Өсімдіктер тұқымдасы

Ш.Есенов атындағы Каспий Мемлекеттік
Технологиялар және Инжиниринг Университетінің
"Жаратылыстану" кафедрасының
Био-17-1 тобының III курс студенті
Батырғалиева Гулзадаға

Мінездеме

Батырғалиева Гулзада Қалдыбекқызы 27.01.2020 - 20.03.2020 күндері аралығында Каденова Б.Ж. жетекшілігімен Ақтау қаласындағы <> педагогикалық іс - тәжірибеден өтті.
Алғашқы күннен бастап тәжірибе сабақтарынан қалмай өзінің жауапкершілігімен таныла отырып, тәжірибе жетекшінің сабақ жоспарымен және журнал толтыру ережесімен таныстырылды.
Тәжірибеден өту кезеңінде берілген тапсырмаларды дер кезінде тиянақты орындап өз ісіне ұқыптылығын көрсетті. Ұйымдастырушылық қабілеті жақсы. Оқушылармен жақсы тіл табысып, олармен тығыз қарым - қатынаста болды.
Гулзада бақылау сұрақтарымен қатар қызықты сергіту сәттерін ұйымдастырды. Бұл оқушыларды қызықтырып қана қоймай, сабаққа деген ынтасын жоғарылатады. Мұғалімдер Гулзаданың ұйымдастырушылық қабілетіне және оқушылардың белсенділігіне оң бағасын берді.
Гулзаданың келешекте білімді, өз жұмысын жақсы атқаратын, жауапкершілікті сезінетін, өте жақсы мұғалім болатынына сенемін. Оның педагогикалық іс - тәжірибесін << >> деп бағалаймын.
​

Мектеп директоры: Мүберек А.С.

Жетекшісі: Каденова Б.Ж.

Сабақтың тақырыбы: Бөлме өсімдіктерін көбейту жолдары.
Сабақтың мақсаты:
1.Білімділігі: Оқушыларға бөлме өсімдіктерін көбейтудің әртүрлі жолдарын , олардың дұрыс әдемі өсу үшін қажетті күтім жасаудың маңыздылығын түсіндіре отырып білім беру.
2.Дамытушылығы: Дүниетанымын, ой-өрісін, пәнге деген қызығушылығын, ақыл-ойын, есте сақтауын дамыту.
3.Тәрбиелігі: Табиғатты қорғауға , бөлме өсімдіктерін дұрыс өсуіне жағдай жасау , күтіп-баптауға үйрету , эстетикалық тәрбие беру.

Сабақтың түрі: аралас сабақ Сабақтың типі: жаңа білімді меңгерту Сабақтың әдісі: көрсету, түсіндіру, <<сәйкестендіріу тест>>, <<миға шабул>>, <<Ассоцация>> әдісі, <<Алтын қақпа>> ойын әдісі.
Көрнекілігі: Бөлме өсімдіктері, интер белсенді тақта, слайдтар, суреттер, сызба қағаздар, бағалауға арналған гүл таратпалары.
Пәнаралық байланыс: Биология , бейнелеу.

Сабақтың барысы:
І.Ұйымдастыру кезеңі:
А)Оқушылармен сәлемдесу,түгендеу
Ә)Оқушылардың сабаққа қажетті құрал- жабдықтарын түгендеу
Б)Назарын сабаққа аудару
Психологиялық дайындық.
Көңіл- күйлеріңіз қалай? Тамаша
Сабаққа дайындықтарыңыз қалай ? Керемет
Сабаққа ынталарың қалай? Ғажап

Түрлі- түсті кәмпиттерді таңдау арқылы 3 топқа бөліп отырғызу. Топқа бөлме өсімдіктерінің атауын беру. Колеус, сансевиерия, декабрист( ғылыми атауы -<<шлюмбергера>> деп аталады кейде <<зигокактус>> деп те атайды.)

