қандай білігі бар, ол маған бес саусақтай белгілі>> деген сөзді қалай түсінесіңдер?
2.Ұстаз оқушы бойынан қандай қасиетті көре білді деп ойлайсыңдар?
3.Қазақтың Чеховы деп кімді, қай жазушыны айтып тұрғанын білесіңдер ме?
4.Адам қандай қасиеттері арқылы рухани-адамгершілік биігіне көтеріліп, кемелдікке жете алады?Неліктен?
5.Сыныптарыңда ұстаз бен оқушы арасында осыған ұқсас оқиға болды ма? Әңгімелеп бер.
Мұғалім сұрақтардың көмегімен оқушыларды достық және өзара түсіністік, сенім ұғымдарын түсінуге жетелейді, сонымен қатар олардың өзара байланысын түсінуге көмектеседі.

3. Жағымды ой-пікір (дәйексөз) (3-4 мин)

<<Айнымас досы бар адам - ең бақытты адам.>>
Халық мақалы
1.Дәйексөздің мағынасын қалай түсінесіздер?
2.Өзіңді айнымас доспын деп санайсың ба? Неліктен?
2.Достарыңның бойындағы ізгі қасиеттер туралы әңгімелеп беріңдер.

Мұғалім дәйексөзді дәптерге жазуды ұсынады.
Оқушылар халық мақалының мағынасын сұрақтар арқылы талқылайды.
Дәйексөзді әуелі ұл балалар, сосын қыз балалар қайталап айтады. Сосын барлығы хормен айтады.

Дәптерге жазып алады.
Презентация - слайд,
жұмыс дәптерлері.
4.Оқиғалар айту (әңгімелесу)
(4-8 мин)

<<Жүрегіңнің отын сөндірме>> Аңыз
Бір жігіт көршісіне өзін жақында ренжіткен досын жамандай бастайды. Көршісі ол жігітті тыныштандырып, досын кешіруін өтінеді.Сонда ол ашуланып:
- Мен неге өзімді ренжіткен адамды кешіруім керек, неге мен өзімді сатып кеткен адамның алдында кешірім сұрауым керек?- дейді.
Тыңдап тұрған көршісі оған бір аңызды баяндап береді: ертеде бір адам өмір сүріпті. Ол Табиғат Анадан шам жақпас үшін ешқашан түннің болмауын, пеш жақпас үшін қыстың болмауын өтініп сұрайды. Бірақ, Табиғат Ана ол адамның өтінішін орындай алмайтындығын айтады.
Қатты ренжіген ол адам оған былай дейді: ендеше, мен саған жарық беру үшін ешқашан шам жақпаймын, саған жылу беру үшін пешті жылытпаймын, үйдің есігін де жаппаймын - дейді.
Осы айтылғандарды естіп тұрған жаңағы жігіт көршісіне:
- Бұл неткен ақылсыз адам, бұл өзінің жаққан шамымен Табиғатқа жарық беремін, өзінің жаққан отымен Табиғатты жылытамын деп ойлайды екен ғой - дейді. Сонда көршісі:
- Сен де өзіңе соны істеп тұрсың. Сен де өзіңнің жүрегіңнің отын жақпай тұрсың. Саған өзгелердің жарық түсіргенін, өзгелердің келіп жылытқанын күтпей, өз жүрегіңнің отын жағып, өзгелерге жарығың мен жылуыңды сыйласаң, мүмкін, өзгелер де өз жолын табуға ұмтылар - деген екен.
Сұрақтар:
1) Әңгімеде кімдер туралы айтылған?
2)<<Өз жүрегіңнің отын жағып, өзгелерге жарығың мен жылуыңды сыйласаң, мүмкін, өзгелер де өз жолын табуға ұмтылар>> дегенді қалай түсінесіңдер?
3) <<Кешірім>>, <<кешірімділік>>, <<кешірімді болу>> дегенді қалай түсінесіздер?
4) Өзгелерге кешірімді болу адамның бойынан қандай құндылықты жарыққа шығарады?
5) Сіз сол жігіттің орнында болсаңыз қандай әрекет жасар едіңіз?
6) Өкпелеп, ренжігенде өздеріңді қалай сезінесіңдер?
7) Өздеріңнің басқаларға өкпе-реніштеріңнің себебіне үңіліп көрдіңдер ме?
8)Сендер өкпе-ренішті қалай жеңесіңдер? Әңгімелеп беріңдер.

