Жалпыадамзаттық құндылықтар

МКҚК <<Алматы мемлекеттік политехникалық колледжі>>
(оқу орнының атауы)

Сабақ жоспары/Қысқа мерзімді жоспар (ҚМЖ)

Оффлайн оқыту сабағы 45 мин.
Пәні
Өзін-өзі тану
Дайындаған оқытушы
М.Төлеубаева
Өткізілген күні

Курсы, тобы
1 курс, П20-1А, Т20-1А, ИС20-1А, ТЗИ20-1, ИС20-1ВК, ИС20-1ГК топтары
Сабақтың тақырыбы
Өмір - танымның көзі
1.1 Сабақ типі
Аралас
1.2 Сабақтың құндылығы
Жалпыадамзаттық құндылықтар
1.3 Қасиеттері
Пайымдай алу, шешім қабылдай білу
2.Мақсаты, міндеттері

Мақсаты:<<Өмір>> құндылықтарының мәнін ашу арқылы адам өмірінің сипаты мен тіршілігі туралы ұғымдарын кеңейту. Міндеттері: Білімділік: Өмір сырын түсіну, өмір сүру жолдары туралы ұғым беру; Дамытушылық: Өмірден өзіндік орнын, өмірлік бағдарын айқындай алуға баулу; Тәрбиелік: Өзіндік ойлау, пайымдай алу, шешім қабылдай білуге тәрбиелеу.
2.1 Оқыту нәтижелері
- жалпыадамзаттық құндылықтар туралы білімдерін толықтырады.
2.2 Бағалау критерийлері
Барлығы: - адамзаттың білім көздері мен жалпыадамзаттық құндылықтарын анықтайды;
Басым бөлігі: - мысалдар келтіреді.
3.Сабақты жабдықтандыру
Аңыз-әңгіме, оқиғалар көрсетілген бейнебаян, дереккөздер: http://oilar.kz
3.1 Оқу-әдістемелік жабдықтау, анықтамалық әдебиеттер
1. Өзін-өзі тану: Жалпы білім беретін мектептің 10-сыныбына арналған оқулық /Жұбатова Л.С., Әкімбаева Ж.Ж., Нұркеева С.С. - Алматы: <<Бөбек>> ҰҒПББСО, 2019. - 98 б.
2. Өзін-өзі тану: Оқушы дәптері. Акимбаева Ж. Ж., Джубатова Л. С., Нұркеева С.С. / 10-сынып. - Алматы: <<Бөбек>> ҰҒПББСО, 2019. - 98 б.
.2 Техникалық жабдықталуы
оқулық, компьютер, үнтаспа
4.Сабақтың барысы
Онлайн сабақтың жоспары (синхронды/асинхронды оқыту)
Сабақтың кезеңі мен уақыты
Оқытушының әрекеті
Білім алушының әрекеті
Ресурстар
1 Кезең. Ұйымдастырушылық-ынталандыру: 3 мин

Сәлемдесу, түгелдеу

5 Т - ережесі:
1. Тәртіп.
2. Талап.
3. Тыныштық.
4. Тазалық.
5. Татулық.
Студенттер ережені есімізге түсіріп, аудиторияның тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Жағымды күйге келу.
"Үй, адам, жер сілкінісі" жаттығуы
Мақсаты: Сергіту арқылы еркін әрекет етуге үйрену
Жүргізуші "Үй" дегенде екі адам бірігіп, шатыр құрады. "Адам" дегенде екі адам бірігіп, ортасына адам кіреді. "Жер сілкінісі" дегенде бейтарап болып жүреді. Қалып қалған адам жүргізуші болады.

2 Кезең. Білімді актуализациялау. Алдыңғы білімді тексеру: 15 минут

<<Миға шабуыл>>, <<Лездеме сұрақ>> <<Постер>> т.б

Өткен тақырыпты тиянақтау

3 Кезең. Теориялық-тәжірибелік: 20 минут

Дәйексөз: Жеңген адам мін-мінезін өзінің, Танытады өз қайратын, өз үнін. Ж.Молдағалиев
Дәйексөздің мағынасын қалай түсінесіздер?

1 тапсырма.
Адам өзінің күнделікті іс-әрекетіне есеп беуі керек пе? Неліктен?
* Өз өміріңді өзгерткің келе ме,ол үшін не істер едің?
* Адам өмірінің мәні уақыт өткен соң өзгеруі мүмкін бе,ол неге байланысты деп ойлайсың?
Студенттер сұрақтарға жауапты дәптерге жазады.

2 тапсырма.
Білім алушылар түйіндемемен танысу арқылы өмірдің өзіне сыйға тартқан әрбір күнін мәнді де мағыналы өткізудің маңызын түсінеді.
Бүгінгі істі ертеңге қалдырма Е.Сағымбаев
Біз өзіміз туралы танып-білгендерімізге сүйене отырып, өз өмірімізді ой желегінен қайта өткіземіз.Өмір болса, біздің еркімізге көнбей,өз ағынымен өтіп жатыр. Бүгін біз жиырмадамыз, ертең қырыққа толамыз, ар жағында елу жас та келіп қалды. Кеше ғана барлығына үлгеретін сияқты едік, бүгін кешігіп қалғанымызды түсініп, жанымыз жабырқайды.Ұзақ армандаған дәулетке де, атаққа да қол жеткізе алмадық, тіпті көптен аңсаған машинамыз да жоқ...Уақыт зулап өтіп жатыр. Біз болсақ, өз көшімізден көз жазып қалдық, арман, мұрат, мүмкіндіктеріміздің бәрі-бәрі артта қалды...Неге артта қалды? Мүмкін үнемі кейінге қалдырып отырғаннан болар?! Егер дер кезінде өз қателігімізді түсініп,өзімізді-өзіміз тоқтата білсек, өз өміріміздің неліктен осылай болғанына ой салсақ, ешқашан да кеш болмайды. Өкінішке орай, осы дерт көптеген адамдардың бойында бар.Әрқашан <<шаршап отырмын>>, <<уақытым жоқ>>, <<қаражат керек>>, <<ауа-райы қолайсыз>> деген сылтаулары дайын тұрады. Ең қиыны,ертеңгі күніміз де айна қатесіз бүгінімізді қайталайды.
Шығыста: <<Адам бір күнін қалай өткізсе,бүкіл өмірі де солай өтеді,>>-деген мақал бар.
Студенттер топқа бөлініп, өздерінің бір күндік өмірлерін талқылап,ұқсастықтары мен айырмашылықтарын айтады.

4 Кезең. Рефлексиялық-қорытындылау: 5 минут
5.Үй тапсырмасы: 2 минут
"Менің өмірімнің мәні неде?!"деген тақырыпта қысқаша эссе жазыңыздар