Тәуелсіздік жетістіктері

ҚАЗАҚСТАН РЕСПУБЛИКАСЫНЫҢ ҒЫЛЫМ ЖӘНЕ БІЛІМ МИНИСТІРЛІГІ <<СЕМЕЙ қаласының ШӘКӘРІМ атындағы УНИВЕРСИТЕТІ>> КЕАҚ

БӨЖ

Пәні: Педагогика
Тақырыбы: "Еркін тақырыпта 5-9-сыныптарға арналған тәрбие сағатының үлгісін құру"

Орындаған: Лябирова А.Қ
Тобы: ДЯ-101
Тексерген: Акпаров М.Л

Семей қаласы 2021

Тақырыбы: Тәуелсіздік жетістіктері

Тәрбие сағатының мақсаты: Тәуелсіздіктің 30 жылдық мерейтойының маңыздылығын және Қазақстанның Тұңғыш Президенті - Елбасы Н.Ә.Назарбаевтың тәуелсіз мемлекеттің қалыптасуы мен дамуындағы рөлін ұғыну арқылы қазақстандықтардың патриоттық сезімін күшейту. Еліміздің тәуелсіздік алған жылдар ішіндегі жеткен жеңістіктерімен таныстыру,әлем таныған ел екенін дәлелдеу.

Тәрбие сағатының көрнекілігі: Қазақ елі суреттері,Қазақстан Республикасының рәміздері:Туы,Елтаңбасы,Әнұраны.Н.Ә Назарбаевтың суреті. Нақыл сөздер,Қазақстан туралы әндер.

Тәрбие сағатының барысы:
Ұйымдастыру кезеңі: Шаттық шеңбер
Топқа бөлу. І топ- Бірлік, ІІ-Ынтымақ тобы, ІІІ Болашақ тобы

Мұғалім сөзі. Қайырлы күн, құрметті оқушылар! Биыл Қазақстан Республикасының тәуелсіздігіне 30 жыл толмақ. Осы орайда еліміздің барлық білім ордаларында Республикалық <<Тәуелсіздік жетістіктері>> тақырыбында тәрбие сағаттары өткізілуде. Тәуелсіздік бұл еркіндік. Бұл еркіндік оңайлықпен келген жоқ. Қазақ елі еркіндікке жету үшін қаншама қиын-қыстау кезеңдерді бастан кешірді. Осы 30 жыл ішінде еліміз талай белестерді артта қалдырды. Біздің еліміз бай, бәсекеге қабілетті әрі қуатты елге айналды. Ендеше осы елдің болашағы жастар сендерсіңдер. Елбасымыз Н.Ә.Назарбаев <<Жастар - еліміздің қазіргі әлемдегі бәсекеге қабілеттілігінің негізгі факторы. Қазақстанның болашағы сіздерге, сіздердің білімдеріңізге, күш-қуаттарыңыз бен патриоттық сезімдеріңізге байланысты>> деп жастарға үлкен үміт артып отырса, ел президенті Қ. Тоқаев <<Лайықты азамат - бұл білімді, Отанына адал, елін, жерін сүйетін адам. Бұл әлемде Қазақстаннан басқа Отанымыз жоқ>> деген болатын.

Келесі мына бір видео роликке назар аударыңыздар

1-ТОП <<Бірлік>> тобына <<Тәуелсіздік жетістіктері>> тақырыбын топта талдап, постер әзірлеп, қорғайсыңдар.
2-ТОП <<Ынтымақ>> тобына <<Елбасымның еңбегі>> тақырыбында Тәуелсіздік жолындағы Елбасының еңбектері туралы таныстырылым әзірлеңдер.
3-ТОП <<Болашақ>> тобы <<Біз қалайтын болашақ>> тақырыбында сендер көз алдарыңа болашақта Қазақстанды елестетіңдер

Қазақстан - қасиетті ұғым бұл,
Ей, келешек, жан тәніңмен ұғын, біл!
Он бір әріп не мағына береді,
Ал толғайық жеткенінше қызыл тіл:
Т- Білдіреді теңдікті,
Ә- әдептілік, әлдікті
У- уайымсыздық, уақытты,
Е- егемендік, елдікті.
Л- дейді лаула, лапылда,
С- сенімділік,
І- ілтипат пен ізет қой,
З- зиялылық тілек қой,
Д- шақырады достыққа,
І- Ізгілікті ниетпен,
К- дейді: күн бол көктегі
Тәуелсіздік жалау болып желбіре,
Болашақты бағытыңа сендіре.
Тәуелсіздік - биігі бұл санамның ,
Тәуелсіздік бақыт емей енді не?

