Ойыншылармен таныстыру

Ғ.Мұратбаев атындағы Жетісай гуманитарлық-техникалық колледжі
Сабақтың тақырыбы:<<Миллион кімге бұйырады>>
Модуль /пән атауы: Информатика
Дайындаған педагог: Торыбаев Жанайдар. Талтанов Дархан.
Дайрабекова Жайна 2022 жылғы 11 ақпан
1.Жалпы мәліметтер
Курс топ: 1-курс, БҚҚ 21-1
Сабақ түрі: Интеллектуалды ойын, конкурс сабағы
2. Мақсаты,міндеттері
Студенттердің зеректік қабілеттерін дамытып ой өрісін кеңейту, білімге құштарлығын арттыру, озық ойлы оқушыны анықтау, тест тапсырмаларын орындауға дағдыландыру, ойын сабақтарға белсенділігін дамыту т.б.
3. Оқу-жаттығу процесінде білім алушылар меңгеретін күтілетін нәтижелер және кәсіби дағдылар тізбегі:
Студенттердің дүниетанымын, білімге қызығушылығын, жылдам әрі дұрыс шешім қабылдайтын және ойлау, ойды жүйелеу қабілеттерін дамыту.Қоғамдық, көпшілік орындардарда өзін-өзі мәдениетті ұстай алатын, өз пікірін еркін жеткізетін, өз мүмкіндігін дұрыс пайдалана алатын зерделі де сабырлы тұлғаны тәрбиелеу.
4.Қажетті ресурстар:
Безендірілген сахна, ойынға қажетті жаңа технологиялар (компьютер, слайд, телефон, музыкалық аппаратура, видео камера т.б.) сызба кестелер, маркер, шарлар.
5.Сабақтың барысы:
Ұйымдастыру кезеңі.
1. Ойынның мақсатымен таныстыру.
2. Ойынның шартымен таныстыру.
3.Ойыншылармен таныстыру.
4. І тур жеңімпазын анықтау.
5.ІІ тур жеңімпаздарын анықтап, марапаттау.
6 .Қорытындылау
1.Ойынның мақсаты: Информатика пәні және басқа танымдық тапсырмалар
бойынша оқушылардың білімін және оларды жүйелеу арқылы жеңімпазды анықтау.
2.Ойынның шарты:
Ойынға барлығы 9 ойыншы қатысады. Ойын ІІ турдан тұрады:
Жүргізуші ойыншыға І турдың ойын шартын түсіндіреді.

І тур. Қас-қағым сәтте орындалатын тапсырмалар бойынша берілген сұраққа әрі жылдам, әрі дұрыс жауап берген ойыншы анықталады және ойыншы ІІ турға өтеді.
ІІ тур.Қас-қағым сәтте орындалатын тапсырманың жеңімпазын анықтап, онымен жүргізілетін ойын. Жүргізуші ойыншыға ІІ турдың ойын шартын түсіндіреді.
І тур жеңімпазы ІІ турға қатысып, берілген 10 сұраққа жауап беру керек. 4 сұраққа дұрыс жауап берген ойыншы күймейтін бірінші белестен өтіп 5000 (мың) теңгенің иегері атанады және ойынды жалғастыра алады. Екінші белестен асу - күймейтін 50 000 (елу мың) теңге сыйлықтың иегері атанады.Үшінші белестен күймейтін 200 000 теңгенің иегері анықталады. Төртінші белес миллион иегері анықталады. Ойыншы өзі қалаған сәтте ойынды тоқтатып, тиісті ақшаны алуына болады.

Берілетін 10 сұрақтың кезегі мынадай:

10 1000 000 теңге
9 500 000 теңге
8 200 000 теңге
7 100 000 теңге
6 50 000 теңге
5 20 000 теңге
4 5 000 теңге
3 1 000 теңге
2 500 теңге
1 100 теңге

3. Ойыншы өзіне берілген үш жеңілдікті пайдалануына болады:
1. 50/50
2. ЗАЛДЫҢ КӨМЕГІ
3. ДОСТЫҢ КӨМЕГІ

І тур сұрақтары:
1. 1 байт қаншаға тең?
А. 8 бит
Ә. 10 бит
Б. 9 бит
В. 7 бит
2. Ақпараттың ең кіші өлшем бірлігі болып не қолданылады?
А. Бит
Ә. Байт
Б. Символ
В. Килобайт
3. Алгоритм -
А. базалық немесе жүйелік, қызметтік, қолданбалы түрінде орындау
Ә. программа пакеттері
Б. орындалатын іс әрекеттің немесе есептің нәтижеге жету жолын реттелген тізбектер түрінде орындау
В. ЭЕМ - қажетті программалар

Қорытынды: Қас-қағым сәтте орындалатын тапсырмалар бойынша І тур жеңімпазын анықтау. ІІ турда күймейтін бірінші белестен өткен ойыншыны және басқа жеңімпаздарды анықтай отырып, оларды марапаттау. Ойынға қатысқан 9 ойыншыға ынталандыру, қатысқан студенттердің сыйлығын тапсыру.