Мен бүгін шағын дүкен аштым. Бүгінгі сабаққа белсенді жауап беріп отырған топтағы оқушылар гүл таратпалары арқылы бағаланады. Гүлдерді көп жинаған оқушылар сабақ соңында дүкеннен өзіне қажетті бір затты сатып алады. Сол себепті сіздерді сабақ барысында белсенді қатысуға шақырамын.

ІІ. Үй тапсырмасын тексеру. <<Сәйкестендіру тест>> әдісі бойынша үй тапсырмасын сұрау.

Өсімдіктер тұқымдасы
Алқа тұқымдасы Күнбағыс
Лалагүлділер тұқымдасы Бидай
Астық тұқымдасы Қызанақ
Раушангүлділер тұқымдасы Қызғалдақ
Күрделігүлділер тұқымдасы Орамжапырақ
Асқабақ тұқымдасы Қызылша
Шаршагүлділер тұқымдасы Асбұршақ
Алабота тұқымдасы Қауын
Бұршақ тұқымдасы Шие

ІІІ. Жаңа сабақ . <<Миға шабуыл>> әдісі.
Мен сабақ басында сіздердің алдарыңызға бөлме гүлдерін қойдым. Енді осы бөлме өсімдіктері жайлы оның пайдасы туралы не білесіздер?
Бүгінгі сұрағымызға жауап беру мақсатында <<Бөлме гүлдерінің пайдасы>> туралы қысқаша бейнеролик көріп алайық.

Үстелде екі бөлме өсімдігі қойылады.
1.Жайқалып, жайнап, әдемі өсіп тұрған бөлме гүлі.
2.Дәл сол гүл бірақ солып, өліп, түрі жойылуға айналған.

Қызығушылықтарын ояту мақсатында оқушыларға сұрақтар қойылады?
Балалар сіздер партадан нені көріп тұрсыздар?
Бұл екі гүлді сіздерге не үшін көрсетіп тұрмын жауабын білесіздер ме?
Бөлме гүлдерін қалай күтіп, баптау қажет?
Қане, қай топ жауабын бірінші болып табады екен?

Бүгінгі жаңа сабағымыздың тақырыбы: Бөлме өсімдіктерін көбейту жолдары.
Біз күнделікті өмірде өзімізге ұнайтын бөлме өсімдіктерін сатып алып немесе таныстардан көшетін алып өсіреміз оларды күтіп баптаймыз. Өсімдіктерді үйде өсіру үшін түрлерін дұрыстап іріктеп алу керек және олардың өсуіне қажетті жағдайларды жарық, температура және ауаның ылғалдылығын жақсы білу керек. Бөлменің ішін табиғат жағдайларына сәйкестендірген жөн. Өсімдіктің өсіп-өнуі үшін ең бірінші жарық қажет. Бөлме өсімдіктері: жарықты сүйетін, көлеңкеге төзімді, сондай-ақ жарықтық шашырап түскенін қажет ететін түрлері болады. Алдарыңызда тұрған үш гүлге жеке- жеке мәлімет беріп оларды қалай көбейту жолдарын түсіндіріп және сарамандық жұмыс арқылы көрсететін боламын.

