Ізгілік педагогикасының идеясы

Пәні_Ө - зін-өзі тану
Оқытушы Төлеубаева М.С.
Тобы: Т19-2А; ИС19-2К; ТЗИ19-2
Сабақтың өтілу күні: 04.05.2021; 11.05.2021; 16.03.2021
Сабақ тақырыбы: Ізгілікті педагогтар еңбектеріндегі рухани ілімдер
Құндылық: Дұрыс әрекет
Қасиеттер: ұйымшылдық
Сабақтың типі: аралас
Сабақтың түрі:
Оқыту технологиясы:
Оқыту әдістері: әңгімелеу, ой-талқы, бейнежазбаны тамашалау
Пәнаралық байланыс:
Онлайн 45 минут

Сабақ мақсаты: адамгершілік құндылықтарды, өмірді тану, жақсылық жасау, ойлылық, ұжымшылдық жайлы меңгерген білімдерін кеңейту;
Міндеттері:
* күнделікті өмірде нақты мәселелерді шешуде адамгершілік құндылықтарға сай ұжымда бірлесе жұмыс істеу іскерліктерін дамыту;
* имандылыққа, ізгілікке тәрбиелеу

Ресурстар: (құралдар, мәлiметтер).
Сабақ барысы:
1. Ұйымдастыру кезеңi. Сәлемдесу,
а) Оқушылардың құрал жабдықтарын тексеру
б) 5Т ұстанымын тексеру: (тәртіп, талап, тыныштық, тазалық, татулық)
2.Тыныштық сәтi.(баяу әуен) <<Нұрға бөлену>>
3.Үй тапсырмасын тексеру.
Сабақ барысын талқылау:
Дәйек сөз:
<<Өмір теңіз. Жүзем онда демеңіз, Ізгіліктен жасалмаса кемеңіз>> А.Рудаки.

Әңгiмелеу (сұхбат). (Мұғалім сыйы)
Педагогикалық процестің ізгілікті болуын жақтаушы жəн оны дамытушы - Шалва Амонашвили. Оның басты еңбектерінің бірі <<Ізгілік педагогикасы жайлы ойлар>> деп аталады. Бұл еңбегінде ол авторитарлы білім беруді қатты сынға алады. Ол өз еңбегінде көп жағдайда экперименталды-педагогикалық процеске жəне оның нəтижесіне сүйенеді. Авторитарлы жүйенің қалыптасуын тарихи салдармен байланыстырады, яғни консерватизмнің басымдылығы. Сондықтан да ол көптеген идеялардың, бастамалардың дамуына тосқауыл болды. Əр бала туылғаннан бастап белгілі бір миссиямен туылады деп санайды, яғни əр бала өзіне тəн нышан,белгілермен туылады дейді. Сол ерекшеліктерді дамыту үшін авторитарлы білім беруді жойып, ізгілендіру арқылы жүргізіледі деп атап өткен. Сонымен гумандық педагогика баланы өзіндік табиғи ерекшеліктерімен қабылдайды. Білім берудің ізгілендіру технологиясының негізін қалаған Ш.А. Амонашвили.
Әрбір бала-керемет рухани күш иесі.Кез-келген мұғалім әр балаға рухани күш иесі ретінде қарау керек. Мұғалімнің мұндай көзқарасы баланың белсенділігін арттырады. Білімге деген құштарлығын көбейтеді. Балаға сеніммен қарау баланы тек қуаттандыра түседі. Баланың ішкі жан дүниесін қуаныш отын сыйлау керек Ш.Амонашвили
Шет тілдер сөздігінде гуманизм-латынның "Нumanitas" - адам табиғаты және адамдық қасиеттерге құрметпен қарау деген сөзін білдіреді. Ізгілік-бұл адамдарға деген адамгершілік, сүйіспеншілік қатынас, бұл өзге адамға жақсылық жасаудың негізі. Өзінің эксперименттік мектебінде Ш.А.Амонашвили ынтымақтастық педагогика, жеке ықпал, тіл жөне математика пәндерін оқытудың әдістерін жасап, ендірді. Мақсатты бағыттары: - Баланың жеке касиетін аша отырып, азамат етіп тәрбиелеу. - Баланың жаны мен жүрегіне жылылық ұялату. - Танымдық күшін қалыптастыру жөне дамыту. Алған білімін кеңейтуге, тереңдетуге жағай жасау. Тұжырымдама ережелері: - Ынтымақтастық педагогикасы тұжырымдалады. - Рухани жетілдіру. - Бала психологиясын дамытуға, есейтуге және еркіндік құштарлығына қалыптастыру; - Әсемдікті, әдемілікті сезіну, қабылдау. Әдістеме ерекшеліктері: - адамгершілік; - жеке ықпал; - қарым - қатынас шеберлігі; - ата-ана педагогикасының қайнар көзі; - оқу қызметі

Шығармашылық жұмыс, топтық жұмыс:.
Мәтін бойынша кластер құрастыру; әр топ өз жұмыстарын қорғайды
Ізгілікті тұлға педагогикасы
- Ізгі Адам тәрбиелеуді өзінің басты мақсаты етіп қояды. - Ізгіліктік педагогика- педагогиканың рухани аспектілерін анықтай отырып, оның жаңа Ізгіліктік қырын ашады. - Рухани-ізгіліктік педагогика- Руханилық және Ізгілік ұғымдары тығыз байланысты, ол екеуі ізгілік педагогикасының негізін құрайды. Ізгілік педагогикасының идеясы: - Педагогикалық үдерісте баланың шынайы адами құндылықтарды танып білуі және оны меңгеруі; - Педагогикалық үдерісте баланы әлеуметке қарсы бағыттайтын тәсілдердің қолдануына жол берілмеуі; - Педагогикалық үдерістерге адами сипат беру; - Мектеп ұжымы өмірінің заттық-материалистік және рухани ортасын, моральдық- психологиялық ортасын ізгілендіру.
Топты геометриялық фигура-үшбұрышпен ( боялған әр түске) 3 топқа бөлеміз
Үй тапсырмасы
Ізгілік педагогикасы жайында шағын эссе жазу

Соңғы тыныштық сәтi:
Көзімізді жұмып, тыныштықта бүгінгі сабағымызды есімізге түсірейік. Бүгінгі сабағымыздан алған әсерімізді жүрегімізге түйейік.
Енді тыныштық күйде отыра тұрыңыздар.Көздеріңізді ашуға болады. Келесі кездескенше сау болыңыздар.

Moodle платформасындағы сабақ (45мин.): http://edu.aspc.kz/mod/assign/view.php?id=154874