Тыңдалым тапсырмасы

Саралап оқыту - нәтижелі білім алуға бағытталған әрекет
Түрі: шеберлік сынып
Мақсаты: сабақ жоспарлауда тапсырмаларды саралап беруге бағыттау.
Барысы:
І. Топқа бөлу:
Әр мұғалімге ақ парақ пен бояу қарындашы беріліп, 4 күлтешелі гүлдің суретін салу тапсырылады.
Гүлдің түсіне байланысты топқа бөлу.
ІІ. Теориялық бөлім:
Саралап оқыту тәсілі оқу үдерісін оқушылардың әртүрлі топтарына арнайы бағдарлауды, оқушылардың жеке қабілеттерін ескеру мақсатында түрлі топтар үшін әртүрлі нысанда ұйымдастыруды көздейді. Саралап оқыту тәсілі әртүрлі оқушылар тобының оқу әрекетін ұйымдастыру үшін арнайы оқыту әдістерін және іс-әрекеттерді саралау тәсілдерін қамтиды. Саралап оқытуды ұйымдастырудың негізгі шарты күрделілігі, танымдық деңгейі, мұғалім тарапынан берілетін көмектің сипаты жағынан ерекшеленетін сараланған тапсырмаларды қолдану болып табылады.
Тіл мен әдебиетті саралап оқыту ─ мұғалім мен оқушының ынтымақтастығын, тіл мен әдебиетті оқыту үдерісінің диалогтік сипатта, әрекеттік-шығармашылық сипатта өтуін, оқушының жеке тұлғасының дамып, қалыптасуын көздейтін дидактикалық үдеріс.
Саралап оқытуды ұйымдастыруда оқушылардың оқу және танымдық деңгейлерінің әртүрлілігі басты назарда болуы керек. Оқушылардың даму, жетілу, өсу, қалыптасу үдерістеріне қолдау танытып, олардың тұлғалық қасиеттері мен қабілеттерін ескеру керек. Дидактикалық әдістер мен құралдар жүйесін осы мақсатқа бейімдеп қолдану керек.

ІІІ. Практикалық бөлім:
1) Төлен Әбдіковтың <<Қонақтар>> әңгімесі
Сабақ мақсаты:
7.Т/Ж3.Көркем шығармадағы кейіпкерлердің типтерін жасалу тәсілдері тұрғысынан анықтау.
<> әдісі.
(Көркем шығармадағы кейіпкердің образдық тұлғасын ашуға бағытталады.)
F/ Дерек/ - шығармадан кейіпкер бейнесін ашатын деректер жинау;
I /Пікір/ - кейіпкер туралы өзінің ой- пікірі;
L /Сұрақ/ - кейіпкердің образдық тұлғасын ашатын сұрақтар;
A /Іс-әрекет/ - автордың кейіпкерді суреттеудегі қолданған тәсілі.
(Сапабек, Ерғабыл, Тома. 3 топқа 3 кейіпкер беріледі)

F/ Дерек/
I /Пікір/
L /Сұрақ/
A /Іс-әрекет/

1-қадам: Топ құрамындағы оқушылар <> әдісі бойынша тапсырма түрлерін бөліп алады.
2-қадам: Қорытындысында жұмыстарын біріктіріп, кестені толтырады.
3-қадам: Әр топ атынан бір немесе бірнеше шешен шығып, жұмыстарын қорғайды.
4-қадам: Қорғау соңында талқылау ұйымдастырылады.
Бағалау критерийі
Дескриптор
Көркем шығармадағы кейіпкерлердің іс-әрекеті арқылы типтерін анықтау
Кейіпкер бейнесін ашатын деректерді жинайды.

Кейіпкер туралы өз пікірін айта алады.

Кейіпкер тұлғасын ашатын 3 сұрақ құрастыра алады.

Автордың кейіпкерді суреттеудегі қолданған тәсілін анықтайды.

2) Бердібек Соқпақбаев <<Менің атым Қожа>> повесінен үзінді. Бақаның әлегі
Сабақтың мақсаты: 5. Т/Ж2 Әдеби шығарманың тақырыбы мен идеясын анықтау
<<Түсіндірме күнделігі>> әдісі

Үзінді дегі басты мәселе
Қалай ойлайсың, Қожа бұзық бала ма, әлде ақылды ма?
Сөзіңе дәлел келтір
Автор бұл үзінді арқылы нені түсіндіргісі келді?
Тақырыбы мен идеясы не деп ойлайсыз?
Қожаның орнында болсаң, оқиғадан қандай қорытынды шығарар едің?
Сенің өміріңде ұқсас оқиға болды ма? Болса баяндап бер

Бағалау критерийі
Дескриптор
Әдеби шығарманың тақырыбы мен идеясын анықтау

Басты мәселені анықтай алады:

Автор пікірін аңғарады;

Өзіндік ой түйе алады;

Шынайы өмірмен байланыстыра алады.

3) Рухани денсаулық - өмірдің мәні
Сабақ мақсаты:
7. Т/А4 Мәтін тақырыбы, сөйлеушінің дауыс ырғағы мен сөйлеу мәнері арқылы негізгі ойды анықтау.
Тыңдалым алды тапсырмасы
Сурет бойынша ойлары сұралады.
1)2)3)
Отбасыңның рухани денсаулығы дегенді қалай түсінесің?
Мағыналы өмір дегеніміз не?

Тыңдалым тапсырмасы
1) Өлеңді тыңдау.
2) Айтылым. Сұрақ-жауап.
* Бір ауыз сөздің адам денсаулығына тигізер әсері қандай?

Тыңдалым арты тапсырмасы
ТЖ.
Өлеңнің негізгі ойын, дауыс ырғағы мен сөйлеу мәнері үшін мына жұмыс түрі беріледі:
::Талқылаушы (идеясын, тақырыбын анықтайды)
::Белгілеуші ( негізгі ой бойынша сұрақ құрастырады)
::Байланыстырушы (өмірмен байланыстырып, мысал келтіреді)
::Қорытындылаушы (шешім ұсынады)
::Суреттеуші (негізгі ой бойынша сурет салады)

Бағалау критерийі
Дескриптор
Мәтін тақырыбы, сөйлеушінің дауыс ырғағы мен сөйлеу мәнері арқылы негізгі ойды анықтау.
Тақырыбы мен идеясын анықтайды;

Негізгі ойды анықтайтын 3 сұрақ құрастырады;

Шынайы өмірмен байланыстыра алады;

Қорытындылайды, шешім шығарады;

Негізгі ой бойынша сурет салады.

ІV. Қорытындылау
Тапсырма барысында саралап оқыту қалай жүрді?

Кері байланыс
Топқа бөлінгенде салынған гүл күлтешелеріне төмендегі сұрақтарға жауап жазады.
1 - күлтеше: Не түсіндіңіздер?
2 - күлтеше: Жұмыс барысында көңіл күйіңіз қандай болды?
3 - күлтеше: Ақпараттың құндылығы болды ма?
4 - күлтеше: Ұсыныс.

Саралап оқыту - нәтижелі білім алуға бағытталған әрекет
Түрі: шеберлік сынып