Сансевиерия жарық сүйгіш өсімдіктерге жатады. Бірақ жарықтың тік түсуінен сақтау керек.Тек бөлмеңізге жарық жақсы түсу керек.Сансевиерия гүлінің 60- қа жуық түрі бар көпжылдық мәңгі жасыл өсімдіктер. Бұл өсімдіктер тропикалық және субтропикалық аймақтардың құрғақ жерлерінде өседі. Табиғи түрде кездесетін елдері: Африка, Мадагаскар, Оңтүстік Флорида, Индонезия және Индияда өседі екен. Шамдан тыс күтімді қажет етпейтін өсімдік.Суға өте төзімді. Кейбір гүлдерді аптасына 2-3 рет суғарсақ , бұл гүлді 2 аптада бір рет суғаруға болады. Бөлме ішінің ауасын, шаң- тозаңнан тазартып қана қоймайды, ауадағы микробтар мен теледидардан шығатын зиянды сәулелерді өзіне қабылдайды екен. Гүлдің осы қасиетін фитодизайнерлер ерекше бағалап, бөлмелер мен бизнес кеңселерді және мейрамханалардың интерьерін безендіруде өте көп қолданады екен.Сансевиерияны тамыр бөлігін бөлу арқылы және жапырағын бірнеше бөлікке бөлу арқылы көбейтеді.
Декабрист( ғылыми атауы -<<шлюмбергера>> деп аталады кейде <<зигокактус>> деп те атайды). Кактус гүлінің туысы. Отаны Оңтүстік Америка, Бразилияның тропикалық орманы. Көлеңкеге төзімді өсімдік. Жарық ауасы құрғақ бөлмеге қойған кезде жапырақ сабақтарының түсі сарғыштанып өзгеріп кетеді. Декабристің жапырақтарының ұшында қатпарланған гүлдер пайда болады. Гүлдерінің түсі түрлеріне қарай әр түрлі көз тартарлық болып келеді. Көптеген елдерде кең тараған атауы - декбрист. Олай аталу себебі декабрь (желтоқсан) айында гүлдейтіні. Жылына 1рет гүлдейді. Жаз айында аптасына 2 рет , қыста аптасына 1 рет суғаруға болады. Айына 1 рет бөлме гүлдеріне арналған әмбебап тыңайтқышпен суғару керек. Ауаны жақсы тазартатын болғандықтан тез шаң болады су шашқанды жақсы көреді. Ал тропикада бұл гүлді шаңынан әлемдегі өте кішкентай құс калибри тазартады екен. Колибри түрлі өсімдік гүлдерінің шырынымен қоректенетіндіктен , гүлге келген кезде сеундына 80 рет қағатын қанаттары арқылы өсімдікті шаңнан тазалап береді екен. Фитодизайнерлердің бағалайтын қасиеті ампельдік, тирасса, балкондарды безендіруге таптырмас өсімдік. Декабрист гүлі сабақтары арқылы және тұқымы арқылы көбейтіледі. Тұқым арқылы көбейту әдісі ұзақ уақыт алатындықтан көбінесе сабағындағы бөліктерін бөліп алып топыраққа бірден отырғызу әдісі көп қолданылады.
Колеус- (лат. СOLEUS КОЛЕУС) - көпжылдық, шөптесін немесе жартылай бұтақты, қалақай тұқымдасына жататын өсімдік. Жарықтың шашырап түсуін қажет ететін өсімдік. Жарық жетіспеген жағдайда сабағы майысып, жапырақтары қанық түстерін жоғалтып, бозғылданып әрсіз болып кетеді . Негізгі отаны - Азия, Ява аралдары. 150-ден астам түрі белгілі. Жаз айларында молынан, қыста өсу процесі баяулайтындықтан суды азырақ құяды. Жаз, күз мезгілдерінде гүлдейді. Гүлдері айтарлықтай әдемі емес, шырақ секілді сабақ басында орналасады. Қазақстандық ботаниктер бұл гүлді <<Жүсіптің сұлулығы>> деп атаған екен. Колеустің әдемі түрлі-түсті ала жапырақтарын жоғары бағалаған фитодизайнерлер бөлмелердің ішін және аулалардағы жол жиегін безендіру мақсатында еккен екен. Бірақ бір түсті түрлері де кездеседі. Соңғы уақытта жіңішке, жиегі жыртық жапырақты сұрыптарын өсіру үлкен сәнге айналды.Сабағын қалемшелеу арқылы және тұқымы арқылы көбейтеді.Тұқым арқылы көбейтілуі біршама ұзақ процес болғандықтан көбінесе қалемше арқылы көбейтіледі.

