Қиянат жасамайық өмірге, Қиянат жасамайық табиғатқа

Пәні_Ө - зін-өзі тану
Оқытушы Төлеубаева М.С.
Тобы: Т19-2А; ИС19-2К; ТЗИ19-2
Сабақтың өтілу күні: 27.04.2021; 14.04.2021; 12.03.2021
Сабақ тақырыбы: Қиянат жасамау-жалпыадамзаттық құндылықтар тәжірибесінің нәтижесі
Құндылық: қиянат жасамау
Қасиеттер: мейірімділік, сүуйіспеншілік
Сабақтың типі: аралас
Сабақтың түрі:
Оқыту технологиясы:
Оқыту әдістері: әңгімелеу, ой-талқы, бейнежазбаны тамашалау
Пәнаралық байланыс:
Онлайн 45 минут

Сабақ мақсаты: Студенттерге өмірлік жолын дұрыс анықтауды, түрлі мәселелерді адамгершілік қағидаларға сәйкес шешуді қоршаған орта мен адамдарға қиянат жасамау құндылығы арқылы ұғындыру.
Міндеттері:
1. Өзін танып білу,өзінің өмірдегі орнын түсіну
2. Өзіне және айласындағыларға деген сүйіспеншілік таныту ниеттерін дамыту
3. Күнделікті өмірде қиянат жасамай мәселелерді шешуін дамыту
Ресурстар: (құралдар, мәлiметтер).
Сабақ барысы:
1. Ұйымдастыру кезеңi. Сәлемдесу,
а) Студенттердің құрал жабдықтарын тексеру
б) 5Т ұстанымын тексеру: (тәртіп, талап, тыныштық, тазалық, татулық)
2.Тыныштық сәтi.(баяу әуен) <<Нұрға бөлену>>
3.Үй тапсырмасын тексеру.
Сабақ барысын талқылау:
Дәйек сөз:
"Аманатқа қиянат жүрмейді"

Дәйексөздің мағынасын қалай түсінесіздер ?

Әңгiмелеу (сұхбат). (Оқытушы сыйы)
Екі қасқыр (аңыз)
Баяғының қарттары енді ғана ес біліп келе жатқан немерелерін алдына алып, өнегелі өсиеттерді ақылды аңыз, есті ертегі түрінде жастайынан келер ұрпақтың құлағына сіңіре береді екен. Сондай кемеңгер қариялардың бірі немересіне өмір сырын былай деп айшықтап айтып жатыр екен:
Әр адамның көкірегінде екі қасқырдың өзара тайталасына ұқсас тартыс жүріп жатады. Оның бірі күншілдік, қызғаныш, өзімшілдік, өтірік сияқты жаман қасиеттерді бейнелесе, екіншісі - сенім, шындық, мейірім, адалдық секілді жақсы қасиеттерді бейнелейді.
Бұл екі қасқыр сәт сайын, қадам сайын айқасып, өмір бойы күресумен болады. Сонда зерделі немересі атасының сөзін бөліп, былай деп сұрапты: - Ата, ал ең соңында қай қасқыр жеңеді? Атасы сәл ойланып, немересінің пайымдылығына сүйсіне отырып, жауап беріпті:
Сен қайсысын көбірек коректендірсең, сонысы жеңеді.
Сұрақтар:
1. Ертегідегі қарттардың немерелеріне айтқан өсиеттері жайлы не түсіндіңдер?
2. Екі қасқырдың айқасын қалай түсінуге болады?
3. Адам бойындағы жақсы қасиеттерді атаңдар?
4. Жағымсыз қасиеттерге нені жатқызамыз?
5. Қарияның немересінің пайымдылығын неден аңғаруға болады?
6. Кемеңгер қарияның жауабын өзің қалай түсіндірер едің?

Шығармашылық жұмыс, топтық жұмыс:
Студенттер үш топқа бөлінеді.
<<Сіздердің өмірлеріңізді өзгертеді>> Өмір жайлы бейнефильмді көріп, түйінді ой негізінде <<Өмір>> тақырыбына өлең шумағын құрастыру.
Топты геометриялық фигура-үшбұрышпен ( боялған әр түске) 3 топқа бөлеміз
Топпен ән айту: <<Жасамайық өмірге біз қиянат>>
(Ұстазым менің әнінің әуеніне салып орындау.)
Арамызда өкпе, реніш болмасын,
Әрқашанда әділдікті қолдасын.
Адамдарға түсінікпен қарасақ,
Сонда ғана, гүлденеді болашақ.
Жасамайық адамзатқа қиянат,
Осының бәрін санаңызға ұялат.
Ізгіліктің жолында біз жүрейік,
Бәрін естен шығармайық, білейік.

Мейірім сізбен,
Бас қосып бізбен,
Нұр төгіп барлық адамға.
Жүрегің тасқан,
Пейілі дархан,
Нұр төгіп барлық ғаламға.

Қиянат жасамайық өмірге,
Қиянат жасамайық табиғатқа.
Қиянат жасамайық ата - анаға,
Қиянат жасамайық туған Отанға.

Үй тапсырмасы: Б. Адамбаевтың <<Сөздің атасы мен анасы>> немесе Ф. Оңғарсынованың "Шындық" негізге ала отырып, << Қиянат жасамау-қайраттылардың қаруы>> тақырыбында эссе жазу

Соңғы тыныштық сәтi:
Көзімізді жұмып, тыныштықта бүгінгі сабағымызды есімізге түсірейік. Бүгінгі сабағымыздан алған әсерімізді жүрегімізге түйейік. Әр уақытта шындықты айтып, ақиқатқа көз жеткізейік. Енді тыныштық күйде отыра тұрыңыздар.Көздеріңізді ашуға болады. Келесі кездескенше сау болыңыздар.

Moodle платформасындағы сабақ (45мин.):
http://edu.aspc.kz/mod/assign/view.php?id=154821