Қорытындылау.
<<Дос құшағы - жаз>> дегендей, көріскен кезде құшақтасып, шұрқырасып жатқанға не жетсін шіркін?! Көріспей қалса тағатсыздана, бір-бірін іздеп, сағына білудің өзі - бақыт емес пе?! Мұндай керемет сезімді кез-келген жан бастан өткерсе керек.Үлкен Жүрегі бар жанда Үлкен Достық болмақ. Біреуді сүйе білу үшін де, жақсы көре білу үшін де ізгілікті дархан жүрек керек. Ондай жүрек жоқ жерде достық та жоқ. Екі адамның көңілден ақтарылған достық сезімдері арнасын тауып, көңіл көктеміне бөленіп жатқанының өзі қандай ғанибет!
Оқушылар аңызды тыңдағаннан кейін, мұғалімнің сұрақтарына жауап береді.

5. Шығармашылық жұмыс(жобалық іс-әрекет)
(12-15 мин)

1) Мұғалім оқушыларды 3 топқа бөледі және топтарда жұмыс ұйымдастырады:
1-тапсырма: сыныптастарыңның, достарыңның арасында өзара түсіністік болуы үшін не қажет екенін ойланыңдар. Кластер құрастырыңдар.
2-тапсырма: <<Татулық>> тақырыбына <<Бес жол өлең>> (синквейн) құрастырып жазыңдар. Бес жолдан тұратын өлеңді жазу ережесі:
1-жолға бір сөзбен тақырып жазылады (зат есім түрінде).
2-жолға тақырып екі сөзбен сипатталып жазылады (сын есім түрінде).
3-жолға үш сөзбен тақырыпқа қатысты іс-әрекет жазылады (етістік түрінде).
4-жолға төрт сөзден тұратын тақырыпқа қатысты бір сөйлем жазылады.
5-жолға тақырыптың мәнін сипаттайтын бір сөз жазылады.
Досым, досым ,
Өмірімнің айнасы,
Тиеді әрқашанда пайдасы,
Қатемді менің кешіресің әрдайым,
Ізгілікпен сағынамын өзіңді.

3-тапсырма: Төмендегі ұлы тұлғалардың достықтары туралы қанатты сөздерін оқып,өз пікірлерін ортаға салу.
<<Дос емес дос сыртынан жамандаған>>
Міржақып Дулатов
<<Дос адам маңайыңды жұмақ етер>>
Махмуд Қашқари
<<Көңіліңе қарай - дос таңда, күшіңе қарай - жүк таңда>>
Жүсіп Баласағұни
2) <<Табиғат - баға жетпес сый>> жобасы тапсырмасын дәптерге жазып, фотоальбом, коллажды толықтыру тапсырылады.
Оқушылар өз жұмыстарын сыныпқа таныстырады.
Флипчарттар, баяу әуен қойылады.

6. Үй тапсырмасы (1-2 мин)
Үй тапсырмасы: №21- сабақ, 85-бет Хамза Есенжановтың <<Жайын ілерде>> әңгімесін мазмұндау.
Оқушылар үй тапсырмасын жазады.

7. Топпен ән айту
(2-3 мин)

Мұғалім оқушылармен бірге Т.Молдағалиевтің <<Жан досым>> әнін орындайды.

Iздегенде табылатын қасыңнан,
Көңілі бар қызғалдақтай ашылған.
Көрiспесек қызғаныштан жүдейтiн,
Кiм бар екен бала күнгi досыңнан!
Қ-сы: Жан досым, үстем болсын мерейің,
Әрқашан жеңiсiңді көрейiн,
Сырымызда бiтпесiн,
Жырымызда бiтпесiн,
жырымызда бiтпесiн!
Қос бұтағы секiлденiп ағаштың,
Қатар жүріп сырымызды санаштық.
Жол тапсақ та бiрге жүрiп жол таптық,
Адассақта бiрге жүрiп адастық.
Қ-сы:
Өмiр өзi арқамызға жүк салып,
Бәрiмiздi қияларға жұмсады.
Қатар ұшқан құска ұқсадык әлде бiз,
Қатар жанған қос жұлдызға ұқсадық.
Қ-сы:
Оқушылар мұғаліммен бірге ән шырқайды.
Экранға өлеңнің мәтіні көрсетіледі.

8. Сабақтың қорытынды сәті (1 мин)
Тыныс алуға зейін қою.
Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.
Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...
Д е м а л..... ш ы ғ а р... (жаймен 9-10 рет) немесе 1..................2 [3]. Рахмет!
Бүгінгі сабақтан игерген жақсы қасиеттерді есімізге түсіріп, жүрегімізге сақтайық.
Рахмет!
Оқушылар рефлексия жасайды.
Баяу композиция қойылады.