Python тіліндегі алгоритмдерді программалау

Сабақтың басы

2 мин.

(Ұ) Ұйымдастыру кезеңі

1. Сәлемдесу.

2. Оқушыларды түгелдеу.

3. Психологиялық жағымды ахуал орнату.

4. Сабақтың тақырыбы, мақсаты, критерийлерімен таныстыру.

Топтастыру

І, ІІ топтарға бөлінеді.

і. Топ мүшелері қағаз қиындыларын құрастырып,

І топ - сабақтың тақырыбын,

ІІ топ - сабақтың мақсаты мен критерийлерін жариялайды.

Бағалау: Топтар бір-бірін «Отшашу» әдісі

арқылы бағалайды.,

5 мин.

(Ұ) Миға шабуыл әдісі

Алдыңғы білім мен жаңа сабақты байланыстыру мақсатында төменде берілген сұрақтарға жауап береді.

• Алгоритмдердің қандай түрлерін білесің?
• Сызықтық алгоритмдерге мысалдар келтір.
• Қалай ойлайсың, сызықтық алгоритмдер көмегімен барлық есептерді программалау мүмкін бе? Себебін түсіндір.
• Күнделікті тұрмыста орындайтын іс-әрекетімізге кедергі келтіретін шарттарға мысалдар келтір. Мысалы, егер таңертен күн жаңбырлы болмаса, таңғы жаттығуды аулада орындай ма?

Python программалау тілінде тармақталған алгоритмдерін қалай құрастыруға болады?

Жаңа сабаққа кіріспе

Мұғалімнің кіріспе сөзі

Оқушыларға жаңа білім бөлімі бойынша мұғалімнің түсіндіру кіріспе сөзі жүргізіледі. Толығырақ ақпарат алу үшін оқулықтағы ақпараттарды оқуға бағытталады.

Сабақтың ортасы

31 мин.

(Т) Талқылау

Оқулықты оқып біткен соң, топтар арасында топтық талқылау жұмысы жүргізіледі.

1-тапсырма

Берілген a, b және c сандарының үлкенін табуға арналған программа кодына төмендегі сұрақтар бойынша талдау жүргізіңдер:

Программа коды:

a=int (input () )

b=int (input () )

c=int (input () )

max=a

if max < b:

max=b

if max < c:

max=c

print (max)

І топ: Программада үш санның үлкенін табу үшін қандай алгоритмге сүйенеді?

ІІ топ: Программада қолданылған шарт тексеру операторының құрылымы қандай?

ІІІ топ: Программа кодын талдап, блок­схемасын құрастырыңдар.

Дескриптор:

• Программада үш санның үлкенін табу үшін, қандай алгоритмге сүйенетінін айтады.
• Программада қолданылған шарт тексеру операторының құрылымын түсіндіреді.
• Программа кодын талдап, блок­схемасын құрастырады.

Мақсаты: Жаңа сабақ бөліміндегі оқыған ақпараттарын топтық талқылау барысында тереңірек түсінеді.

Бағалау: Топтар бір-бірін «Отшашу» әдісі

арқылы бағалайды.

(Ж) Жинақтау

Шарт тексеру операторының қысқа және толық жазылу құрылымдарының біріне пайдалануға бағытталған тапсырма мәтінін құраңдар. Құрастырған тапсырмаларыңның шешу жолын көрсетіңдер.

Дескриптор:

- Шарт тексеру операторының қысқа және толық жазылу құрылымдарының біріне пайдалануға бағытталған тапсырма мәтінін құрайды.

- Құрастырған тапсырманың шешу жолын көрсетеді.

Бағалау: Жұптар бір-бірін

«Отшашу» әдісі арқылы бағалайды.

Дербес жұмыс

Шарт тексеру операторының программалаудағы маңызын бағала.

Дескриптор:

- Шарт тексеру операторларын біледі.

- Шарт тексеру операторларының программалаудағы маңызын бағалайды.

Бағалау: Оқушылар өзін-өзі «Отшашу» әдісі

арқылы бағалайды.

Сабақтың соңы

7 мин.

Рефлексия

• Алгоритмдердің түрлерін біледі.
• Шартты алгоритмдерге мысалдар келтіреді.
• Python программалау тілінде тармақталған алгоритмдерге мысалдар келтіреді.

Пәндік лексика мен терминология :

Егер → Если → If

Немесе → Или → Or

Енгізу → Ввод → Input

Диалогтер мен жазу үшін пайдалы сөз тіркестері:

• Алгоритмдердің қандай түрлерін білесің?
• Python программалау тілінде файл дегеніміз не? (компьютерде биттер тізбегі түрінде сақталған деректер жиынтығы)
• Python программалау тілінде файлды қалай ашуға болады?.
• Python программалау тілінде файлмен орындалатын кез келген амал неше кезеңге бөлінеді (3)
• Мәтін сақтау түрлерін ата? (Қарапайым және жалпыланған)