Өміріңді жеңілдет. Сабақ тақырыбы

Өзiн-өзi тану сабағының жоспары
Пәні_Ө - зін-өзі тану
Оқытушы Төлеубаева М.С.
Тобы: Т19-2А, ИС19-2К, ТЗИ19-2
Сабақтың өтілу күні: 02.02.2021; 23.02.2021; 12.02.2021
Сабақ тақырыбы: Адам өміріндегі құндылықтар
Құндылық: Мәңгілік жалпыадамзаттық құндылықтар
Қасиеттер: парасаттылық, байсалдылық
Сабақтың типі: аралас
Сабақтың түрі:
Оқыту технологиясы:
Оқыту әдістері: әңгімелеу, ой-талқы, бейнежазбаны тамашалау
Пәнаралық байланыс:
Онлайн 45 минут

Мақсаты: білім алушылардың адамгершілік құндылықтар туралы негізгі білім қорын қалыптастыру.
Міндеттері: Білімділік: Білім алушылардың Адам атына сай өмір сүру, оның әр сәтін ұтымды пайдалану, бағалай білу, өмірді қадірлей білу туралы түсініктерін кеңейту;
Дамытушылық: білім алушылардың бойындағы өз өмірін дұрыс құра білу дағдыларын дамыту; Тәрбиелік: шығармашылық жұмыстар арқылы бнлсенділіктерін, мәселені шеше алу қабілеттерін арттыру.
Ресурстар: (құралдар, мәлiметтер).
Сабақ барысы:
1. Ұйымдастыру кезеңi. Сәлемдесу,
а) Студенттердің құрал жабдықтарын тексеру
б) 5Т ұстанымын тексеру: (тәртіп, талап, тыныштық, тазалық, татулық)
2.Тыныштық сәтi.(баяу әуен) <<Нұрға бөлену>>
3.Үй тапсырмасын тексеру.
Сабақ барысын талқылау:
Дәйек сөз:
<<Әрбір адам қандай да бір іс үшін туады. Жер басып жүрген әрбір адамның өмірде өз міндеттері бар>> (Э. Хемингуэй)
Дәйексөзді дәптерге жазу. Дәйексөздің мәнін ашып, мағынасын төмендегі сұрақтарға жауап беру арқылы түсініп алыңыздар.

1. <<Әрбір адам қандай да бір іс үшін туады>> деген тұжырыммен келісесіз бе?
2. <<Өмір>> ұғымын қалай түсінесіз?
3. Сен үшін өмір несімен құнды?