<<Ассоцация>> әдісі

Бөлме өсімідігін көбейту жолдары
Бөлме өсімідігін көбейту жолдары
Сабағын қалемшелеу Тұқымы арқылы

Тамырынан бөлу
арқылы Жапырағы арқылы

IҮ.Сергіту сәті:
-Қане, қане балалар, (балалар тұрады)
Шаршағанда ырғалып (тербеліп тұрады)
Гүлге ұқсап демалам (отырады)
Жұпар иісін бір иіскеп (мұрнымен демді ішіне тартып, шығарады)
Гүлдей болып жайқалам (қолдарын жоғары көтереді

Ү. <<Алтын қақпа>> ойыны арқылы жаңа сабақты бекіту тапсырмалары беріледі.
Сұрақтарға жауап беру арқылы <<Алтын қақпа>> ішінде жасырылған өлеңді табу.
<<Темір қақпа>> 5 сұрақ беріледі. Сұраққа жауап бергеннен кейін қақпа ашылады.
А) Декабрист қай бөлме өсімдігінің туысы? Жауабы: кактус
Б) Сансевиерия гүлінің қаншаға жуық түрі бар? Жауабы: 60 жуық
В) Қазақстандық ботаниктер колеус бөлме гүліне қандай жаңа ат қойды?
Жауабы: Жүсіптің сұлулығы
Г) Зигокактус деп қай гүлді атаймыз? Жауабы: декабрист гүлін
Е) Декабрит гүлінің көбейтілу әдісі?
Жауабы: сабақ бөлімдері және тұқым арқылы

<<Күміс қақпа>> 4 сұрақ беріледі. Сұраққа жауап бергеннен кейін қақпа ашылады.
А) Декабрист гүлін тропикада қандай құс шаңынан тазартады?
Жауабы: Колибри
Б) Сансевиерия гүлінің күнделікті тұрмыста қандай пайдасы бар ?
Жауабы: микробтар мен теледидардан шығатын зиянды сәулелерді өзіне қабылдайды.
В) Колеус бөлме өсімдігін қандай жолмен көбейтеді?
Жауабы: сабағын қалемшелеу және тұқымы арқылы
Г) Өсімдіктің сабағын қалемшелеу әдісі қандай? Жауабы: өсімдіктің сабақ бөлімін кесіп алып 3-4 жапырағын қалдырып суға салып, тамырлаған соң топыраққа отырғызу.

<<Алтын қақпа>> 3 сұрақ беріледі. Сұраққа жауап бергеннен кейін қақпа ашылады.
А) Сансевиерия бөлме өсімдігінің көбейтілу жолдары?
Жауабы: тамырын бөлу және жапырақ арқылы.
Б) Декабрист бөлме өсімдігінің шыққан отаны ? Жауабы: Оңтүстік Америка, Бразилияның тропикалық орманы.
В) Фитодизайнерлер колеус бөлме гүлін қандай ерекшелігіне қарап бағалайды?
Жауабы: Ерекше түрлі-түсті әдемі жапырақтары үшін.

Қақпа ашылғанда табиғат туралы өлең жолдары шығады.
Табиғатты қорғап біз, аялайық,
Бар жақсыны оған тек аямайық.
Отырғызып өсімдік , суарып гүл,
Табиғатты одан әрі жайнатайық.
Табиғатым жайнасын, құрымасын,
Халықты ойландырар іске айналсын.
Бар адам гүл өсіріп үй маңына,
Табиғат осылай гүл жайнасын.
Табиғаттты қорғайықшы бәріміз,
Табиғат ол біздің ішкі жанымыз.
Қуанар еді, табиғат нұрын шашып
Көмектессек табиғатқа бәріміз - бүгінгі сабағымызды қорытындылағым келеді.

ҮІ.Қорытынды. <<Синквейн>> немесе 5 жолды өлең әдісі бойынша сабақты қорытындылау.

