Оқушы дәптері

МКҚК <<Алматы мемлекеттік политехникалық колледжі>>
(оқу орнының атауы)

Сабақ жоспары/Қысқа мерзімді жоспар (ҚМЖ)

Оффлайн оқыту сабағы: 90 мин.
Пәні
Өзін-өзі тану
Дайындаған оқытушы
А.Кабидолдина
Өткізілген күні

Курс, тобы
1 курс, ИС21-1ГК,П21-1ВК топтары
1.Сабақ типі
Аралас
1.1 Сабақтың тақырыбы:
Адамның жан сұлулығы
2.Мақсаты, міндеттері

Мақсаты: Білім алушыларға ішкі және сыртқы сұлулық туралы айта отырып, ақиқат құндылығының мәнін ашу. Міндеттері: Білімділік: Адамның <<жан сұлулығы>> ұғымының мәнін ашу Дамытушылық: Оқушылардың бойындағы шынайылық қасиеттерін дамыту. Тәрбиелік: Оқушыларды жанашырлыққа тәрбиелеу
2.1 Оқыту нәтижелері
- адамның ішкі әлемін анықтайды;
- өзін-өзі бағалау түрлеріне сипаттама береді;
- әрекеттерді жеке тұлғаның ішкі әлемімен салыстырады.
2.2 Бағалау критерилері
Барлығы: - адамның ішкі әлемін сипаттайды
Басым бөлігі: - өзін-өзі бағалаудың түрлерін атайды;
Кейбірі: - өзінің іс-әрекетін талдайды және бағалайды
3.Сабақты жабдықтандыру
Аңыз-әңгіме, оқиғалар көрсетілген бейнебаян, дереккөздер: http://oilar.kz
3.1 Оқу-әдістемелік жабдықтау, анықтамалық әдебиеттер
1. Өзін-өзі тану: Жалпы білім беретін мектептің 10-сыныбына арналған оқулық /Жұбатова Л.С., Әкімбаева Ж.Ж., Нұркеева С.С. - Алматы: <<Бөбек>> ҰҒПББСО, 2019. - 98 б.
2. Өзін-өзі тану: Оқушы дәптері. Акимбаева Ж. Ж., Джубатова Л. С., Нұркеева С.С. / 10-сынып. - Алматы: <<Бөбек>> ҰҒПББСО, 2019. - 98 б.
0.2 Техникалық жабдықталуы
оқулық, компьютер, үнтаспа
4.Сабақтың барысы
Онлайн сабақтың жоспары (синхронды/асинхронды оқыту)
Сабақтың кезеңі мен уақыты
Оқытушының әрекеті
Білім алушының әрекеті
Ресурстар
1 Кезең. Ұйымдастырушылық-мотивациялық:

Дәйексөз: Адам бойындағының бәрі - бет пішіні, киім киісі, жан дүниесі, ақыл-ойы да сұлу болуға тиіс. (Антон Чехов)
Дәйексөздің мағынасын қалай түсінесіздер?
Білім алушылар өз ойың айтады және дәптерге дәйексөзді жазады.

Оқулық
2 Кезең. Теориялық-тәжірибелік:

1 тапсырма. Мәтінді оқып, сұрақтарға жауап беріңіздер.
Ақыл
Бөлтірік Әлменұлы
Бөлтірік төре шешендермен сөз сайыстырып отырыпты. Небір мықты деген шешендердің Бөлтіріктен ұтыла бергенін көріп отырған төре шыдай алмай, сөзге өзі араласады. Байлық пен билік, жақсы мен жаман, асыл мен жасық туралы сөз сайыстарында Бөлтіріктен өзі де жеңіліп қала берген төре:
Азбайтын, тозбайтын байлық қандай болады?
Қайтпайтын, таймайтын қолдаушың мен қорғаушың қандай болады?
Жарығы тұтас елге түскен қасиетті шырақ қандай болады?
Жел жетпес жүйрік, асыл текті пырақ қандай болады? - деп бастырмалатабастырмалата бірнеше сұрақты қатарынан бір-ақ қойыпты. Төренің өз шешендері жауап қайтара алмай отырып қалғанда, Бөлтірік былай деген екен: Дүниеде азбайтын байлық біреу, Ол - ақыл. Дүниеде тозбайтын байлық біреу, Ол - ақыл.
Дүниеде қайтпайтын адал қолдаушың біреу, Ол - ақыл.
Дүниеде тоймайтын адал қорғаушың біреу, Ол - ақыл.
Дүниеде жарығы тұтас елге түсетін қасиетті шырақ біреу, Ол - ақыл.
Дүниеде асыл текті жел жетпес пырақ біреу, Ол - ақыл.
Бөлтіріктің суырып салма өнерінің асықтығын мойындаған төре іштарлық көрсетіп:
- Ақыл-ақыл деп тақылдаған сала құлаш тіл берген құдай саған неғып бармақтай бақ бермеді екен? - деп, шешенді мұқата сөйлейді.
Сонда Бөлтірік әдепкідегі ойларын жалғастырып, былай депті:
Дүниеде ердің басына қонатын бақ біреу, Ол - ақыл.
Дүниеде елдің басына қоятын тақ та біреу, Ол - ақыл.
Ақылсыз басқа қонса, бақ баянсыз,
Нақылсыз насқа қонса, тақ баянсыз.
Құдай ақылсыз бас болғаннан сақтасын.
Нақылсыз нас болғаннан сақтасын.
Елдің ақысын өле жегеннен сақтасын.
Ұрының табысын бөле жегеннен сақтасын.
Бөлтіріктің осы сөзінен кейін төре де, төренің шешендері де тілден қалған екен деседі.

Студенттер төмендегі сұрақтарға жауап беріп, дәптерге жазады.
Бөлтірік ақылды <<Қайтпайтын, таймайтын қолдаушы мен қорғаушыға>>, <<жарығы тұтас елге түскен қасиетті шыраққа>>, <<жел жетпес жүйрік, асыл текті пыраққа>> теңеуінің себебі неде?
Өздеріңіз ақылды неге теңер едіңіздер?
Бөлтірікті басқа төре шешендерден биік етіп тұрған не деп ойлайсыздар?
Адам өмірінің баянды, бақытты болуы неліктен адамның ақылына, ақылды істеріне байланысты?
Айналаңызда ақылын өміріне серік еткен адамдар бар ма? Әңгімелеп беріңіздер.

2 тапсырма. Бейнебаянды көріп, қандай ой түйдіңіздер дәптерге жазыңыздар.

Студенттер бейнебаянды көріп, өз ойларын дәптерге жазады.
https://youtu.be/XvER7cc8C0E

3 Кезең. Рефлексиялық:

Тыныс алуға зейін қою.
Баяу музыка қойылады.
Оқытушы: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.
Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...
Д е м а л..... ш ы ғ а р... (жаймен 9-10 рет) немесе 1..................2 [3].
Бүгінгі сабақтан игерген жақсы қасиеттерді есімізге түсіріп, жүрегімізге сақтайық.

Үй тапсырмасы
В.Сухомлинскийдің <<Адамның нағыз байлығы затта емес, ақыл-парасатта, рухани байлықта>> деген ойын басшылыққа алып <<Менің жан дүнием>> тақырыбында эссе жазыңыздар.