Балаларды ауылдағы адамдардың еңбегімен таныстыру, ауылдағы басты еңбек түрін ажырата білуге үйрету

Ұйымдастырылған оқу қызыметінің технологиялық картасы
Білім беру саласы: Әлеумет
Бөлімі: <<Қоршаған ортамен таныстыру>>,
Тақырыбы: <<Ауылдағы адам еңбегі>>, <<Кішкентай бағбан>>.
Мақсаты:
Білімділігі: Балаларды ауылдағы адамдардың еңбегімен таныстыру, ауылдағы басты еңбек түрін ажырата білуге үйрету.
Дамытушылық: Жыл мезгілдеріне қарай еңбек түрлері және қолданылатын техника құралдары жайлы білімдерін дамыту. Әңгіме желісін көрініс арқылы көрсету.
Тәрбиелік: Әңгіме арқылы ойын, қиялын дамыту, өз ойын қиялымен ұштастыра айтуға баулу. Табиғатты сүюге тәрбиелеу.
Көрнекіліктер: слайд, мазмұнды суреттер.
Сөздік жұмыс: егінші, бағбаншы.
Әдіс-тәсілдері: түсіндіру, көрсету, сұрақ-жауап.
Билингвальды компонент: шопан - чабан, бағбан −садовник, еңбек - труд.
Біз қандаймыз, қандаймыз,
Шұғылалы таңдаймыз.
Күлімдеген күндейміз,
Ренжісуді білмейміз,
Қуанамын мен де,
Қуанасын сен де
Қуанайық, достарым
Арайлап атқан күнге!

−Балалар, қазір жылдың қай мезгілі?
−Қазір жылдың көктем мезгілі.
−Көктем мезгілінде неше ай бар?
−Көктем мезгілінде үш ай бар.
−Үш айды кім атап береді?
−Наурыз, Сәуір, Мамыр.
−Көктем мезгілінде табиғатта қандай өзгерістер болады?
− Қар еріп, күн жылына бастайды, ағаштардан бүршік атады,
жаңбыр жауады, жел соғады, құстар жылы жақтан ұшып келеді
−Жарайсыңдар, балалар көктем мезгілі туралы тақпақ білесіңдер ме?
Кім айтады?
Балалар мені мұқият тыңдаңдар.
Мен сендерге мақал-мәтел айтамын, ал сендер не жайында екенін айтасыңдар:

Еңбек етсең ерінбей,
Тояды қарның тіленбей.
−Мақалдың мағынасы не жайында айтылған балалар,
кім айтады?
−Еңбек жайлы.

−Дұрыс айтасыңдар, еңбек жайында айтылған .
Еңбек еткен адамның ырысы мол болады, еңбек еткеннің
арқасында тамағымыз тоқ болады. Еңбектің түрлері көп.
−Біздің бүгінгі сабағымыз ауылдағы адам еңбегі туралы болмақ.
−Сендер ауылды білесіңдер ма?
−Ия, білеміз.
−Ендеше балалар сендерге ауыл еңбегі жайлы таныстырайын.
Слайд.
−Шопан - қой бағады.
−Егінші - егін егеді.
−Бағбаншы - ағаш отырғызып, оларды күтіп, баптайды.

Үйге тапсырма: Мақал мәтел жаттау

1 Еңбек етпесең елге өкпелеме,
Егін екпесең жерге өкпелеме.

2 Еңбек түбі - береке,
Көптің түбі - мереке.

Билингвальды компонент:
Шопан - чабан, бағбан −садовник, еңбек - труд.
Балалар қайталайды.
Дидактикалық ойын: <<>>
Мақсаты: Жемістер мен көкөністердің дәмдерін, пішіндерін, түстерін жырата білуге, еңбек сүйгіштікке тәрбиелеу.

Қорытындылау:
−Балалар бүгін біз не жайлы білдік?
−Шопан деп кімді айтамыз?
−Бағбаншы деген кім?
−Бүгін балалар, мен сендерге риза болып отырмын. Рахмет сендерге.
Оқу іс-әрекетіне жақсы қатысып отырдыңдар

Күтілетін нәтиже:
Орындайды: Ауыл еңбегі туралы жалпы білім алады.
Түсінеді: Жыл мезгілдеріне сәйкес еңбек түрлерін; егінші, шопан,мақташы сияқты еңбек адамдарының еңбегі туралы білімді.

Қолданады: Ауыл адамдарының еңбегін бағалауды үйренеді.

Жұмбақтар.
Ү әрпінен келеді, Үйде көмек береді
Киімің болса қыртысты, Бұл құрал түзеп жүреді. (үтік)

Атауы << Е>> ден келеді,күн суыкта киемін.
Тоңбайды сонда аяғым,Жып жылы болып журеді. (етік)

Бұл төсектің жабдығы,Өзі сондай жұп жұмсақ.
Атауы <<Ж>> дан келеді, Керек жатып ұйықтасақ.
(жастық)
Ертегіде танысқан,Аузы мұрнынан от шашқан
Қорқынышты кейіпкер, Атында <<Һ>> әрпі бар. (айдаһар)

Жасыл сопақ көкөніс,бақшадан оны көреміз
<<Я>>әрпі барішінде, Таптың ба бұл сөзді де? (қияр)

Қыс қызығы бітпейді, Сырғанаймыз онымен.
<<Ң>> әрпі бар ішінде,Спорт құралын білдің бе? (шаңғы)

Ас атасы не екен, кім біледі, балалар?
Ұннан оны жасаймыз, <<Н>> әрпінен атаймыз (нан)

Пырылдағыш жануар, жұмсақ оның жүні бар.
<<М>> дан келер атауы, тышқандардың қас жауы. (мысық)

Баяу оның жүрісі, тасы бар және үстінде.
<<Т>> деген оның бас әрпі, қай жануар, кім тапты? (тапбақа)
<<І>> әрпінен келеді, оған кім киім іледі
(ілгіш)

Оқушының құралы, дөңгелетіп сызады.
Шеңбер сызу шебері, <<Ц>> әрпінен келеді.

(циркуль)

Үйде киіп жүреді, ыңғайлы киім деп анам.
<<Х>> әрпінен келеді, көйлекке ол ұқсаған.

(халат)

Қыздар оны киеді, әдемі боп жүреді.
Бұл киімнің атауы <<К>> нен келеді.

(көйлек)

Ғарышқа ол ұшады, жаңа әлем ашады.
Бұл мамандық атауы <<Ғ>> дан бастау алады.
(ғарышкер)

Көтеріп өзі, түсіреді, бір қабаттан басқаға. Дүкендегі баспалдақ, <<Э>> әрпінен басталады!
(эсколатор)

Атауы <<Ы>> дан басталған, ішіне ас салынған

(ыдыс)

Ойнап, оны тебеміз, ойнап, оны қуамыз.
<<Д>> әрпінен келетін ойыншықты табамыз!

(доп)

Шақырады таң ата, айдары бар басында. <<Ә>> әрпінен басталады, үй құсы болып табылады

(әтеш)

Зымырайды ғарышқа, Ғаламшарлар алыс па?
<<З>> әрпінен келетін, көлік түрі таныс па?
(зымыран)

Көлікке ол жатады, аспанға самғап ұшады.
<<Ұ>> әрпінен басталады, бұл қай көлік, кім табады?
(ұшақ)

Әр үйде ол болады, тігеміз бұл құралмен.
<<И>> әрпі келер басында
Тауып көрші анаңмен

(ине)