Сансевиерия
5 жолды өлең стратегиясы бойынша тақырыпты қорыту.
1. Зат есім (бір сөз) Не? Өсімдік
2. Сын есім (екі сөз) Қандай? Жасыл, әдемі .
3. Етістік ( үш сөз) Не істейді? Өседі, жайнайды, өледі.
4. Төрт сөзден сөйлем.
Сансевиерия өсімдігі адамға пайдалы.
5.Синоним . Жапырақ

Декабрист
5 жолды өлең стратегиясы бойынша тақырыпты қорыту.
1. Зат есім (бір сөз) Не? Өсімдік
2. Сын есім (екі сөз) Қандай? Жасыл, қызыл.
3. Етістік ( үш сөз) Не істейді? Өседі, гүлдейді, солады.
4. Төрт сөзден сөйлем.
Декабристтің гүлдері көңілді көтереді.
5.Синоним.Гүл

Колеус
5 жолды өлең стратегиясы бойынша тақырыпты қорыту.
1. Зат есім (бір сөз) Не? Өсімдік
2. Сын есім (екі сөз) Қандай? Түрлі- түсті, көркем
3. Етістік ( үш сөз) Не істейді? Өседі, гүлдейді, сәндейді.
4. Төрт сөзден сөйлем.
1.Колеус өсімдігімен бөлмені безендіреді.
5.Синоним . Шөп

ҮІІ.Бағалау . Гүл таратпалары арқылы бағалап, қажетті затты сатып алу.
ҮІІІ.Үйге тапсырма беру.
Сансевиерия, декабрист, колеус бөлме өсімдіктері туралы қызықты мәлімет жинап келу және суретін дәптерге салу.

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ
Ш.ЕСЕНОВ атындағы КАСПИЙ МЕМЛЕКЕТТІК ТЕХНОЛОГИЯЛАР ЖӘНЕ ИНЖИНИРИНГ УНИВЕРСИТЕТІ

<<Педагогика>> факультеті
факультет атауы

<<Жаратылыстану>> кафедрасы

5В011300 - <<Биология>>
мамандық шифры мамандық атауы

3 курс күндізгі оқу Б-17-1 тобында
(бакалавриат, магистратура, докторантура) білім алушы
(керегінің астын сызу керек)

Батырғалиева Гулзада Қалдыбекқызы
(Т. А. Ә.)

Педагогикалық іс - тәжірибесі бойынша
(тәжірибе түрі)

ЕСЕБІ

Университеттен тәжірибе жетекшісі:
Сагиндыкова Э.У.
(жауапты адамның Т. А. Ә.)

Ақтау 2020 ж
ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫММИНИСТРЛІГІ Ш.ЕСЕНОВ атындағы КАСПИЙ МЕМЛЕКЕТТІК ТЕХНОЛОГИЯЛАР ЖӘНЕ ИНЖИНИРИНГ УНИВЕРСИТЕТІ "Педагогика" факультеті 5В010300 - "Биология " мамандығының 3- курс студенті Батырғалиева Гулзада Қалдыбекқызының педагогикалық іс-тәжірибелік

Есебі

Мен, Батырғалиева Гулзада Қалдыбекқызы 27.01.2020 - 20.03.2020 күндер аралығында Ақтау қаласындағы <> педагогикалық іс-тәжірибелік сабақтарға қатысқан болатынмын.

27.01.2020 ж. Бүгін университеттен бөлінген әдіскер Сагиндыкова Эльмира апаймен мектепке бардық. Ең алдымен мен болашақ педагог ретінде мектеп әкімшілігінің мүшелерімен (директор және оның орынбасарларымен) және пән мұғалімдермен таныстым. Мектептің оқу-тәрбие жүйесімен таныстым және мектептің оқу ғимаратымен, техникалық базасымен таныстым (оқу кабинеттері, лингафон кабинеттері, кітапхана мен оқу залы, спорт залы мен спорт алаңы, медициналық кабинет, т.б.).

30.01.2020 ж. Менің педагогикалық тәжірибемнің алғашқы күні болды. Биология кабинетіне барып, жетекшімнің сабақтарына қатыстым. Жетекшіміз Каденова Б.Ж. апайдың оқу-тәрбие жұмыстарын, жеке оқушылармен жұмысын, үйірмелер жұмысын, дәптер тексеруін, көрнекіліктер дайындауын, техникалық құралдарды пайдалана білуін көріп, сұрақтар қою арқылы білімімді шыңдап бақыладым.

