Өзін-өзі тану: Дұрыс әрекет пен қанағат

Сабақ барысы:

1. Ұйымдастыру кезеңi. Сәлемдесу

а) Студенттердің құрал жабдықтарын тексеру

б) 5Т ұстанымын тексеру: (тәртіп, талап, тыныштық, тазалық, татулық)

2. Тыныштық сәтi. (баяу әуен) «Нұрға бөлену»

3. Үй тапсырмасын тексеру.

Дәйек сөз:

"Дұрыс әрекет- мақсатқа жеткізер жолды дұрыс таңдаудан басталады".

Әл-Фараби.

Дұрыс әрекет-жүректен шығып, сосын сөз ретінде бейнеленетін және іс жүзінде қолданылатын құндылық.

Ойдағы сүйіспеншілік -ақиқат,

Істегі сүйіспеншілік-дұрыс әрекет.

Ақиқаттағы сүйіспеншіліктің барлығы-дұрыс әрекет.

Сұрақ:

1. Дәйексөздің мағынасын қалай түсінесің?

2. Дұрыс әрекет болу үшін, адам бойында қандай қасиеттер басым болу қажет?

Бейнебаян « Жақсылықты өзіңнен баста».

Бүгінгі сабағымыздағы дұрыс әрекет құндылығына байланысты «Жақсылық жасауды өзіңнен баста» бейнебаянын көрсетейін.

Сұрақ:

1. Бейне фильм не туралы?

2. Не себептен бала барлығына көмектесіп жүр деп ойлайсыздар?

3. Бейнефильмдегі баланың әрекетін қалай атауға болады?

4. Өз өмірлеріңізде мұндай жағдайлар кездесті ме?

Түйін:

Бойымызға рухани-адамгершілік қасиеттерді дұрыс әрекеттер арқылы сіңіре алуымыз қажет. Сонымен қатар мәңгілік құндылықтарды уақытша құндылықтардан ажырата білсек, қарым-қатынасымызды ізгілікке бағыттасақ онда өзімізді де, өзгені де бақытты ете аламыз.

• " ОҚЫТУШЫ СЫЙЛЫҒЫ"

1. Тапсырма. Мәтінді оқып, сұрақтарға жауап беріңіздер

«Өсиет әңгіме»

Бір профессордың үйіне кезінде сабақ берген өзінің шәкіртері келеді. Өткен күнді еске алып, әрқайсысы өздерінің жұмыстары, отбасылары жайлы біраз әңгіменің басын қайырып, бұл өмірге наразылығын, ештеңе жетпейтінін, бітпейтін мәселелер жайлы сөз қозғайды. Шәкірттерінің сөздерінің аңдысын аңдыған профессор алдарына хрусталь, шыны, пластмасса кеселерді қойып, кофе құйып: “Ішіп отырыңдар”, - дейді. Шәкірттерінің барлығы қымбат хрусталь ыдысқа таласып, арзан ыдысты алғысы келмейді. Сонда профессор оларға былай деді: “Байқадыңдар ма? Барлығың қымбат ыдысты алып, арзанын қалдырдыңдар. Бұл бір жағынан қымбат болып көрінгенмен, сендердің өмірге деген наразылықтарың да осында жатыр. Қымбат кесе кофенің дәмін кіргізбейді, сендер оның сыртына қарап, ішінде не барын естен шығарып алдыңдар. Шындығында сендерге керегі - кофе болатын, бірақ сендер кесені таңдадыңдар. Одан соң: “Кім қандай кесе алады?”, - дегендей бір - бірлеріңе сын көзбен қарадыңдар. Енді осыдан қорытынды шығарып көрелік: Өмір дегеніміз - кофе, ал маңсап, ақша, жұмыс-бұлар - кесе. Олардың барлығы өмірді сақтауға, оны қамтуға арналған құрал - саймандар. Бірақ та өмірдің өзіңе емес, оның сыртқы жағына ғана мән берсек, ішкі дәмін, рахатын сезіне алмай қаламыз. Кофенің тәттілігі кеседе емес. Ең бақытты адамдардың қолында ең қымбат нәрсе жоқ болуы мүмкін, бірақ қарапайым қанағат болады . . . Өмірлеріне наразылық айтып, күрсініп отырған шәкірттер ұстаздың осы мысалынан кейін терең ойда қалыпты.

Сұрақтар(бинго әдісі арқылы) :

Шәкірттері профессорға қандай әңгімелер айтады?

Шәкірттерінің әңгімесін естіген профессор оларға не ұсынады?

Шәкірттерінің әрекетіне профессор қандай жауап айтады?

«Қанағат» деген сөздің мағынасын қалай түсінесіңдер?