Оқушының әрекеті. Оқушылардың назарын сабаққа аудару

8. 1. 4. 1 көркем шығармалардан алған үзінділерді өз көзқарасын дәлелдеу үшін орынды қолдану;

8. 3. 2. 1 шығармадағы материалдық және рухани құндылықтарды заманауи тұрғыда салыстырып, жаңашылдығына баға беру;

Өзіндік ой-пікірін дәлелдеу үшін драма мәтінінен алынған үзінділерді тиімді қолдануға дағдыландыру;

Шығарма мазмұнындағы құндылықтардың заманауилығы мен жаңашылдығын бағалау.

• көркем шығармалардан алынған үзінділерді өз көзқарасын дәлелдеу үшін орынды қолдана алады.
• шығармадағы материалдық және рухани құндылықтарды заманауи тұрғыда салыстырады;

жаңашылдығына баға береді.

• Қолдану, бағалау

Оқушылар: үзінділермен жұмыс жасау, оларды өз мақсатына сай пайдалану жолдарын меңгереді, шығармадағы құндылықтардың маңыздылығын бүгінгі күнмен салыстырып бағалауды үйренеді.

Пән ерекшелігіне сай лексика мен терминология: акт, тартыс, қойылым, катарсис (күнәсінен арылу), қақтығыс, шиеленіс, тартыс, комментарий т. б.

Диалог пен жазылым үшін қажетті тіркестер: менің ойымша, драмалық шығарма үзіндісіне сай . . . , мен . . . ойлаймын т. б.

Өзін-өзі тану пәнімен байланыс. Тұлғаның жеке дара ерекшеліктері.

Құқықтану пәнімен байланыс. Адамның жеке бас бостандығы, өмірі және ұждан бостандығы.

І. Ұйымдастыру кезеңі. Оқушылардың назарын сабаққа аудару.

Оқушыларға жағымды психологиялық ахуал туғызу.

ІІ. Қызығушылықты ояту. Өткен тақырыпты қайталап, еске түсіру мақсатында «жуан/жіңішке» сұрақтарға жауап береді.

2. Сабақ тақырыбы мен мақсаты, бағалау критерийі таныстырылады.

ІІІ. Мағынаны тану. Тапсырма.

Драмадағы басты оқиғаларға назар аудара отырып оқушылар «Үзінділер мен комментарийлер» кестесімен жұмыс жасайды.

Белгіленген уақыт аяқталған соң, топ спикері оқиға желісіне сай таңдалған үзінділер мен оларға берілген комментарийлерді таныстырады.

Қабілеті жоғары оқушылар драма үзінділері бойынша талдауға негізделген комментарийлер ұсынса, қабілеті төмендеу оқушылар басты оқиғаларға қатысты үзінділерді түсінеді.

Дескриптор

• драма мәтініне тағы бір шолу жасайды;
• ондағы басты оқиғаларды анықтайды;
• үзінділерді іріктейді;
• үзіндіге сай комментарий жасайды.

ҚБ

Тапсырма. «Талқылау сатылары» әдісі

Оқушылар екі топқа бөлініп, бір-біріне қарама-қарсы, сосын бұрылып арқаларын беріп отырады. Топқа берілетін сұрақ:

«Әпке» драмасындағы кейіпкердің жалғыз қалмауына мүмкіндігі бар ма еді?

Оқушылардың ойлануына уақыт бөлінеді, олар айтылған тұжырыммен келісетін/келіспейтінін және оның себебін көрсетуі керек. Содан кейін оқушылар бұрылып бір-біріне қарап отырады. Осыдан кейін әр бағыттың жауабын жоққа шығару мақсатында талқылау/дебат ұйымдастыруға болады. Бірінші талқылаудан кейін оқушыларға 5 секунд беріп, пікірін, көзқарасын өзгерткен оқушы болса, өз шешімін түсіндіруі сұралады.

Қабілеті жоғары оқушылар сұраққа жан-жақты, шығарма мәтінін өмірмен байланыстыра отырып жауап бере алады, ал қабілеті төмендеу оқушылар кейіпкер сөзіне ғана сүйенуі мүмкін.

Дескриптор

• драмадағы көтерілген мәселелерге қатысты сұрақтарға жауап береді;
• келісу-келіспеу позициясын айқындайды;
• оның себебін түсіндіреді;
• пікірін өзгерту мүмкіндігі.

ҚБ