Оқушылардың ықтимал жауаптары

Қазақстан азаматтық қарсыластық жылдарында (1917-1920 жылдар)

Зерттеу сұрағы: Қазан революциясының ұрандары халық арасында қандай үміт тудырды?

• Қазан төңкерісінің орнауына қатысты Қазақстандағы оқиғаларды біледі және өткен кезеңмен салыстыра отырып өзгерістер мәнін анықтайды.
• Тарихи дереккөздердің объективтілік деңгейін бағалайды.
• Қазақстандағы қоғамдық-саяси үдерістерді біледі.

БЫМ. Слайдтағы суреттер туралы оқушылардың не білетіндігі жайлы сұрау, қайдан көруі мүмкін екендігін анықтау.

Оқушылардың ықтимал жауаптары:

Қызыл ту, жалау, орақ пен балға, қызыл жұлдыз кеңестік кезеңнің символдары болып табылады. Кеңестік заманда осы символдар аса танымал, көпшілік жерлерде ілінетін, қолданылатын.

Орақ пен балға символы туралы қосымша оқушыларға айтып кетуге болады:оның авторы Е. И. Камзолкин болып табылады, жұмысшылар мен шаруалардың бірлігін білдіреді, оны алғаш рет 1918 жылы шілде айында пайдалана бастайды.

2) Сабақ тақырыбы, мақсатымен таныстыру.

Тақырыпқа шолу.

Өткен тақырыппен байланыс орнату, естеріне түсіру үшін төмендегі сұрақтарды қою:

- Қос үкімет қашан орнады?

- Неліктен кеңестер Уақытша үкіметке қарсы болды?

- Қазақ даласында Ақпан революциясынан кейін қандай саяси жағдайлар орын алып еді?

Зерттеу мен талдау

1-тапсырма . Қазан революциясының орнауы туралы бейнероликті көріп, кеңестердің ұрандарының қайсысықазақтарға тиімді және маңыздырақ болғанын түсіндіріп үлгіге сәйкес кестеге жазыңыз.

Картамен жұмыс . Мәтінді оқып шығып, картадан Қазақстанда Кеңес билігі орнаған қалаларды анықтап, қалай орнағандығын айту.

3- тапсырма. Мәтінмен жұмыс. Оқушылар Кеңес өкіметі жүргізген шараларды әр сала бойынша бөліп анықтауды тапсыру:

1. Саяси
2. әлеуметтік
3. экономикалық
4. мәдени

1. Кеңес билігі жүргізген іс-шараларды анықта.

2. Іс-шараларды берілген салалар бойынша жікте.

3. Жүргізілген шаралардың нәтижесін болжап көр.

4-тапсырма. Дерекөзбен жұмыс. Оқушыларға екі дереккөздің үзіндісі ұсынылады. Оларды оқып шығып, келесі тапсырманы орындайды:

• 1. Бірінші деректің негізгі идеясы неде?
• 2. Екінші деректе Ахмет Байтұрсынов қандай өзекті мәселелерді көтерді?
• 3. Екі деректің қарама-қайшылығы неде?

Сабақты қорытындылау

-Қазан революциясынан кейін қазақ даласында қандай өзгерістер орын алды?

- Кеңес билігінің ұрандары қазіргі қоғамда құндылығын сақтап қалды ма?

Қорытындылау барысында Қазақстанда жалпы әлеуметтік топтың, саяси жағдайдың барысын си­паттай отырып, оқушыларды өзгерістерді ажыратуға бағыттап отыру қажет.

Оқушылардың берген жауаптарының негізінде сабақ түйіні жасалады

Үйге тапсырма

Қазақстан азаматтық қарсыластық жылдарында

Мен оны қолданып көремін . . .

Қызықты болды . . .

Мені таңғалдырды . . .

Қиын болғаны . . .

Сабақтан өмірге алғаным . . .

Мен мына тапсырманы орындадым . . .

Менің қосарым . . .