Әңгiмелеу (сұхбат). (Оқытушы сыйы)
ТАМАША ӨМІР СҮРУДІҢ 10 КІЛТІ
Әрбір халықтың даналарының артындағы ұрпақтарына қалдырған ұлағатты сөздері бар. Бұл сөздердің барлығы сол халықтың асыл қазынасы болып табылады. Мұны сол елдің азаматтары сөздерінің арасына қосып, әңгіменің көркін келтіріп жатады. Филип Е.Хумберт деген атақты психиатр, профессор <<Адамдарға бақытты ғұмыр кешудің кілтін 10 тармаққа қарастыратын болсақ, қандай сөздерді таңдар едім>> деген тақырыпта біраз зерттеу жұмыстарын жүргізіп мынадай қорытындыға барған екен:
1. Өзіңді таны - Сократ.
Өз ішіңе саяхат жаса. Күнделік жаз. Жүрегің, көңілің, ар-ұжданың не дейді? Не нәрсені алдыңғы қатарда ұстайды? Мына әлемге терең үңіліп, сыры мен қырын меңгерудің жолы ең алдымен ішкі жандүниеңе сапар шегумен басталады.
2. Қалай болсаң сол қалпында көріп немесе сырттай қалай болсаң сол қалыбыңды сақта - Мәулана.
Шыншыл, әділ бол да дұрыс ойла. Жүрегіңнің даусына құлақ сал да соны қорға. Өмірде бір нәрселерді қорғау үшін ат салыспасаң, барлық нәрсе сенің мәртебеңді түсіреді.
3. Ең жоғарыда ғашықтық бар - Азиз Паул.
Үнді ырғаққа айналдырған ғашық-дүр. Ғашықтық, сүйіспеншілік болмаса, тартымдылық кем болса өмірің құрғап қалған бұтақтан ешқандай айырмашылығы қалмайды.
4. Дүниені қиял-ойдың күші шыр көбелек айналдырады - Альберт Энштейн.
Істеген амалдарыңның барлығы ең алдымен қиял-ойдан бастау алады. Өмір деген барлық адамдар үшін, ойлағандарын жүзеге асыру, істеген ісінің әрі істейтін ісінің ең дұрысына жету. Боббю Кенедидің айтқанындай: Адамдар дүниеге қарап <<Не үшін?>> деп сұрайды. Мен басқа бір жүние жайлы ойлап <<Неге ондай болмасын?>> деп сұраймын.
5. Асқан әдемілік көзді шығармаса керек - Мае Вест.
Тамаша өмірді неге рахаттанып өткізбеске. Бақытты бөлісу керек. Өмірді сүйіспеншілік сезімі одан сайын қызыққа айналдырады. Жанның ырғағында <<қанекей алға, өзіңді көрсет>> деген леп бар. Тәкаппарлық емес, ұмтылыс!
6. Мүмкіндіктерді қалт жібермеген сайын көбейе түседі - Сун Цзу.
Жеңіс қайсарлықты қажет етеді. Бастапқы кездегі қайсарлық кейіннен сенімге айналады. Сенім адам бойындағы қызметке деген ынтаны ояндырғанда, мүмкіндіктер одан сайын жоғарлай береді.
7. Не істе не істеме. Сынауға болмайды! - Иода.
Өмір жылдам қозғалыс, шешім мен шешімді болуды талап етеді. Күдіктенгендер артта қалады. Өмірдің үстімен жүрмесең, өмір сенің үстіңнен жүретін болады.
8. Кемелдік, қосатын нәрсе қалмаған кезде емес, алынатын бір нәрсе қалмаған кезде пайда болады - Антоние де С.Ехуперю.
Өміріңді жеңілдет. Жеңілдете түс, тағы да тағы да ... Сол кездегі жағдайға бір қара. Арман-тілектеріңнің тізімін азайт. Егер азайтатын болсаң, жетістікке жетесің. Ол күннің сәулесіне лупа ұстаған сияқты болады, егер сәулені жинақтай алмасаң өмірді жаға алмайсың.
9. Қабілет болмаса өнерші болмайды, алайда еңбек етіп, тер төкпесең қабілетің түкке де жарамайды - Эмиль Зола.
Тек қана ақылды, саналы әрі ұқыпты әрекеттердің нәтижесінде үлкен жетістіктерге жетуге болады. Алмасты жонбасаң қолыңда тек тастың түйірі қалады.
10. Өмір сүрудің екі жолы бар. Ешқандай нәрсе мұғжиза емес сияқты өмір сүру ... Екіншісі, барлық нәрсе мұғжиза сияқты өмір сүру - Алберт Энштейн.
Шүкір етуді ұмытпау керек!

1. Мәтіннен тамаша өмір сүрудің қандай жолдарын білдіңіздер?
2. Өзіңіз жақсы өмір сүрудің басқа қандай жолдарын білесіздер?

Үй тапсырмасы:
https://youtu.be/cde5ttk0xGE 45 мин
сілтемеге өтіп видео роликті көріңіздер, дәрісті оқып, конспект жазыңыздар және <<Менің осы өмірдегі басты құндылықтарым>> тақырыбында эссе жазыңыздар.

Соңғы тыныштық сәтi:
Көзімізді жұмып, тыныштықта бүгінгі сабағымызды есімізге түсірейік. Бүгінгі сабағымыздан алған әсерімізді жүрегімізге түйейік. Әр уақытта шындықты айтып, ақиқатқа көз жеткізейік. Енді тыныштық күйде отыра тұрыңыздар.Көздеріңізді ашуға болады. Келесі кездескенше сау болыңыздар.

Moodle платформасындағы сабақ (45мин.): http://edu.aspc.kz/mod/assign/view.php?id=132995