Ән <<Елім менің аңсаған>>

5 минут
Тапсырма
Қазақ елі еркіндікке жету үшін қиын - қыстау кезеңдерді бастан кешірді. Мыңдаған жылдық тарихы бар.
Ғасырлар бойы қазақ халқы кең даласын ақ білектің күші, ақ найзаның ұшымен қолына алып жаудан қорғаған. Қазақ жерінің ұлан қайсар батырлары бостандық үшін жанын берген. <<Қазақ хандығының құрылуы -- Қазақстан тарихындағы сындарлы кезең болып табылды. Керей мен Жәнібек бастаған қалың қол елді жаудан қорғады.
2-оқушы.
Қазақ хандығы 1465-1847 ж. Аралығында өмір сүрген мемлекет. Қазақ хандығы Еділден Жайыққа дейін , Сырдария мен Амудария өзендерінің аралығын қамтыған. Қазақ хандығының тұңғыш ханы-Керей, соңғы ханы-Кенесары Қасымұлы
Мұғалім: Ал екінші дүниежүзілік соғыс туралы не білеміз?
3-оқушы:
1941 жылы 22 - маусымда таң шапағы жаңа ғана арайланып келе жатқан кезде елімізге қауіп төнді. Халқымыз адам айтқысыз қиын - қыстау кезеңге душар болды. Фашистік Германия елімізге опасыздықпен басып кірді.Тарих кеші үнемі жаңаланып отырады. Десе де ұмытылмайтын, ескермейтін тарихи оқиғалар болады. Соның бәрі әлемді дүр сілкіндірген екінші дүниежүзілік соғыстың қасіреті мен Ұлы Жеңістің қасиетің батыр ағаларымыз бен апаларымыздың ерлігін ешкім де ешқашан ұмытпақ емес.Әлемді дүр сілкіндірген оқиға 1941жылы маусымның 22 - де болған еді.
Бірақ сол кездегі Кеңес елінің бірлігі мен достығының арқасында 1945 жылы 9 - мамырда Ұлы Жеңіспен аяқталды.
4-оқушы:
Міне, содан бері 70 жыл мерзім уақыт өтті. Биыл Ұлы Жеңістің 70 жылдығы. Иә, соғыс өзінің сұмдықтарын бүгінгі күнге дейін ұмыттырар емес.. Бірақ, сол жылдар жаңғырығы адамзат жүрегін әлі сыздатуда. Иә, уақыттың тарихы атты өз төрешісі бар.
2-оқушы:
1945 жылдың 30 сәуірінің кешінде 6 сағат 30 минутта Жеңіс туы тігілді. Ту тіккен -- Рақымжан Қошқарбаев. 4 жылға жуық созылған қан төгіс аяқталды. 9 мамыр -- Жеңіс күні. Иә аспанымызда Жеңіс туы желбірегеніне -- 70 жыл.
Мұғалім: Желтоқсан көтерілісі туралы не айтуға болады?
4-оқушы
Ал, 1986 жылғы оқиға халықтың есінде мәңгі сақталады.
16 желтоқсанда қазақ жастары Орталық алаңға шығып,Қазақстан тәуелсіздігін талап етті.
Оқушы:
1986жылы 16-желтоқсанда таңертең, Алматыда жаппай толқу басталды. Жастар алаңға жинала бастады. Алаңда <<Біз қазақ, ежелден еркіндік аңсаған>>, <<Әрбір ұлтты өз көсемі басқарсын>>, <<Тәуелсіздік керек>>,-деген ұрандар айтылды.
Алматы гарнизонын жауынгерлік дайындыққа келтіріп, көп күшпен алаңдағы жастарды қоршап алды. Алматыға әр аймақтардан әскердің арнайы бөлімдері жіберілді. Өз елінің тәуелсіздігін талап етіп, шеруге шыққан жастарға <<Бұзақылар>>, <<Ұлтшылдар>>, <<Нашақорлар>>,-деген кінә тағылды.
Көптеген студент жастар түрмеге қамалды, оқу орнынан шығарылды. Тәуелсіздік жолында Қайрат Рысқұлбеков, Ләззат Асанова, Ербол Сыпатаев, Сәбира тағы басқалары сияқты қазақ жастары желтоқсан оқиғасы кезінде қайсарлықпен ерлік көрсетіп құрбан болды.
5-оқушы
Елбасымыз Нұрсұлтан Әбішұлы Назарбаевтың жарлығымен 1996 жылы 9-желтоқсан Қайрат Ноғайбайұлы Рысқұлбековке <<Халық қаһарманы>> атағы беріліп, айрықша ерекшелік белгісі мен <<Алтын жұлдыз>> тапсырылды. Сәбира, Ләззат, Ерболға тағы басқа желтоқсанға қатысқан жастарға <<Желтоқсан қаһарманы>> атағы берілді.
Оқушы:
Осының нәтижесінде 1991 жылы 16 желтоқсанда Қазақстан Республикасы Тәуелсіздігі туралы заң қабылданды.

