Деңгейі орташа оқушылар

5. Т5. Тірек сөздер, жетекші сұрақтар арқылы негізгі тақырыпты анықтау.

5. Ж4. Мәліметтерді жинақтай отырып, тақырып бойынша постер жасау.

Оқушылардың барлығы орындай алады:

Тірек сөздер, жетекші сұрақтар арқылы тақырыпты анықтай отыра, мұғалімнің көмегімен мәліметтерді жинақтап, постер құрайды.

Оқушылардың көпшілігі орындай алады:

Тірек сөздер, жетекші сұрақтар арқылы негізгі тақырыпты анықтайды. Қосымша мәліметтерді біріктіре отырып, постер құрап, қорғайды

Оқушылардың кейбірі орындай алады:

Қосымша ақпараттарды пайдалана отырып, судың пайдасын дәлелдейді.

Тірек сөздер, жетекші сұрақтар арқылы тақырыпты анықтайды

Постер құрап, қорғайды

Тілдік мақсаттар

Дағдыларды дамыту:

Тыңдалым, жазылым

Үштілділік:

Тіршілік - жизнь, life, тірі жан - живая душа, the living soul, жер шары - земной шар, earth globe, су - вода, water, ғалым - ученый, scientist.

Негізгі терминдер мен сөз тіркестері:

Литр, су, тіршілік, адам ағзасы, тірі жан

Талқылау сұрақтары:

Сусыз өмір сүре аламыз ба? Судың қандай пайдасы бар?

Мақсаты: бір - біріне деген жылы қарым қатынасты қалыптастрыу.

Ұйымдастыру кезеңі.

Психологиялық ахуал орнату. «Жылы жүрек - ізгілік тілегі» жүрекше.

Орындық арқасында әртүрлі түсті жүрекше стикерлер жабысып тұрады, сол стикерге тілек жазып, түстер бойынша топқа бөлінеді.

Тілектерді жазу барысында судың сылдырлаған дыбысын қосып қоямын.

Тыңдалым алды тапсырмасы:

Мақсаты: аудио дыбысты тыңдата отырып, сабақтың тақырыбын болжату.

Аудио дыбыс тыңдау. Судың сылдырлаған әуенін тыңдау. (https://muz. nur. kz)

«Миға шабуыл» әдісі

• Ненің дыбысын естідіңіздер?
• Көздеріңізге не елестейді?

Топтық жұмыс . Постер құрау.

Су және оның пайдасын тізбектей отырып, постер құраңыз.

мөлдір түссіз

ащы тұщы

өсімдіктер жануарлар ауызсу

көлік тазалық

Постердегі сөздерді пайдалана отырып, сөз тіркестері мен сөйлем құраңыз.

Тыңдалым кезеңіндегі тапсырма.

Мақсаты: жеке жұмыс жасай отырып, тиімді тыңдалымды іске асыру.

Сусыз өмір жоқ

Сусыз тіршілік жоқ, ол бүкіл тірі жан иесінің бойында бар. Тамақсыз бірнеше күн өмір сүруге болады, ал сусыз сонша уақыт өмір сүру мүмкін емес. Жер шарының ¾ бөлігін су алып жатыр. Ғалымдардың айтуынша, адам ағзасының 70 - 80 пайызы, ал өсімдіктердің 90 пайызы судан тұрады. Адам ағзасы бір тәулікте шамамен 1, 5 - 2 литр су жоғалтады. Сондықтан адам күніне 2 литр су ішіп отыруы қажет.

«СLIL» әдісі.

1. Мәтіннен таныс емес сөздердің астын сызыңыздар. Тақтаға орысша және ағылшынша аудармаларын шашыраңқы түрінде беремін. Аудармаларын сәйкестендіреді.

Тіршілік - жизнь, life, тірі жан - живая душа, the living soul, жер шары - земной шар, earth globe, су - вода, water, ғалым - ученый, scientist.

2. Жаңа сөздерді пайдалана отырып, 3 - 4 сөйлем құрастырыңыздар.

Жеке жұмыс:

3. Мәтінді тыңдай отыра, үлестірмедегі жетіспейтін ақпаратты толықтырыңыз.

Жер шарының . . . бөлігін алып жатыр. Адам ағзасының . . . пайызы судан тұрады. Адам ағзасы бір тәулікте шамамен . . . литр су жоғалтады. Сондықтан адам күніне . . . литр су ішіп отыруы қажет.

«Сандар сөйлейді» әдісі

Тыңдалым кейінгі тапсырма:

Мақсаты: мәтіннің мазмұнын түсінген түсінбегенін анықтау.

1. Мәтінді тыңдай отыра, ақпаратты толықтырыңыз. Сан есімдерге сұрақ қойыңыз.

Жұптық жұмыс.

2. Мәтіннен мына сөздерің синонимдерін табыңыз.

Тірлік, күн - көріс - . . .

Ғұмыр, дәурен - . . .

Мерзім, кезең - . . .

Кісі, пенде - . . .

«Галереяны шарлау» әдісі

1. Суретке қарай отырып, айтылған ойды негізгі ақпаратпен салыстырыңыз, постер құрап қорғаңыз.

Дүние жүзіндегі 1 млрд адам ішуге жарамды суға зәру. Жыл сайын 3 млрд - тан астам адам сапасыз судың кесірінен пайда болатын дерттерден зардап шегеді. Бүгінде су тапшылығы - тек орталық азиялық елдердің ғана емес, бүкіл әлемнің бас ауруына айналған мәселе. Ауыз су - кез - келген тірі жан үшін ең қымбат және қалпына келтіре алмайтын табиға қор. Бүгінде ауыз су тапшылығы Үндістан мен Африка көп елдеріндегі басты мәселелердің бірі.