Сабақтың дәйексөзі

МКҚК <<Алматы мемлекеттік политехникалық колледжі>>
(оқу орнының атауы)

Сабақ жоспары/Қысқа мерзімді жоспар (ҚМЖ)

Оффлайн оқыту сабағы 45 мин.
Пәні
Өзін-өзі тану
Дайындаған оқытушы
М.Төлеубаева
Өткізілген күні

Курс, тобы
1 курс, П20-1А, Т20-1А, ИС20-1А, ТЗИ20-1, ИС20-1ВК, ИС20-1ГК топтары
1.Сабақ тақырыбы
Адамдық келбет
1.1 Сабақ типі
Аралас
2.Мақсаты, міндеттері

Мақсаты: Студенттерге адамдық келбет, адамдық борыш туралы түсіндіре отырып, сүйіспеншілік құндылығының мәнін ашу. Міндеттері: Білімділік: Студенттерді ізгілікті қарым - қатынас жасауға үйрету. Дамытушылық: Студенттердің бойындағы жанашырлық қасиеттерін дамыту. Тәрбиелік: Студенттерді жақсылық жасауға тәрбиелеу.
2.1 Оқыту нәтижелері
- адамның қажеттіліктері, қалауы мен мүмкіндіктерінің байланысын анықтайды;
- өз қалауын басқару қажеттілігін түсінеді;
2.2 Бағалау критерилері
Барлығы: - <<таным>>, <<дүниетаным>> ұғымдарын анықтайды:
Басым бөлігі: - жалпыадамзаттық құндылықтар туралы өз ойын білдіреді;
Кейбірі: - заманауи адамдардың жалпыадамзаттық құндылықтарын талдайды және қорытынды жасайды.
3.Сабақты жабдықтандыру
Аңыз-әңгіме, оқиғалар көрсетілген бейнебаян, дереккөздер: http://oilar.kz
3.1 Оқу-әдістемелік жабдықтау, анықтамалық әдебиеттер
1. Өзін-өзі тану: Жалпы білім беретін мектептің 10-сыныбына арналған оқулық /Жұбатова Л.С., Әкімбаева Ж.Ж., Нұркеева С.С. - Алматы: <<Бөбек>> ҰҒПББСО, 2019. - 98 б.
2. Өзін-өзі тану: Оқушы дәптері. Акимбаева Ж. Ж., Джубатова Л. С., Нұркеева С.С. / 10-сынып. - Алматы: <<Бөбек>> ҰҒПББСО, 2019. - 98 б.
0.2 Техникалық жабдықталуы
оқулық, компьютер, үнтаспа
4.Сабақтың барысы
Онлайн сабақтың жоспары (синхронды/асинхронды оқыту)
Сабақтың кезеңі мен уақыты
Оқытушының әрекеті
Білім алушының әрекеті
Ресурстар
1 Кезең. Ұйымдастырушылық-ынталандыру:

5 Т - ережесі:
1. Тәртіп.
2. Талап.
3. Тыныштық.
4. Тазалық.
5. Татулық.
Студенттер ережені есімізге түсіріп, топтың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Сабақтың дәйексөзі:
Адамдық борышың,
Халқыңа еңбек қыл.
Ақ жолдан айнымай,
Ар сақта, оны біл.
Шәкәрім
Шәкәрім Құдайбердіұлы (11 шілде (24 шілде) 1858-2 қазан 1931) - ақын, жазушы, философ, тарихшы, композитор. Абаймен замандас әрі інісі, әрі ол негізін салған реалистік әдебиет дәстүрлерін алға апарушы ізбасары.

Дәйексөзден қандай ой түйдіңіз?

Оқулық
2 Кезең. Теориялық-тәжірибелік:

тапсырма. Төменде берілген мәтінді оқып, сұраққа жауап беріңіздер.
Бір күні Бақыт орманда келе жатып байқаусызда шұңқырға құлап кеттіде жылай бастады.Жақын маңда адамның өтіп бара жатқан дыбысын естіген бақыт көмек сұрап айқайлайды: <<Қайырымды адам!Менің мына жерден шығуыма көмектесші>>.
<<Сен маған бұл үшін не бересің?>>-деп сұрады адам.
<<Сен не қалайсың?>>-деп сұрады Бақыт.
<<Мен теңізге қарап тұрған зәулім,қымбат үйім болғанын қалаймын>>
Бақыт адамға үй берді,ал адам үйіне қарай жүгірдіде,Бақытты ұмытып кетті.Бақыт тағы шұңқыр ішінде жылап отырды.Тағыда жанынан екінші адам өтіп бара жатқанын естіп,айғай салды:
<<Қайырымды адам!Менің мына жерден шығуыма көмектесші >>
<<Сен маған бұл үшін не бересің?>>-деп сұрады адам.
<<Сен не қалайсың?>>-деп сұрады Бақыт.
<<Мен бірнеше әдемі де қымбат машиналарым болғанын қалаймын>>
Бақыт адамға қалағанын берді.Ал адам қатты қуанғаннан Бақытты ұмытып өз жөніне кетті.
Бақыттың үміті мүлдем үзілді. Кенет үшінші адамның аяқ басқаны естіліп, Бақыт айғай салды:
<<Қайырымды адам! Мені мына жерден шығаршы!>>
Адам Бақытты шығардыда өз жөніне кетті.Бақыт қатты қуанып,адамның артынан ілесті:
<<Адам!Маған көмектескенің үшін не қалайсың?>>
<<Маған ештеңе керек емес>>-деп жауап берді адам.
Содан бері Бақыт адамның артынан ешқашан қалмастан ілесіп келеді.
(Студенттер жауаптарын дәптерге жазады)
-Бақытқа жолыққан адамдар әрекетін қалай түсінесіңдер?
-Қай адам дұрыс істеді?
-Сен оның орнында болсаң не істер едің?
-Сонда бақыт не үшін қажет деп ойлайсың?
-Соңындағы <<Бақыт адамның артынан ешқашан қалмастан ілесіп келеді>> дегенді қалай түсіндіресің?

2-тапсырма. Төменде берілген қанатты сөздерді оқып, олардың қайсысы адамның шынайы <<Меніне>>, қайсысы <<Менікіне>> қатысты айтылғанын тауып, дәлелдеп беріңіздер.

а) Маған қолымнан келетін істі атқаруға қуат бер, қолымнан келмейтін іске ұмтылмайтын ерлік бер, осы екеуін бір-бірінен айыра алатын ақыл бер. (Шығыс ұлағаты).
ә) Адамдықты айт, ерлікті айт, батырлықты айт, Ел бірлігін сақтаған татулықты айт.( Жамбыл).
б) Еркіндік десе ойыңа не келсе, соны жасайтындай ерікке ие болу деп түсінетіндер, еркіндіктің толқынында биікке жетіп алуға ұмтылатындар көп те, өз еркіңді біреудің реттеуінсіз өзің ғана билей алатындай еркін өмір сүр деп түсінетіндер жоқтың қасы. (Әбіш Кекілбаев).
в) Адамзат жаратылғалы алдымен заттық табиғатқа ие болған, яғни басқы мақсат - ішіп, жеу, қарынды тойындыру. Мұны Шәкәрім бірінші жүйе - тән жүйесі деген. Екінші болып жан жүйесі айтылады. Үшіншісі - адамның санасы. Төртінші - нәпсі жүйесі, ол тек ішіпжеу емес, артына ұрпақ қалдыру ниеті. Бесінші - көңіл жүйесі, яғни көңіл азығын іздеу. Алтыншы жүйе - рух жүйесі, яғни адамның рухани мәдениеті. Жетінші жүйе - ар жүйесі, ол Жаратушыға барар соңғы баспалдақ. (Ғарифолла Есім).

3 Кезең. Рефлексиялық:

Тыныс алуға зейін қою.
Баяу музыка қойылады.
Оқытушы: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.
Кәне, дайындалайық, студенттер. Көзімізді жұмамыз..., арқамызды тіктейміз..., қолдарыңды тізеге қоюға болады...
Д е м а л..... ш ы ғ а р... (жаймен 9-10 рет) немесе 1..................2.
Бүгінгі сабақтан игерген жақсы қасиеттерді есімізге түсіріп, жүрегімізге сақтайық.

5.Үй тапсырмасы
1-тапсырма. Төменде берілген сөздер мен сөз тіркестерін <<Мен>> және <<менікіне>> топтастырып, дәптерге жазыңыздар.
Сөздер мен сөз тіркестері: ақыл, рухани құндылықтар, қалдырған ізгі ісі, өнері, еңбегі, мал, мүлік, қызмет, мамандық, үй, көлік, алтын, күміс, атақ-даңқ.