2-топ
ІІ топ Рәміздер
Оқушы: 1992 жылы ҚР жоғарғы Кеңесінің сессиясында Республикамыздың Туы, Елтаңбасы және Әнұраны қабылданды. Бүгін әрбір мемлекеттің ғасырлық тарихына байланысты рәміздері бар.
Мемлекеттік рәміздер - Ту, Елтаңба, Әнұран. Бұл халық бірлігінің белгілері.Қазақстан Республикасының да өз рәміздері бар.Мемлекеттік рәміздерді құрметтеу - әрбір азаматтың міндеті.
7-оқушы
Тудың ашық көгілдір түсі соғыссыз бейбіт ашық аспанымызды білдіреді.
Жобасын жасаған - Шәкен Ниязбеков
Елтаңбаның авторлары - Жандарбек Мәлібекұлы және Шота Уәлиханов. Елтаңбадан елдің тарихы, дәстүрі рухы толық танылуы керек. Сондықтан да Елтаңбаның ортасында шаңырақ тұр. Қазақта шаңырақ биік, керегең кең, босағаң берік болсын деген сөз бар. Осы ұлы тілек негізге алынған.
Республикамыздың Әнұранының сөзін жазған ақын Жұмекен Нәжімеденов және
Н.Ә. Назарбаев.
Әнін жазған Шәмші Қалдаяқов.
Қазақстан Республикасының мемлекеттік Туы ортасында шұғылалы күн, оның астында қалықтап ұшқан қыран бейнеленген тік бұрышты көгілдір түсті мата. Бұл түс- ашық аспанның,тыныштықтың белгісін көрсетеді.Тудың ортасындағы алтын күн - баршаға ортақ, бәрі не нұрын шашып, сәулесін төгеді.Оның жылуы жер бетіндегі бүкіл тіршілік тіршілік атаулыға ортақ. Алтын күнді қанатымен жебеп, өрге көтеріп ұшып бара жатқан қыран құс - ерлік белгісі. Матаның сол жағында ою - өрнегі бар тік жолақ орналасқан. Бұл қазақ елінің әшекейі. Алтын күн, Қыран және ою- өрнек біздің халқымыздың ашық келешегі мен бай - берекесі, тыныштық пен байлықты белгісі.

Қазақстан Республикасының мемлекеттік елтаңбасында көгілдір түс аясында шаңырақ бейнелеген.Шаңырақты айнала күн сәулесіндей тарап, уықтар шаншылған.Жарық жұлдыз - Отанымыздың жұлдызы биіктеп, бақыт жұлдызынан нұр шашып тұрғанын бейнелейді.Қанатты тұлпардың баламалық мәні қазақтың аңыз ертегісінен алынған. Аңыз бойынша қанатты тұлпарға мінген алып батыр алты қанат аспанға ұшып, жеті қат жер астында түсіп халықты қасіреттерден азат еткен,еліміздің азаттығы мен жеңімпаздығының белгісі.Бидай сабақтары тоқшылықты, молшылықты білдіреді. Ал төменгі жағындағы <<Қазақстан>> деген жазу еліміздің ежелден әлемге танымал екенін көрсетеді.
Кез келген мемлекеттік рәміздің ең маңыздысы - Әнұран. Әнұран мемлекеттік салтанатты ән. Ол халықты әйгілі етеді. Оның сөздерінде халықтың мыңдаған жылғы тарихы, бүгінгі өмірі мен келешек арманы айтылған.
Мен қазақпын, ұланымын қазақтың
Тәуелсізбін, егеменмін азатпын
Көк байрағым тұр көгімде желбіреп
Алатаудай көкке өрлеген азатпен

Тәуелсіздік мақтанашым,
Бізге бақыт сыйлаған
Бейбіт күнде мен тынышпын,
Әрбір таңым нұр маған.РЕКЛАМА
Яндекс.Директ
Құтты болсын тәуелсіздік мерекесі,
Мықты болсын елімнің керегесі.
Татту-тәтті боп халқымыз әрқашан,
Кетпесін туған жердің берекесі.

Отан деген берекелі отбасы,
Сүйер оны адамзаттың баршасы.
Мен бақытты бүлдіршінмін бүгінде,
Жоқ қой оған ешкімнің де таласы.
Бұның бәрі татулықтың арқасы,

Қазақстан менің Отаным,
Атыңды әнге қосамын.
Шарықтап өсіп,дами бер,
Біліміммен үлес қосамын.
Жадырап жарқын жүзіміз,
Жарқырап әрбір күніміз.
Ертеңінен елімнің ,
Үміт күткеннің біріміз.
Сендер еліміздің тарихын қаншалықты білесіңдер? Сұрақтарға жауап беріп көрейік.
ҚР - сы қандай мемлекет? (Тәуелсіз, егемен ,бейбіт,демократиялық, көпұлтты, зайырлы)
ҚР Тәуелсіздік күні (16 желтоқсан 1991ж.)
ҚР тұңғыш Президенті кім? (Н.Ә.Назарбаев)
Қашан Президент болып сайланды? (1желтоқсан 1991ж.)
ҚР - ның астанасы - Нұр-Сұлтан қаласы болып бекітілді. (1998 жылы 6 шілде )
Ұлттық валюта, төл теңгеміз қашан шықты? (1993ж. 15 қараша)

5минут

Сабақтың соңы