03.02.2020 ж. Мен осы күні 6"а" сыныбының сабақтарына қатыстым. Апайымыз балаларға "Гүлді өсімдіктер" тақырыбында сабақ түсіндіп, тақырыпты қалай түсінгендігі білу үшін сұрақтар қойды. Маған сұрақ қойып жатқанда апайдың сұрақ қою әдіс-тәсілі ерекше ұнады. Апай сұрақ қойғанда балалардың биологияға деген қызығушылығын оятуды басты мақсат етіп қойғандығын аңғардым, содан маған сол әдіс ерекше ұнады. Менде болашақта дәл осы тәсілмен оқытамын деп шештім.

06.02.2020 ж. Бұл күні 7 "б" сыныбының сабақтарына қатыстым. Сол күні апай оқушыларға "Жапырақтың сыртқы және ішкі құрылысы" атты тақырыпта сабаққа қатысып оқыту үдерісінің жүзеге асырылу барысымен таныстым. Атап айтқанда топтық, жұптық жұмыс арқылы оқушыларды оқу мақсатына жетелеу және өзара критериалды бағалаудың тиімді қолдану жолдарымен таныстым. Интерактивті тақта арқылы бейнеролик көрсетілді.

10.02.2020 ж. Бұл күні әдеттегідей 7"ә" сыныбының сабақтарына қатыстым. Сабақ тақырыбы "Гүлдің құрылысы" болды. Санау арқылы 4 топқа бөліп. Оқушыларға 1 тапсырма "Сәйкестендіру" берілді. Бұл тапсырмада оқушыларды жұпқа біріктіріп, әр жұпқа парақшаға шығарылған тапсырманы 2 минут ішінде орындау қажет. Орындалған тапсырманы 2 минут ішінде жұптар бірін-бірі тексеріп, бағалап шығады. 2 тапсырма "Ойлан, жұптас, бөліс" әдісі арқылы мәтінмен жұмыс жасау. Бұл тапсырмада әр топқа мәтін беріледі. Сол мәтінмен әр топ мүшелері 3 минут ішінде оқып, танысу қажет.Сабақ соңында сабақты қорытындылап,үй тапсырмасы берілді.

13.02.2020 ж. Бұл күні8 "в" сыныбының сабағына қатыстым. Сабақ тақырыбы "Асқорытудың маңызы ". Асқорыту туралы бейне ролик көрсетілді. Көрсетілім әдісі арқылы Асқорыту туралы электронды оқулықпен таныстырып, <<Бір минуттық әңгіме>> жаңа сабақтан түсінгенін бір - біріне айтады, топтық талқылау жасалды. Оқулықтағы берілген сурет және сұрақтар бойынша топтар жұмыс жасап, постер арқылы қорғады.

17.02.2020 ж. Бұл күні 8"д" сыныбының сабағына қатыстым. Сабақ тақырыбы "Асқорыту мүшелерінің құрылысы". <<Сұрақ - ілмек>> әдіс - тәсілін сабақта пайдаланылды. Бұл әдіс - тәсіл арқылы оқушылардың бойында көшбасшылық қасиетін арттырып,оқушының өзіне деген сенімділігін қалыптастып, білімін үздіксіз жетілдіруге талпыныс жасатып, жауапкершілігі артып тез әрі ойланып шешім қабылдауға мүмкіндік туғызу. <<Сұрақ - ілмек>> әдісі бойынша оқушылардан өткен сабақ тақырыбы бойынша <<Асқорыту>> туралы сұралды. Асқорыту не екені білу үшін ең алдымен бейнеролик қарап, сосын оқушыларға айтып берді. Сосын оқушыларға сұрақтар қойылды.

20.02.2020 ж. Сабақ тақырыбы "Тыныс алу". Жаңа тақырып бойынша бейнеролик көрсетіледі. <<Ойлар себеті>> әдісі - аталған тақырып бойынша барлық оқушылар түсінгендері мен тұжырымдарын желісін жазып, шартты түрдегі <<себетке>> салады. Сабақ барысында барлық пікірлер түзетіледі немесе себеттер қалдырылады, немесе алынып тасталады. Оқушылардың жаңа сабақты қалай меңгергенін анықтау мақсатында қалыптастыру бағалау тапсырмалары алынды. Сыныптағы оқушылармен кері байланыс жасалды.

