Сөйлемдегі сөздердің байланысы. Сабақтың тақырыбы

2. 1. 2. 1 - мәтіннің тақырыбы мен тірек сөздердің негізінде мәтіннің мазмұнын болжау

2. 2. 3. 1 - мәтін мазмұнын анықтауға бағытталған сұрақтар құрастыру және жауап беру

2. 4. 2. 6 - сөйлемдегі бір-бірімен байланысып тұрған сөздерді табу

Оқушылар мәтіннің тақырыбы мен тірек сөздердің көмегімен мәтіннің мазмұнын болжайды, мәтін мазмұны бойынша сұрақтар құрастырады, жауап береді.

Сөйлемдегі сөздердің байланысын сұрақ, сызба арқылы көрсетеді.

ЕБҚ: Суреттер арқылы мәтіннің тақырыбын табады. Мәтіннің ішіндегі кейіпкерлерді атайды. Мұғалімнің көмегімен сөйлем құрастырады.

Мәтін тақырыбы мен мазмұнын тірек сөздер арқылы болжай алады;

Мәтін мазмұны бойынша сұрақтарға жауап бере алады;

Сызба арқылы сөйлемдегі сөздердің байланысын түсіндіре алады.

(Ұ) Амандасу. Психологиялық ахуал туғызу.

«Қайырлы таң» жаттығуын жасау.

Мақсаты: Оқушылардың көңілін сабаққа аудару.

1-тапсырма.

(Ұ) Өткен сабақты еске түсіру.

«Маймылды тамақтандыру» әдісін қолдану.

Бананда жазылған ашық сұрақтарға жауап беру арқылы маймылды тамақтандырамыз.

- Сөйлемдегі сөздердің байланысын не арқылы білеміз?

- Лепті сөйлем дегеніміз не?

- Жауап алу мақсатында қойылған сөйлем қалай аталады?

- Хабарлы сөйлемнің соңында не қойылады?

ЕБҚ тапсырма: «Адасқан сөздер» әдісі бойынша карточкада берілген сөздерден сөйлем құрастырады.

1. Күн, ма, жылыды.

(Күн жылыды ма?)

2. Демалыс, ертең, алақай. (Алақай, ертең демалыс!)
3. Сыныпқа, мұғалім, кірді. (Мұғалім сыныпқа кірді. )

Мақсаты: Өткен сабақта алған ақпаратты еске түсіріп, ойын дәлелдей алады.

Сабақтың мақсатымен танысу.

Балалар бүгінгі сабақта мәтіннің тақырыбы мен тірек сөздер арқылы мәтіннің мазмұнын болжауды, мәтін мазмұны бойынша сұрақтар құрастырып, жауап беруге, сөйлемдегі сөздердің байланысын сызба арқылы табуға үйренеміз.

Оқушыларды фигура пішіндеріне қарай топқа бөлу.

Топ ережесін еске түсіру.

Музыкаға қосылып жаттығу жасайды.

Оқушылар кезектесіп банан артындағы тапсырмаға жауап береді.

Сөздерді орнына қойып, сөйлем құрастырады.

Сабаққа қойылған мақсаттарды қарастырып,

танысып шығады.

https://www. youtube. com/watch?v=Mj522ajANxs

Маймыл суреті бейнеленген қорапша мен банан суреттерінде жасырынған сұрақтар.

Сөздер жазылған карточкалар.

Интерактивті тақта.

2-тапсырма. Оқылым кезеңіне дайындық.

(Т) «Болжау стратегиясы» бойынша «Құс дәнді қалай бөлді?» мәтінін суреттердің көмегімен болжау.

ЕБҚ: Сәйкестендіру әдісі.

Суретпен кейіпкерді тиісті атауымен сәйкестендір.

Мақсаты: Мәтіннің мазмұнын болжайды.

3-тапсырма. Оқылым кезеңі.

(Ұ) Инсерт әдісі бойынша мәтінді оқу. Негізгі ойды түртіп алу арқылы анықта.

4-тапсырма. Оқылымнан кейінгі кезең.

(Т) «Стикердегі диалог» әдісі.

Оқушыларға түрлі-түсті стикер беру, оқушылар топта төрт сұрақ құрады.

Сұрақтарды топтан топқа береді. 3/4/5 адамнан тұратын топтар стикердегі сұрақтарға жауап береді, өз ойларын талқылап, стикерге жазады.

ЕБҚ: Мәтін мазмұны бойынша мұғалімнің көмегімен сөйлем құра.

Мақсаты: Сұрақтар құрастырып, өздері жауап береді. Негізгі ойды анықтайды.

Мәтіннің мазмұнын сурет арқылы болжайды.

Суретте берілген кейіпкерлерді атауымен сәйкестендіреді.

Мәтінді тізбектеп оқиды.

Сұрақ құрып, жауап береді.

Сөйлем құрастырады.

Дескриптор:

-Мәтінді оқиды.

-Мәтінде су туралы айтылғанын табады.

-Дәннің өсуіне судың қатысы барын айтады.

-Су- тіршілік көзі деген қорытынды жасайды.

«Шапалақ» әдісін пайдалану

Суреттер тізбегі.

Оқулық.

Түрлі-түсті стикерлер

5-тапсырма. Жазылым.

«Кинометафора» әдісі арқылы су туралы бейнежазба тамашалау.

Кейін 3-4 сөйлемнен тұратын мәтін құрастырып, жаз. Сөйлемдегі сөздердін байланысын сызба арқылы көрсет.

1-топ: «Судың адам үшін пайдасы»

2-топ: «Суды қалай үнемдейміз?»

ЕБҚ: «Сулы жер - нулы жер» сөйлеміндегі сөздердің байланысын мұғалімнің көмегімен көрсет.

Мақсаты: Бір-бірімен байланысып тұрған сөздерді сызба арқылы көрсетеді.

Бейнежазба көреді. Топта шағын мәтін құрастырады. Сөздердің байланысын сызбамен көрсетеді.