Кітаптар мұңы

Мектеп: Ә. Сағынтаев атындағы орта мектеп Күні: 04.03.2022 ж Сабақтың тақырыбы: Кітаппен бірге өсеміз Сабақтың мақсаты: білімнің кітап арқылы берілетінін ұғындыру, кітаптың адам өміріндегі маңызын, ғылым мен білімінің пайдасы жөнінде түсіндіру. Оқушылардың кітапқа деген қызығушылығын арттыру. Оны күтіп ұстауға тәрбиелеу Күтілетін нәтиже: кітаптың адам өміріндегі маңызы, ғылым мен білімнің пайдасы жайлы түсінеді, кітапқа деген қызығушылығы артады
Сабақтың барысы:
Сабақ кезеңдері
Мұғалімнің іс-әрекеті
Оқушының іс-әрекеті
Бағалау
Ресурс-тар
Сабақтың басы

Сабақтың ортасы

Ұйымдастыру

Сабаққа психологиялық дайындық

Жұмбақ
Қабат-қабат қатталған,
Асыл сөзбен апталған.
Парағы бар сөйлейтін,
Ол қазына өлмейтін.
(Кітап)
Ой қозғау:
- Мектепке балалар не үшін келеді?
- Оқу, білімді алу үшін оқушыға не керек? (Кітап)
- Кітаптың пайдасы туралы қысқаша әңгімелеп беріңдер.

Мұғалім:
Кітап - араб сөзі, "жазба", ал түрікше "дәптер","мерзімді баспасөз басылымы"деген сөз.
Кітап өмір айнасы, замана сыры, тарих шежіресі, оқу, тәрбие құралы.
Адам кітап басатын құралды ойлап тапқанша көп уақыт өтті. Кітаптар мазмұны жағынан әртүрлі болады. Олардың қағазы да, тысы да мұқабасы да, безендірулеріне де қарай әртүрлі болады. (түрлі кітап көрсету)
Кітапта алма ағашы,
Жемісін біздер теретін.
Тәтті алмаға балашы
Кітабыңның әр бетін,-деп Музафар Әлімбаев атамыз жырлағандай әдеби кітаптар мен оқулықтар - сендерге білім көзі, рухани қазына.
Дана халқымыз <<Батыр бірді жығады, білім мыңды жығады>> деп бекер айтпаса керек.

Балалардың кітап туралы тақпақтарын тыңдау

Мұғалім: -Кітап жасау оңай ма? -Ұзақ не қысқа болса ол неге байланысты? - Ал сен өз кітаптарыңды қалай сақтайсың?
Олай болса <<Кітаптар мұңы>> көрінісіне назар аударайық

Викториналық сұрақтар
1. Кітаптар тұрағы қалай аталады? (Кітапхана)
2. Кітаптармен жұмыс істейтін маман қалай аталады? (Кітапханашы)
3. Кітапханаға үнемі барып кітап оқитын адам қалай аталады? (Оқырман)
4. Балаларға арналған қандай газет - журналдарды білесіңдер? (<<Ұлан>>, <<Балдырған>>, <<Мөлдір бұлақ>> т. б.)
5. Кітап басып шығаратын жер қалай аталады? (Баспахана)
6. Мектеп оқулықтары қандай баспалардан шығады? (<<Атамұра>>, <<Алматыкітап>>)
7. Кітапты жазған адамды қалай атайды? (Автор)
Сергіту сәті
Қонақ күту - салтымыз,
Оқып - біліп жатырмыз.
Келген қонақ сіздерге,
Сәлем бердік жалпымыз.

Ойға толсын санамыз,
Бестік болсын бағамыз.
Баласындай бір үйдің,
Тату болсын арамыз.

