Авторы қазақ тілі мұғалімі

Алматы қаласының Халықаралық мектебі
Қазақ тілі мен әдебиеті кафедрасы

ЭССЕ

<<Цифрлық кеңістіктегі заманауи педагог: жаңа мүмкіндіктер>>

Авторы
қазақ тілі мұғалімі
Жанабилова Алма Галимжановна

330 сөз

<<Цифрлық кеңістіктегі заманауи педагог: жаңа мүмкіндіктер>>

<<Заманына қарай адамы>> демекші, ақпараттық технологияның арқасында заман ағымы жыл сайын емес, минут сайын өзгеріп келеді.
Бүгінгі таңда білім беру жүйесінде компьютерлер қосымша оқыту құралы ретінде емес, оның тиімділігін айтарлықтай арттыруға арналған тұтас білім беру үрдісінің құрамдас бөлігі ретінде қарастырылады.
Тәуелсіз Қазақстанымыз күннен-күнге көркейіп, өміріміздің әр саласы өзгеріске еніп, елімізде оқу кабинеттерін компьютерлік техникамен қамтамасыз ететін мектептер көбейіп жатыр. Алматы қаласынының Халықаралық мектебінде бастауыш буынға қазақ тілі пәнінен білім бере жүріп, алдымда отырған әр балаға қазақ тілін тиісті деңгейде меңгерту үшін ақпараттық технологияның мүмкіндіктеріне жүгінген мен, қазіргі кезде компьютерлік технологияны қолдану тәжірибеммен бөлісетін дәрежеге жеттім. Бастауыш сыныптарға тілді меңгерту үшін-сабақты оқытудың негізгі форматы презентация деп таңдадым. Әр сабаққа көрнекі құралдарды қолданатын Power Point форматында сабақ жоспарын алдын-ала дайындап, мектеп оқушыларының жас ерекшеліктерін ескере отырып, жаңа сөздерді меңгертуде көрнекіліктерді белсенді қолданамын. Жаңа сөздерді айқындап, анық көрсететін суреттер арқылы балалар сабақтың тақырыбы мен жаңа сөздерді анықтайды. Бұл әдіс бастауыш сынып оқушыларының қиялын ұшқырлап, зияткерлігін шыңдап, зейіндерін белсендіреді, олардың ақыл-ой қабілеттерін көрсетуге мүмкіндік береді.
Сабақ барысында үнемі бейне материалдарды пайдаланамын. Бұл өз кезегінде сабақтардың тақырыбы бойынша ертегілер, әндер немесе фильмнің үзіндісі болуы мүмкін.
Оқушылардың ой-өрістерін дамытатын ойын ресурстары да оқушылар арасында өте танымал қосымшаларға жатады. Өнімді ресурстардың бірі ретінде
өткен тақырыптар бойынша өз ойын қорытындылауға негізделген деректерді жасауға мүмкіндік беретін wordwall ресурсын еске алғым келіп отыр.
Бір материалды әр түрлі форматта және әр түрлі түстерде пайдалануға, оқушылардың еске сақтау қабілеттерін ұштауға көмек береді.
Жаңа мемлекеттік білім беру стандарттары белгілі бір құзыреттіліктер мен әмбебап оқу іс-әрекетін қалыптастыруға бағытталған соңғы педагогикалық технологияларды қолдану негізінде оқушыларды оқытуда жүйелік-белсенділік тәсілін енгізуге мүмкіндік береді.
Білім беру саласында ұстаз заман ағымына ілесіп, жаңаны меңгеруден қорықпай, шәкірттеріне заманауи әрі қызықты әдістерді қолданған жөн деп сенемін. Тәуелсіздігімді терең бағалайтын, келешегімізді кемелдендіру жолынды саналы ғұмырыны сарп етіп жүрген әрбір әріптесім де заманымыз міндет еткен замануи қосымшаларды игеріп, өзгелерді де игертсе деген үмітім зор.