24.02.2020 ж. Бұл күні 7"а" сыныпқа "Жүрек қан тамырлар жүйесі" тақырыбында сабақ түсіндірілді. Сабақтың мақсаттары: қан тамырлар жүйесінің пайда болуын түсіндіру; жүрек қан тамырларының құрылуын сипаттау;; жүрек туралы жазбаларды білу; Оқушыларды жеребе суыру арқылы топқа бөлу.
1 топ- Алғырлар
2 топ-Тапқырлар
3 топ- Білгірлер
1 - тапсырма.Топтық жұмыс. <<Ретімен орналастыр>> әдісі. 2-тапсырма <<Галереяға саяхат>> әдісі. Суреттерден оқушылар жүректің құрылысын табады. Сабақ соңында оқушылар саусақтары арқылы сабақты бағалады.

27.02.2020 ж.Бұл күні 7"А" сыныбының дүниежүзі тарих пәніне қатыстым. Сабақ тақырыбы Пияз тұқымдас Сабақ барысында мына сұрақтарға "Пияз тұқымдасы дегеніміз не?" сияқты сұрақтарға жауап берді. Оқулықпен жұмыс жүргізіліп, "Мәтінді толықтыр" тапсырмасы берілді.

02.03.2020ж. 8"б" сыныпқа "Даражарнақты және қосжарнақты өсімдіктер" туралы сабақ түсіндірілді содан соң балалар қызықты тапсырмалар беріліп сабақ қазықты өтті.

05.03.2020 ж. Бұл күні мектепте өткен қалалық "55 жастағы аналар" атты мерекелік шара болды. Мерекелік шараға өз үлесімді қостым. Мерекелік шараға қатысушылар ардақты ұстаздар болды, олар өз отбасылармен бірген өнер көрсетті. Ұзтаздарымызға қолдан келгенше көмектестік. Аналарымыз сайыста өз өнерлерін көрсетті. Аналарымыз біріне-бірі өткен өнерлі, сайыс барысында бірі ән айтса, бірі мәнерлеп оқыды, ал басқа аналарымыз ескі салт дәстүрлермізді көрініс көрсету арқылы бізге дәріптеді.

12.03.2020 ж. Бұл күні 5-сыныптар арасында "Амал келді, жыл келді" атты мерекелік шара болды. Мерекелік шарада оқушыларға өз көмегімді бердім. Шарада оқушыларға ұлттық мерекеміздің алар орны түсіндірілді. Шарада ұлттық ойындарымыз, салт-дәстүрлеріміз көрініс тапты. Мерекелік шараға оқушылардың ата-аналары қатысты.

17.03.2020 ж. Бұл күні 7 сыныптардан тоқсандық жиынтық бағалау алынды. <<Гүлдердің құрылысы>> бөлімі бойынша жиынтық бағалау, байланысты тест құрастырылды. Тестті дайындау барысында ресми интернет-сайттағы қолжетімді ресурстар (суреттер, фотосуреттер, мәтіндер, аудио және бейнематериалдар) қолданылды. Сабақ соңында оқушылардың жұмыстарын тексеріп, тоқсандық бағаларын қойдық.

20.03.2020 ж. Бұл күні сабақтарға қатысып, тәлімгерімізбен тәжірибемізді қорытындылап, күнделік толтырдық. Бақытжан апайымыз бізге тілек айтып, болашақта жақсы бір мұғалім болатынымызға сенетінін айтып, бізді шығарып салды.

Қорытынды

Мен Батырғалиева Гулзада 27.01.2020-20.03.2020 аралығында <> тәжірибеден өттім. Қорытындылай келе мен үшін педагогикалық іс-тәжірибелік сабақтарға қатысу ерекше болды. Себебі оқушылардың тәртіпті, білімге құштар, көздерінде жалындап тұрған отты көрген керемет сезім. Еліміздің болашағы жастардың қолында деп айтып өткен елбасымыздың сөзі жастарымызға жігер беретіндей, сондықтан да мен <> мектебінің оқушылары болашақта білікті де, білімді азаматтар болып өседі деген сенімім мол.
Жетекшім Бақытжан апай және Ақтау қаласы <> мектебінің әкімшілігіне алғысымды білдіремін. Универсеттен тағайындалған жетекшім Сагиндыкова апайға алғысым шексіз.

