Құстардың түрі мен ұшып келу реті

Сабақ тақырыбы: Құстар қайтып келедіСабақ мақсаты: *Оқушыларға жалпы құстардың пайдасы туралы көктемде құстардың оралуын олардың азайып кетуінен хабардар ету.* Құстарға қамқор болуға, құстарды аялауға ой - өрістерін, түсініктерін дамыту.*Оқушыларды Отанын жерін, орманын, көлін, табиғатты сүюге тәрбиелеу.Оқушылардың тіл байлығын, сөздік қорын молайту. Дамыта оқытуға негізделген шығармашылық қиялын жүйелеу, ойлау қабілеттерін дамыту.Сабақтың әдісі: Шығармашылық ізденіс, жатқа айту, сұрақ - жауап, пікірлесу, көркем сөз, топпен жұмыс.Көрнекілігі: Құстар суреті, құстар туралы мақал-мәтелдер, венн диаграммасы.Сабақтың барысы:1. Ұйымдастыру бөлімі.А) Психологиялық дайындық.Құстарды қорғап бағамыз,Көктемде ұя саламыз.Жыл құстарын қарсы алып,Үй құстарын бағамыз.Ә) Балалар, бүгінгі сынып сағатымыздың тақырыбы:Құстар қайтып келеді
Ой қозғау;- Балалар қандай құстарды білеміз?- Қазір қандай мезгіл?- Көктемде ең алғаш ұшып келетін қандай құс?2. Слайд. Суретпен жұмыс.- Балалар мына құстардың атын атайықшы: қараторғай, қарлығаш, бозторғай, шымшық, тырна, қаз, үйрек.- Балалар ұзақтан кейін қандай құстар ұшып келеді екен?3. Мағынаны ашу. Слайд.Құстардың түрі мен ұшып келу реті. Ұшып келетін уақыты. Мекен етуі.Ұзақтар: қараторғайлар, бозторғайлар, шымшықтар. Жер кеуіп, жәндіктер жандана бастағанда үй шатырларының астыңғы жағы мен бұрыннан қалған ұяларды иемденеді.Ал, тырналар, қаз, үйрек, шағалалар өзен мұздан арылғанда ұшып келеді. Бұрыннан қалған ұяларды иемденеді, биіктікке ұя салады.Қарлығаштар, теңбіл, торғайлар маса, шыбын шыққанда бұталар мен ағаш бұтақтарына, жағалаудағы тастар арасына және ағаш қуысына ұя салады.
Аяна:
Тоқылдақтар тоқылдапЕшбір тыным көрмейдіАғашты қанша тессе де,Жұмысы бір өнбейді.

Айжұлдыз:
Адамзаттың жақыныҚарлығаш та ақылдыКөгершін мен екеуіЖайлайды бір шатырды
Арман:
Үйге кірші торғайымМен аяздан қорғайын.Жем шашамын, жегейсіңҮйшік жасап берейін.

Нұрсезім:
Көкке бояп өңірді,Көктем келді көңілді.Бау - бақшада, орманда,Құстар әні көңілді.

Асылхан
Нан қоқымын шашпаңдар,Жерде жатса баспаңдар,Теріп алып, қастерлеп,Торғайларға тастаңдар.

Асыл:
Келіп көктем құстары,Бау - бақшада ән салды.Оларды жас достарыҰя жасап қарсы алды.

Алинұр:
Құс ұясын бұзбаңдар,Балапанын алмаңдар.Құстар біздің досымыз,Обалына қалмаңдар.

Дильназ:
Таспен атып торғайдыҰя бұзған оңбайдыҚұс өкпелеп кетедіБақшамызға қонбайды.

Дінислам:
Құстар, құстар келеді,Жерді шуға бөледі.Көктем келді деп бізге,Жақсы хабар береді.

4. Wor wall бағдарламасымен тапсырмалар орындайды.

5. Құстар туралы мақал - мәтелдер мазмұнын ашу.1. Аққуды атпа, досыңды сатпа.2. Құстың да қанаты талады.3. Үкіні көзі асырайды.4. Құстың мамығынан қорған үюге болады.6. Топпен жұмыс. Әр топ құстардың суретін салады және түсіндіріп береді.
7. Word wall тапсырма.
8. Жұмбақ шешу.1. Көлдің көркі, сәні екен,Ұшқанда сазды ән екен.Ақындар оны мақтаған,Адамдар қорғап сақтаған. ( Аққу )2. Орманда жоғары,Ағашқа қонады.Тұмсығын балта етіп,Тоқ - тоқ соғады. ( Толқылдақ )3. Мысық құлақты,бүркіт тұяқты. (үкі)4. Көктемде ұшып келеді,жаздай концерт береді. (бұлбұл)Қорытынды бөлім.<<Құс досымыз, қорғаймыз біз,Сүп - сүйкімді, сүйеміз торғайды біз.Ағаш ұя жасаймыз ақ көңілмен,Қанатты туысқанды, қолдаймыз біз>>.Шыр - шыр еткен торғайды,Қорғамасқа болмайды.Таспен атып торғайды,Ұя бұзған оңбайды.Қазақ халқы ертеден аң - құстарды киелі санаған. Сұлуды - аққуға, әншіні - бұлбұлға, ержігітті - қыранға, ез жігітті - жапалаққа теңесе, қарға баласын <<аппағым>> дер деген сөз де бекер айтылмаған.