Ана мен әйелдің рөлі

Қ. Байсейітов атындағы саз колледжі
Мерзімі: 07.04.2020ж
Пән мұғалімі: Тұрысбек М.К
4 кур студенттері

Сабақтың тақырыбы: Әйел - рухани мәдениеттің тірегі Құндылық: Ақиқат
Қасиеттер: ойдың, сөздің және істің бірлігі, жақсыдан жаманды ажырата білу, шыншылдық

Мақсаты:Әйел адамның орны ерекше екендігін түсіндіре отырып,ақиқат құндылығының мәнін ашу
Міндеттері:
- ойдың, сөздің және істің бірлігі туралы үйрету
- жақсыдан жаманды ажырата білу дағдысын дамыту
- шыншылдыққа тәрбиелеу

Дәйексөз
Не іске де әйел араласса, бәрі жақсы аяқталатынына
сенімдімін. Әйел әлемді басқаратынын түсіндім.
Дәйексөзді оқып, мағынасын түсініп алыңыздар
ресурс Гарсиа Маркес Габриэль
(1927-2014)-колумбиялық жазушы,әдебиеттен Нобель сыйлығының иегері

Оқиға айту (оку өз бетімен) Шанханайдың шынары Әли Ысқабай
1. Халқына адал қызмет етіп, бақытын еңбектен тапқан, мәртебесін еңбекпен биіктеткен Зылиха Тамшыбаева туралы не білдіңіздер?
2. <<Жақсыны күшінен таныма, ісінен таны. Күш ақымақта да бар. Ұрыны көзінен таны, кісіні сөзінен таны. Сөзі түзудің өзі түзу болады>> деген әке сөзін қалай түсінесіздер?
3. Зылиханың бойынан көшбасшыға тән қандай қасиеттер көрінді? Басшылар оған неліктен сенім білдіріп отырды?
4. Автордың <<Шанханайдың биік шынары Зылиханың шырағының биікте жұлдыздай жарқырай беретіндігі күмәнсіз>> деген ойын одан әрі өрбітіп, өз ой-пікіріңізді дәлелдеңіз.
5. <<Сіз өмірді лайықты сүру дегенді қалай түсінесіз?>> деген сауалға өзіңіз қалай жауап берер едіңіз?
6. Әңгіме кейіпкері қандай құндылықты бойына сіңіріп өсті деп ойлайсыздар?
7. Сізді Зылиха Тамшыбаеваның қандай ізгі қасиеттері ерекше сүйсіндірді? Өзіңіз үшін оның қандай қасиеттерін аламын деп ойлайсыз? Неліктен?
8. Жүрегі сүйіспеншілікке толы адам болу үшін қандай қасиеттерді өз бойыңызда дамытқыңыз келеді? Әңгімелеп беріңіз
Әйел табиғатының ерекшеліктері. Әйел - бұл отбасының ішкі энергиясы, махаббаттың, кешірімділіктің, шыдамдылық пен бақыттың бейнесі. Ана мен әйелдің рөлі. Қадірлі әйелдердің мысалдары

Қазақ әйелі>> концептісіне қатысты онимдердің этномәдени сипаты
Барлық көрген-білгенін, зердесіне түйгенін, ақылына тоқығанын, өмірлік тәжірибесін, бүкіл асыл мұрасын тілінде түйіндеген қазақ халқы көшіп-қону барысында кездескен әрбір бұлақ-бастауға, төбе, жазыққа, ой мен қырға олардың ерекшелігін дөп танып, соған сай ат берген.
Қайсыбір нысанға берілген атауға терең үңілсек те, оның түп-тамырында ұлтымыз бен ата- бабаларымыздың танымы, сан ғасырлық тарихымыз бен төл мәдениетіміздің сырлары сайрап жатыр. Өйткені, <<...этнографична вся ономастика - от личного имени до человека до наименования божеств, от названия народа до обозначения населенного пункта или космического объекта>>
Қазақтың еншісіне тиген байтақ даламызды қай бұрышын алсақ та, әйел-анаға арнап тұрғызылған ғажайып кесене, әсем мұнара, өшпес ескерткіштер, тіпті тұтас қаланың атын көптеп кездестіруге болады. Ғалым А. Сейдімбек: <<Сырдария бойындағы Көккесене, Бикем мұнара, Сырлытам, Сарысу бойындағы Белең-ана, Болған-ана, Жұбан-ана, Арал түбіндегі Бегім ана күмбездері, мұнаралары, мазарлары ғажайып сырлы сымбатымен күні бүгінге дейін қайран қалдырады. Жеке ескерткіштер былай тұрсын, жұмыр жердің орта ғасырлық талғам-түсінігінде тұтас бір қаланың әйел атымен аталғаны дүние жүзінде сирек кездесетін құбылыс. Бұл ретте қазақ даласында Қатын дала, Қырыққыз қала, Баршынкент сияқты қалалардың болғаны таң қалдырады. Мұндағы Баршын сұлу әйгілі Алпамыстың жұбайы, Қаршымбайдың қызы, Оғыз еліне сөзі жүрген жеті арудың бірі болған>> деп жазады http://g.engime.org/dissertaciya-filimi-jetekshisi--filologiya-filimdarini-doktori.html?page=7

Шындығында, әйел - отбасының ұйытқысы, ол отбасында ғана емес, жалпы қоғамда да бейбітшілік пен тыныштықтың шырақшысы саналады. <<Әйел - бір қолымен бесікті, екінші қолымен әлемді тербетеді>> деген де соны білдірсе керек. Осындайда Мемлекет басшысының: <<Әйел шексіз құдірет иесі. Тарих тағылымында ең айтулы өзгерістердің барлығы әйелдердің қолымен немесе әйелдер үшін жасалады>>, - деген сөзі еске оралады. Қазіргі заманда әйелдер қауымы қоғам мен мемлекет ісіне келгенде ер азаматтардан кем белсенділік танытып отырған жоқ. Яғни, әйел азаматтар тек отбасы төңірегінда ғана емес, сонымен қатар мемлекеттік қызметте, бизнесте, денсаулық сақтау мен білім-ағарту жүйесінде жемісті жұмыс істеп жатыр.
inform.kz белсенді сілтемені пайдаланыңыз https://www.inform.kz/kz/ayel-otbasynyn-uyytkysy-tynyshtyktyn-shyrakshysy_a2753341

Үй тапсырмасы.
<<Қадірлі әйелдің үлгісі>> эссе жазу (аналар, әжелер, замандастар, әдеби кейіпкерлер). Топтарда талқылап, <<Отбасындағы әйелдердің рөлі>> атты плакат салу. <<Ана туралы жыр>>әнін айту.
Ғ.Мүсіреповтың "Өлімді женген ана" әңг оқу