Ақтау қаласындағы
<>
7 <<Д>> сыныбына

Мінездеме

7"Д" сыныбында 25 оқушы бар. Оның ішінде 14 ұл бала, 11 қыз бала оқиды.Сынып жетекшісі Сәттурганова А.Е. Сыныпта биыл басқа мектептен, басқа сыныптан ауысып келген оқушы жоқ.
Сыныптың әлеуметтік құрамы орташа деңгейде. Материалдық жағынан жеткілікті қамтылған. Сыныптың жалпы танымдық бағыты орташа, жақсы оқитын балалар саны - 8, орташа оқитын балалар саны - 9, қалғандары қанағаттанарлықтай. Сынып математика, орыс тілі сабақтары жағынан көп қиналмайды, ал ауызша(тарих, әдебиет, биология және т.б) сабақтарға келгенде тіптен алдарына жан салмай сабақ айтады екен.
Үйірмелерге қатысу жағынан қыздары белсенді екен. Соның ішінде бес қыз ән айту мен биге қатысады екен. Ал ұл балалардың көпшілігі футбол, баскетбол, каратэ спорт түрлеріне қатысады екен. Олардың ішінде мемлекеттік, қалалық олимпиадаларға қатысып жүлделі орын алып жүрген оқушылар да бар. Сыныптан тыс жұмыстарды сынып жетекшісінің көмегімен, көбінесе сынып старостасы мен тәрбие секторы ұйымдастырды. Барлығын жоспарлап алғаннан соң әрбір оқушыға тапсырмаларын бөліп беріп, орындалуын қадағалап отырады. Тапсырманы әр оқушының бейімділігін ескере отырып бөледі. 7"Д" сыныбының оқушылары ұйымшыл, бір бірін сыйлайды. 7"Д" тәртібі өте жақсы, мұғалімдерін сыйлап, құрметтей біледі.

Студент: Батырғалиева Г.Қ.

Ақтау қаласындағы
<>
7<<Д>> сыныбының оқушысы
Маратқызы Сабинаға

Мінездеме

Біз іс-тәжірибе кезінде 7 <<Д>> сыныбының сабақтарына қатыстым. Ол сыныпта 25 оқушы тиянақты түрде білім алуда. Сынып жетекшісі Сәттурганова А.Е. Оқушылардың арасында өз өнерімен көзге көрінген оқушыларда бар, олар: Маратқызы Сабина, Марат Динара, Қыдырбай Батырхан аудандық олимпиадалардан жүлделі орындарға қол жеткізсе, Әзилхан Әмина өз өнерін ортаға салып, көптеген сайыстарға барып қайтқан. Үлгерімдері төмен оқушылар болғанымен, олар да жақсы оқуға тырысуда. Маратқызы Сабина 20.08.2009 жылы дүниеге келген. Оқуда озат оқушылардың қатарында. Қандай сабақ болмасын әрдайым дайындықпен жүреді. Өз ісіне жауапты қарайтын, жылдам әрекет ететін оқушылардың бірі екені көрініп тұр. Негізгі мектепте 7<<Д>> сыныбы басқа сыныптарға қарағанда үлгілі сыныптардың бірі болып есептеледі. Мектепте осы сынып ерекше абыройға ие және де басқа сыныптарға қарағанда өте ұйымшыл сынып болып есептелінеді. Бұл сыныптың оқушылары үйге берілген тарсырмаларды барынша орындап келуге тырысады және де егер түсінбеген сұрақтары болса, бір-бірімен ақылдасып, сұрақтардың жауаптарын табуға тырысады.

Студент: Батырғалиева Г.Қ.