Жүгірістегі жаттығулар

Бекітемін ________________
директор орынбасары_____________
<<_______>>_______20___ж.

№51 гимназия Дене шынықтыру пәні бойынша қысқа мерзімді жоспар
3-бөлім
Гимнастиканың негізгі элементтері
Мұғалімнің аты-жөні
Қарлыбаев Қуаныш Кенжебайұлы
Күні

Класс: 4
Қатысқандар саны: Қатыспағандар:
Сабақтың тақырыбы
Жеңіл гимнастикалық құралдар мен жаттығулар
Оқу мақсаттары
4.1.5.5 Қолданылатын бірқатар іс-қимылдарды, кеңістікті, динамиканы және байланыстарды көрсете және түсіндіре отырып, өзінің және басқаларының іс-қимылдарды орындауына ортақтасады
4.1.4.4. Дене жаттығуларын шебер орындау үшін әлеуетті анықтап, қозғалыстың күшті және әлсіз жақтарын салыстырады
Сабақ мақсаттары
Кеңістікте гимнастикалық құралдарды пайдаланып, бірқатар іс-қимылдардың динамикасын байланыстыру Жаттығуларды шебер орындаудың тәсілдерін анықтау, жинақты реттілік сақтап орындап көрсету.
Бағалау критерийі
Кеңістікте іс-қимылдардың динамикасын байланыстырып көрсетеді, өзінің және басқалардың қозғалыстарын салыстырады.
Жаттығуларды шебер орындау әдістерін пайдаланады, қозғалыстың сапасын салыстырмалы түрде арттырады.

Сабақ барысы

Сабақ кезеңдері/ уақыты
Педагог әрекеті

Оқушы әркеті
Бағалау
Ресурстар
Сабақтың басы
15 мин.

Ұйымдастыру кезеңі:амандасу,зейін,тәртіпті,
байсалдылықты қамтамасыз ету.
Психологиялық ахуал:
Оқушылардың көңіл күйін бір қалыпқа келтіріп, белсенді атмосфера қалыптастырып алу.
<<Комплименттер>> атты оқытудың белсенді әдісі қолданылады. Оқушыларды ортаға шығарып,бір-біріне жақсы тілектерін білдірткізу.
Өтілген материалды пысықтау және жаңа сабақтың тақырыбы мен мақсатын анықтау.
Оқушылардың бүгінгі өтілетін сабақ туралы не білетіндігін сұрап алу.Топқа жалпы сұрақтар қойылады..
<<Миға шабуыл>> жасау.
Талқылауға арналған сұрақтар:
Гимнастика дегеніміз не?
- Денеміздің тік,әдемі болуы үшін қандай жаттығуларды жасау қажет?
- Дене қыздыру жаттығуларын орындау кезінде олардың ағзаға тигізетін әсері?

Дене қыздыру жаттығуларын орындатқызу.
Денені қыздыру жаттығулары.
Бұлшықет топтарын дайындау.
Саптық жаттығулар
- сапқа тұру, бұрылулар,саптық адымдар.
- бір қатардан екі қатарға тұру.
Жүру. - Аяқтын ұшымен қол жоғарыда.
- Қол желкеде, өкшемен жүру. - қол белде табанның сыртымен жүру. - қол белде табанның ішімен жүру.
Жүрістегі жаттығулардан жүгірістегі жаттығуларға көшу. Баяу жеңіл жүгіру. Арақашықтықты сақтау. Қол кеуденің алдында, аяқтың ұшымен жүгіру. Мұрынмен тыныс алу. Жүгірістегі жаттығулар. Бірте- бірте ақырындап жүріске көшу. Кең тыныс алу.
Жалпы дамыту, жетілдіру жаттығулары. Арнайы гимнастикалық элементтерге арналған бұлшық еттерді қыздыру жаттығуларын ұқыптылықпен қайталату.Жаттығуларды гимнастикалық таяқшаны пайдалану арқылы жасатқызу.

Сапқа тұру. Сәлемдеседі.

Оқушылар бір-біріне жақсы сөздерін айтады.
Сабақтың тақырыбы мен мақсатын анықтайды.

Сұрақтарға жауап береді.

Оқушылар денені қыздыру жаттығуларын орындайды:

Жүгіріс жаттығуларын:
ЖДЖ
Дескрипторлар:
Оқушы:
-Саптық жаттығуларды мұқият орындайды.
-Жүру және жүгіру жаттығуларын саппен арақашықтық сақтай жасайды.
- Гимнастикалық таяқша арқылы жалпы дамыту жаттығулар кешенінің реттілігін сақтап құрастырады;
-жаттығуларды дұрыс орындайды.
.

ҚБ: бір - бірін бағалау, байқау.
Сонымен қатар <<Жарайсың>> деген мадақтау сөзімен ынталандыру

Кең спорт алаңы
Секундомер
Ысқырық
Конустар
Гимнастикалық таяқша
Сабақтың ортасы
25 мин.

