Негізгі кейіпкер

8. 1. 1. 1 әдеби шығарманың жанрына байланысты сюжеттік желілерін, эпилог, прологтарды анықтау;

8. 2. 2. 1 автор бейнесі мен кейіпкерлер қарым-қатынасының тілдік көрінісін талдау;

І. Ұйымдастыру кезеңі

• Оқушылар назарын сабаққа аудару
• Сабақтың тақырыбы мен мақсатын таныстыру.

Топқа бөлу. Бауырларына байланысты 4 топқа бөліну (Ағасы, інісі, әпкесі, сіңлі-қарындасы барлар)

ІІ. Қызығушылықты ояту

Бауыр дегеніміз кім?

Оқушылар сұраққа жауап беріп, өз ойларын ортаға салады.

1-тапсырма. «Тұлғаны таны» әдісі. Оқушылар хронологиялық кесте құрады және автордың қасиеттерін топтастырады.

Дулат Исабеков (20. 12. 1942 ж., "Ленин жолы" ауылы, Арыс ауданы, Оңтүстік Қазақстан облысы - жазушы, драматург, ҚазҰУ-ды бітірген (1966) . 1967- 68 ж. ҚР Телевизия және радио хабарларын тарату жөніндегі мемлекеттік газетте аға редактор, 1968 - 70 ж. Қазақ Совет энциклопедиясы бас редакциясында аға ғылыми редактор, 1971-76 ж. «Жұлдыз» журналында бөлім меңгерушісі, 1976 - 80 ж. «Жалын» баспасында редакция меңгерушісі, 1980- 88 ж. ҚР Мәдениет министірлігінің репертуарлық-редакциялық коллегияның бас редакторы, 1988 - 92 ж. Қазақ теледидарының бас редакторы, «Жазушы» баспасының директоры, 1992 - 95 ж. Қазақстан Жазушылар одағының хатшысы қызметтерін атқарған. 1998 жылдан ҚР Мәдениеттану және өнертану ғылыми- зерттеу инситиутының директоры. Алғашқы әңгімесі «Замандастар» жинағында жарияланған (1963) . «Бекет» (1966), «Ащы бал» (1969), «Мазасыз күндер» (1970), «Қара шаңырақ» (1973), «Тіршілік» (1975) повестер мен әңгімелер жинақтары, «Қырғын» (1980) романы, «Екі жиырма» таңдамалы повестері (1983), «Жеті желкен» пьесалар жинағы (1987) жарық көрген. Бірқатар шығармалары орыс тіліне аударылып, «Полынь» (1978), «Отчий дом» (1979), «Смятение» (1986), «Новоселье в старом доме» (1986) деген атпен басылып шықты. Исабековтің «Ректордың қабылдау күндері» (1975), «Әпке» (1977), «Ертеңгі күту» (1979), «Мұрагерлер» (1982), «Алыстан келген ананас» (1984), «Кішкентай ауыл» (1986), «Анасын аңсаған қыз», «Ескерткіш операциясы», «Ескі үйдегі екі кездесу», т. б. пьесалары республикалық облысытық театр сахналарында қойылған. Жекелеген туындылары венгр, неміс, поляк, чех тілдерінде жарық көрген. «Гауһар тас» (реж. Ш. Бейсембаев, 1975), «Дермене» (реж. А. Әшімов, 1986), «Тауқымет» (реж. Ү. Қолдауова) туындылары бойынша көркем фильмдер түсірілген. ҚР мемлекеттік сыйлығының (1992), Халықаралық ПЕН клубы сыйлығының (1996) лауреаты. «Құрмет» орденімен марапатталған.

• Шығарма неліктен «Әпке»деп аталған? Өз ойларын ортаға салады.

Сабақтың тақырыбы мен мақсатын анықтау.

ІІ. Мағынаны тану. «ПАЗЛ» әдісімен шығарма мазмұнын меңгереді.

Тапсырма №1 Кейіпкер портреті

Оқушылар оқулықты пайдалана отырып кейіпкерлерге портреттік мінездеме береді.

Дескриптор:

• Негізгі кейіпкер мен жанама кейіпкерді ажырата алады.
• Кейіпкерлерге мінездеме бере алады.
• Мінездеме жазуда 2 эпитет, 3 теңеу қолданады.

ҚБ

Тапсырма №2

Т. «FILA толтыру» әдісі көркем шығармадағы кейіпкердің образдық тұлғасын ашуға бағытталады.

F /Дерек/ - шығармаданкейіпкер бейнесін ашатын деректер жинау

I /Идеясы /- кейіпкер туралы өзінің ой, пікірі, шығарманың идеяы.

L /Сұрақ/- кейіпкердің образдық тұлғасын ашатын сұрақтар

A /Іс-әрекет/- автордың кейіпкерді суреттеудегі қолданған тәсілі .

Дескриптор:

• Шығарма бойынша деректер жинайды;
• Шығарма идеясын ашады;
• Сұрақтар құрастырады;
• Кейіпкерлердің іс-әрекетін талдайды.

ҚБ