Қуаттың формуласы. Сабақ барысы

Пән: Физика

Ұзақ мерзімді жоспар бөлімі:

7. 3 В Жұмыс және қуат

Қатысқандар саны: 11

Қатыспағандар саны: 1

7. 2. 3. 1 механикалық жұмыс ұғымының физикалық мағынасын түсіндіру;

7. 2. 3. 7 қуат ұғымының физикалық мағынасын түсіндіру;

7. 2. 3. 8 механикалық жұмыс пен қуаттың формулаларын есептер шығаруда қолдану.

• механикалық жұмыс ұғымының физикалық мағынасын түсіндіру;
• қуат ұғымының физикалық мағынасын түсіндіру;
• механикалық жұмыс пен қуаттың формулаларын есептер шығаруда қолдану.

• Есептерді шешуде қуат және жұмыс формулаларын қолданады;
• Қуатты анықтау үшін жылдамдық пен күшті байланыстыратын формуланы қолданады.

Пәнге тән лексика мен терминология: орындалған жұмыс, механикалық жұмыс, күш, уақыт, механикалық қуат, жұмыстың орындалу шапшаңдығы, МВт, кДж

Диалог үшін пайдалы баянды сөйлемдер:

Механикалық жұмыс орындалу үшін мына екі шарт орындалу қажет…. Қуаттың өлшем бірлігі….

Жұмыстың өлшем бірлігі . . .

Ұйымдастыру кезеңі. Сәлемдесу. Оқушыларды түгендеу.

Шаттық шеңбері арқылы жылы лебіздерін білдіреді.

Ассосация: Оқушыларға презентациядан суреттер көрсетіледі. Суреттерге қарап, оларды не байланыстыратынын анықтау қажет.

Оқушыларға сабақ тақырыбын, оқу мақсаттары мен бағалау критерийлері таныстырылады.

Жаңа сабақты түсіндіру.

Денеге түсірілген күш нәтижесінде, дене өзінің орнын өзгертсе, осы дене механикалық жұмыс жасайды.

• Механикалық жұмысдеп денеге әрекет ететін күштің осы күш нәтижесінде ауыстырған орнына көбейтіндісін сипаттайтын скаляр шаманы айтамыз.

$$\mathbf{A = F \bullet s}$$

А - механикалық жұмыс

F - денеге түсірілген күш

s - орын ауыстыру

ХБЖ-дегі жұмыстың өлшем бірлігі 1 Н күш әрекеті нәтижесінде 1 м-ге орын ауыстырған дененің атқарған жұмысы 1 Дж (джоуль) -ге тең.

Механикалық жұмыс жасаудың шарттары

1. Денеге белгілі бір күш әрекет етуі қажет;
2. Осы күш әрекетінен дене орнын ауыстыруы қажет;
3. Түсірілген күш бағыты, қозғалыс бағытына .

Егер аталған шарттардың кез келген біреуі орындалмаса, механикалық жұмыс нөлге тең болады!

Түрліше двигетельдердегі бір жұмыстың өзін істеп шығу үшін әртүрлі уақыт керек. Мысалы, көтергіш кран құрылыста бірнеше минут ішінде үйдің жоғары қабаттарына жүздеген кірпіш шығарады. Егер осы кірпіштерді жұмысшы арқалап тасыған болса, онда оған бірнеше сағат кеткен болар еді. Бұдан жұмыстың орындыалу жылдамдығын сипаттайтын физикалық ұғымды енгізу қажеттігі туындайды.

Жұмыстың орындалу жылдамдығын сипаттайтын шама қуат деп аталады.

$$N = \frac{A}{t}$$

N - қуат, [Вт] - Ватт

Проблемалық жағдаяттар:

• Пианиноны орнынан қозғалту мақсатында, біз оған күш түсіре отырып итердік, бірақ ол орнын өзгерткен жоқ. Осы жағдайда жұмыс жасалады ма?(жоқ, себебі орын ауыстыру жоқ)
• Ракеткамен соқтығысқаннан кейін теннис добы ұшты. Ұшу кезінде доп механикалық жұмыс жасайды ма?(жоқ, себебі доп инерция әрекетінен қозғалды)
• Қай жағдайда механикалық жұмыс атқарылады?(Тек 3 жағдайда)

Жұптық жұмыс:

Семантикалық карта

«Көршіңді тексер» әдісі

Жұптардың өзара бағалауы

Есептер шығару.

1. "Волга"автомобилі 2 сағатта 110 кДж жұмыс атқарса, оның қуаты неге тең?

2. Сорғы 5 секундта көлемі 4, 5 м ³ суды 5 м биіктікке көтереді. Судың тығыздығы 1000 кг/м ³ . Сорғының суды көтеруге жұмсалған жұмысты және қуатын анықтаңыз.

3. Қуаты 600 Ватт локомотив бірқалыпты қозғалып, 400 м аралықты 30 с-та жүріп өтеді. Локомотивтің жылдамдығын есептеңіз.

Локомотивтің тарту күшін анықтаңыз.

4. Көлемі 0, 5м ³ гранит тасын 20м биіктікке бірқалыпты көтергеде істелінетін жұмысты есептеңдер. Граниттің тығыздығы 2500кг/м ³ .

Физикалық диктант.

1. Күш әрекетінен дене орын ауыстырғанда атқарылған жұмыс деп айтамыз.

2. Дененің қозғалу бағытында әрекет ететін күштің механикалық жұмысы , тура пропорционал. А=.

3. Жұмыстың өлшем бірлігі .

4. Жұмыстың орындалу шапшаңдығын сипаттайтын шама деп аталады.

5. Қуаттың формуласы .

6. Қуаттың өлшем бірлігі . 1кВт=. 1мВт=. 1мкВт=.

Мұғалім оқушыларға кері байланыс береді.

Сабақ мақсаты бойынша рефлексия жүргізеді.

«Бас бармақ» әдісі бойынша сабаққа кері байланыс