Саралау: Техника қауіпсіздігін түсіндіру және қауіпсіздіктің алдын алу шараларын оқушыларға таныстыру.
Сыныпты 2 топқа бөліп әр түрлі тепе-теңдік жаттығуларын жасатқызу.Сосын топтар өзара тапсырмаларын орындап болғасын алмасады.
1-тапсырма
Тепе-теңдік жаттығулары. 1-топ
Сынып топтарға бөлу, келесідей жаттығуларды орындауды ұсыну.
Аяқтың ұшымен жүру, отырып алға еңкейу, арқамен алға жүру. Алға алмакезек адымдар. Қолдан ұстап екеуден, үшеуден жанмен қозғалулар. Алға қозғала отырып бір аяққа секіру. Оң аяққа тіреле отырып сол аяқты артқа созу. Бір тізеге тіреліп, қолдардың көмегімен тұру. Гимнастикалық қабырғаға бөрененің бір шетін биіктетіп қою және оқушыларға қолмен және аяқпен шығу жаттығуларын беру.Аяқтардың ұшымен 180 градусқа бұрылу, артқа керіле секіріп түсу.
Алдымен жаттығулар еденде үйретіледі, одан соң гимнастикалық орындықтарда,гимнастикалық бөренеде тек содан кейін ғана сайманда биіктігін өзгерте отырып үйретіледі. Берілген жаттығулар оқушыларға үлкен және кішкентай кеңістіктерде орын ауыстыруларды тәжірибелеуге мүмкіндік береді. Жұптар бір орында бес минуттан артық тұра алмайды.
Топта талқылау, оқушылардың гимнастикалық бөренеде көрсеткен қандай элементтерін қойылым кешенін жасақтауда пайдалануға болатынын сұрау?.

2-тапсырма
Бөренедегі жаттығу. 2- топ
Төмен бөренеде тепе-теңдікке жаттығу жасатқызу.
-Бетпен бөрененің басына қарай тұрып, бөренеге аттау, ортасына дейін өту, сонда негізгі тұрысқа тұру.
-Қолды шетке көтеру, айқастырып сол аяқты адым жасау (сол аяқ алдында, оң аяқ артта).
-Аяқтың ұшына көтерілу және оң иық арқылы 180°-қа бұрылу.
-Сол аяқты артқа-жоғарыға жіберу, иілу және аздап алдыға еңкею, қолдар шетке (<<қарлығаш>>).
-Сол аяқты арқа бөренеге қою, екі аяқты да бүгу, тізеге тұру, ал қолдармен бөренеге таяну.
-Дене салмағын оң аяққа ауыстыру және, екі қолмен бөренені ұстап тұрып, сол аяқты жазу (жартылай шатқа отыру).
-Екі қолмен бөренені ұстап бұрып, оң аяқты сол аяқтың жанына қою, тұру және бір мезетте қолды екі жаққа ажырату.
-Оң аяқпен алдыға адым жасау және оны сол аяқтың алдына айқастырып қою, бұрылу, бөрененің көлденеңінен тұру және иіліп секіріп түсуді орындау.

Оқушылар қауіпсіздік шараларын түсінеді және сақтанады.

Топтарға бөлініп тепе-теңдік жаттығуларын жасайды.

Дескриптор:
Қарапайым жүру түрлерін орындайды;
Мәнерлі жүрістер жасайды;
Буындарды қозғалысқа икемдейді;
Жүрістердің үйлесімділігін көрсетеді;
Бұлшық еттердің қозғалысын жақсартады.

Дескриптор:
-Тура бөрененің басына қарай тұрады;
-Бөренеге аттап, ортасына дейін өтеді;
-Қолды шетке созады, айқастырып сол аяқты адым жасайды;
-Аяқтың ұшына көтеріледі және оң иық арқылы 180°-қа бұрылады;
-Сол аяқты артқа-жоғарыға жібереді, иілу және аздап алдыға еңкейеді, қолдар шетке <<қарлығаш>> тұрысын көрсетеді;
-Сол аяқты арқа бөренеге қояды, екі аяқты да бүгеді, тізеге тұрады, ал қолдармен бөренеге таянады.

ҚБ: өз-өздерін бағалау, байқау.
Оқушылар жалпы топта бір-бірлеріне кеткен қателіктерін ұсыныс ретінде айтады.
Сонымен қатар <<Жарайсың>> деген мадақтау сөзімен ынталандыру.
Жаттығу орындау барысында қиналатын оқушыларға <<Қолыңнан келеді,әлі де талпын>> деген сөзбен жігер беру.
Гимнастикалық бөрене, төсеніштер, орындықтар.
Бөренедегі жаттығулар: https://infourok.ru/prezentaciya-uprazhneniya-na-gimnasticheskom-brevne-821519.html

Сабақтың соңы 5 мин
Тыныс алу жаттығулары.Рефлексия.
Оқушылардың теориялық білімін аңықтау:
Сұрақ: 1. Тепе-теңдік жаттығуларын жасау кезінде бізге не қажет?
2.Денемізді қыздырмастан жаттығу жасауға бола ма?
Үйге тапсырма: Қарапайым гимнастикалық құралдармен жаттығуларды жетілдіру.

<<Нысана>> әдісін қолдану. Нысанаға жапсыру үшін топтағы оқушыларға стикерлер таратылып беріледі:
1. Мен сабақты түсіндім! Қауіпсіздік ережесін толық білемін! Тепе-теңдік сақтау жаттығулары маған өте ұнады! - деген оқушылар болса ,стикерді нысананың дәл ортасындағы сары түсті дөңгелектің ішіне апарып жапсырады.
2. Мен сабақты түсіндім! Бірақ қауіпсіздік ережесін әліде дұрыстап түсінуім керек! Тепе-теңдік сақтау жаттығулары ұнады.- деген оқушылар болса, стикерді қызыл түсті шеңберге апарып жапсырады.
3. Мен сабақты дұрыс түсінбедім! Маған әлі де қауіпсіздік ережесін түсіну керек! Тепе-теңдік жаттығуларын жасау кезінде денемді бір қалыпта ұстауға қиналамын!- деген оқушылар шеңбердің ең сыртқы көк бөлігіне стикерді апарып жапсырады.
Оқушылар тыныс алуды қалпына келтіру жаттығуларын орындайды, қойылған сұрақтарға жауап береді.

Рефлексия <<Нысана>>

Мен сабақты түсіндім
Мен сабақты түсіндім! Бірақ ......
Мен сабақты дұрыс түсінбедім!

Кері байланыс парағы