Бала - болашақ

Соркөл орта мектебі

1 маусым балаларды қорғау күні
Оқушылардың сабақты аяқтауы

Тәрбие ісі жөніндегі орынбасары: А.Теміржанова

2022-2023 оқу жылы

Мақсаты: <<Балаларды қорғау күні>> туралы түсініктерін қалыптастыру . Балалардың өнерге деген қызығушылығын дамыту, әндерді нақышына келтіре айтуға үйрету. Бір- бірін сыйлауға, өзін жеке тұлға ретінде көрсете білуге тәрбиелеу

Фанфар қосылады.

Барысы:

Ашылуы: Қазақ биімен 7 сынып оқушылары ашады
Жүргізуші:

Мәңгі өзгермес бақыты, бақ қадірі
Секілді жұпар шашқан бақша гүлі
Адамзаттың сарқылмас сағынышы
Балалықтың бал дәурен патшалығы
-Армысыздар,ұрпағының бойына адалдық пен ізгіліктің дәнін егіп,ұлағат пен мейірімнің сазын құйған,қымбатты Ұстаздар және оқушылар!
Бала - болашақ. Қазақ халқы ұрпағының болашағы үшін ғасырлар бойы өмір сүріп келеді.
Жүргізуші:
Ендеше жыл сайын атап өтілетін 1 - маусым Халықаралық балаларды қорғау күніне арналған << >> атты кешімізге қош келдіңіздер!
Жүргізуші:
Баршамызды бала тілмен баурайтын,
Бала деген бір бақыт қой самғайтын
Ата - ананың арманы мен тілегін,
Бала емес пе бал бұлақтан жалғайтын
Сүйкімді періштелер сендерсің
Қандай бейне өздеріңе тең келсін!
Данышпан да, ғарышкер де, ғалым да,
Ең алдымен балалықты меңгерсін.

Бүгін 1 маусым балаларды қорғау күніне орай ұйымдастырылып отырған шарамызға мектебіміздің бітітруші түлектері де қатысып отыр.

Осы орайда мектебіміздің директоры Қойайдаров Сағындық мырзаға 1 маусым балаларды қорғау күнін құттықтау үшін сөз кезегі беріледі.

Жүргізуші:
Ұрпақты жалғастырар бала бағың
Күлкісімен келтірген өмір сәнін
Мерекеге арналған шуақ шашар
Бар өнерін көрсетсін балаларың,- дей келе 5 сынып оқушысы Досбаева Әсемді
<<Бақытты балалық шақ>> әнімен қарсы алыңыздар.

Жүргізуші:
Бүкіл әлемде 1 - ші маусым Балаларды қорғау күні ретінде аталып өтіп, ескі халықаралық мейрамдардың бірінен саналады. Оны өткізу жөнінде шешім 1949 жылдың қараша айында Халықаралық демократиялық әйелдер федерациясының арнайы сессиясында қабылданды.
Алғашқы халықаралық балаларды қорғау күні 1950 жылы өткізілді БҰҰ аталған бастаманы дер кезінде қолдап, балалардың өмірін, құқығын, денсаулығын қорғауды өз қызметінің басты бағыттарының біріне айналдырды.
Балаларды қорғау күні олардың өмірін соғыстан қорғау, денсаулығын сақтау, болашақ ұрпаққа демократиялық негізде білім мен тәрбие беру жөніндегі барша әлемдегі озық пікірлердің тоғысқан арнасы десек, артық айтқандық емес.
Дәл осы күні болашақта адамгершілікке, әділдікке, баянды өмірге толы қоғам құру үшін оның негізі - балаларға барлық жағдай жасау керектігі тағы да паш етіледі.
БҰҰ-ның жүргізген сауалнамасына жүгінсек, бүгінгі таңда әлемде әрбір оныншы бала үлкендер тарапынан жасалатын зорлық пен зомбылыққа ұшырайды екен.

Әлемде өмірі қатерге толы балалар да баршылық. Аш-жалаңаштық, соғыс өрті, терактілер балалар ғана емес, үлкендердің де психикасына кері әсерін тигізеді. Бұл- қорғансыз балалардың басына түскен үлкен ауыртпалық екендігі шындық.
Жасөспірімдер арасында нашақорлар саны өсуде, олардың жартысынан астамы ішімдік ішуден де кет әрі емес.
Осылайша, Балаларды қорғау күні мереке ғана емес, сонымен қатар, болашаққа бағдар жасайтын маңызды шараның бірі. Адамзаттың алдында тұрған зор міндет - болашақ ұрпақтың бақытты өмірін қалыптастыру.

Ән: Мектебім
Жүргізуші.
1 - бала : Мен бақытты баламын
2 - бала : Мен Отанды қорғаймын
3 - бала : Мен елімнің ертеңімін
4 - бала: Мен болашаққа сенемін.
5 - бала: Жаса, жаса егеменді еліміз!
6-бала: Бізге бақытты балалық шақ сыйлағандарыңыз үшін!
1 сынып оқушыларының сөзі
Жүргізуші:
Балаларды қорғау күнінің атап өтілуі - олардың құқықтары қазіргі қоғамда қалай қорғалып жатқандығына назар аударудың басты себептерінің бірі болып табылады. Бұл дүниежүзіндегі балалардың өзекті мәселелерін шешуге арналған мүмкіндік болып саналады. Ал балалар үшін отбасымен қарсы алатын естен кетпес естеліктерге толы мереке болып есте қалмақ. Мерекеміздің үлкен қуанышы, сабақтарын аяқтағалы отырған бітіруші түлектерімізге де кезек келген сияқты. Олай болса кезегімізді 11 сынып оқушыларына беріледі.
11 сынып оқушылары сіздерге сөз кезегі беріледі.
(11 сынып оқушылары өздерінің ақ тілектерін айтады.)
Жүргізуші:
Құрметті Оқушылар Сіздерді бүгінгі 1 - маусым балаларды қорғау күнімен құттықтаймын! Еліміздегі жас өскелең ұрпақ аман болсын! Жұртымыз, еліміз тыныш, деніміз сау, басымыз аман, жұмысымыз жемісті болсын!
Жас ұрпақ, жас буын, жасөспіріпдеріміз аман болсын. Елдің ертеңі болар сол жастарымыз бен балаларымыз! Сондықтан тағы да мереке құтты болсын!

1 маусым Балаларымызды қорғау күні күніне орай мерекелік шарамызды қабыл алыңыздар!