Оқушылар сұраққа жауап береді

Алихан
Тұрады басын құрап әріп неден, Басталған білім басы Әліппеден Қарасақ шалқар теңіз, түпсіз мұхит Оқысақ кітап сырын ашып терең
Аружан
Кітаптар бейне жапырақ, Жырлайтын сырын өмірдің Оқисың кейде жаттап, Көтеріп күйін көңілдің.
Нұртілеу
Айдын шалқар кейде бір, Кітапты тұнған көл дерсің, Ауадай қажет бейне бір, Таппасаң нәрін шөлдерсің.

<<Кітаптар мұңы>>
Автор - Даяна
Әліппе - Ақерке
Ана тілі - Айару
Дүниетану - Райян

Хор: <<Жүр досым кітапханаға>>

Стикер-лер
Видео-ролик

Сабақтың соңы

Есіңе сақта!
1. Кітапты ұқыпты, таза ұстау керек. Өздеріңнен кейін оны көптеген балалар оқитынын есіңнен шығарма.
2. Кітапты төсекте жатып, ас ішіп отырып оқыма, кітап оқуды үлкен ой еңбегімен оқу керек.
3. Кітапты қалай болса солай оқыма.
4. Кітапты жыртуға, сызуға болмайды.
5. Кітапханада шулауға болмайды, өйткені басқаларға кедергі келтіресің.
Балалар, кітапты жыртпай, кірлетпей, бүлдірмей таза ұстау-
бәріміздің міндетіміз.

Кері байланыс
Кері байланыс: <<Білім қоржыны>>

Барлығын Маған көмек Ешнәрсе
түсіндім керек түсінбедім

Сабаққа, бір -бірінің іс -әрекетіне кері байланыс береді. Стикерлерге жазып, жапсырады.

Білім қоржын-дары

<<Кітап мұңы>> көрініс
Автор: Беттерін шаң басқан бір топ кітаптарбөлменің бұрышында жатыр. Көзін сығырайта ашып, бір кітап жан-жағына қарады. Аздап керіліп, жанындағы кітапқа:

Әліппе: -Ей, тұрсаңшы! Біз қайда келдік? Тірімісің өзің?

Дүниетану: -Ойй, мазамды алмашы, өйткен тірлігің құрсын! Бұданда парақтарымның жыртылып, желге ұшып кеткені жақсы еді ғой.

Әліппе: -Не болды соншама? Жалғыз сен деймісің?

Автор: Сосын келесі жағына бұрылып:

Әліппе:-Сен кімсің, сыртың бүп-бүтін ғой өзіңнің?

Ана тілі: -Сыртымды қайтесің? Сыртым бүтін болғанымен ішім түтін. Ана тілімін. Мені басып шығару үшін қаншама адам баласы еңбек етті. Балалар оқысын, сауат ашсын, адам болсын деген ниетпен. Менде өзімнің білімімді беруге тырыстым. Бәрімізде сондай ниетте едік. Адырбай деген баланың қолына түстім. Бір жыл болмай осы күйге түстім.

Дүниетану:-Мен Сотқарбай деген баланың кітабымын. Ол парақтарымды жыртып алып, кептер жасап ұшырып ойнағанда, қой демеді ғой үлкен ағасы.

Әліппе:-Онда мұңдас болдық қой, достым. Біздің Артықбай көзімізді бақырайтып қойып, суретімді бастырып, бетімді шимайлайды. Адам өз мүлкіне ұқыпты болса ғой, шіркін! Әдепті балалар көп. Мысалы, менің бір досым бар. Ол екеуміз парталас болдық. Соның иесін айт, оқушы деп! Бүлдірмек түгілі шаң мен кір жуытпайды.

Ана тілі: -Енді алдымыздағы күн не болар екен? Мүмкін бәрімізді жинап отқа жағар?! Кітап шығару үшін көп қаржы керек. Жанашыр балалар бізді түптеп, қажетке жаратар.

Дүниетану: -Бәріміздің де арманымыз сол. Білімге қызығатын, ұқыпты балалардың қолына түссек екен, шіркін!

Автор: Иә, достар, кітап қадірін білетін жақсы балалар көбейе берсін!