Мектепішілік математика апталығының ашылу сценарийі

Тақырыбы: «“Математика- ғылым бастауы”»
Мақсаты: • Мектеп көлемінде ұйымдастырылған апталықтың негізгі мақсаты - оқушылардың стандартты және стандартты емес білімін шыңдау;
• Оқушылардың ойлау қабілеті мен математикалық қабілеттерін арттыру;
• Математика пәні бойынша білімдерін тереңдету;
• Математикаға деген қызығушылығын арттыру.
Барысы:
Ашылу әуені ойнайды.
1- Жүргізуші
Армысыздар ұстаздар!

Шәкірттер мен ұландар!

Көптен күткен сәт келді,

Бізге назар салыңдыр!

2- Жүргізуші
Бүгінгі кеш төріне
Дарындылар еліне

Математика ғылымы,

Информатика ілімі

Келді міне, біздерге!
1- Жүргізуші
Құтты болсын апталық,

Қызықтан құр қалмайық!

Есеп шешіп, жарысып,

Бар жігерді салайық!
2-жүргізуші
Батыл қадам бастайық
Білімді кәне шыңдайық!
Апталықты ей, достар.
Осылайша шабытпен
Кәне енді бастайық.
1-жүргізуші.
Барлықтарыңызды математика пән апталығының ашылуымен құттықтаймыз! Апталықта бәрі бар - ашық сабақтар, түрлі сайыстар мен жарыстар. . Тамашалап, белсенді ат салысып, білімді жастар екенімізді көрсетейік!
2-жүргізуші : Барлық ғылымдардың ішіндегі ең ауыр және ең қызық болып көрінетін егіз пәннің апталығын асыға күттік. Ендеше апта бойында ұстаздарымыздың біз үшін дайындаған әрбір іс-шараға белсене қатысуға шақырамыз!

1-Жүргізуші: Құрметті ұстаздар, оқушылар, ендеше математикаға орай дайындалған Ы. Алтынсарин хорын назарларыңызға ұсынамыз. Ортада 5 «В» сынып оқушылары. Қарсы алыңыздар!

2-Жүргізуші : Жарайсыңдар! Өнерлерің мен білімдерің шарықтай берсін!

1-Жүргізуші : Иә сенімен келісемін. Сандар бір-бірімен үйлесіп әдемі математикалық теңдіктерге айналды. Айтшы, . Сен неше жасыңда санап үйрендің?

2-Жүргізуші : Мен 2 жасымда санап үйреніп, 3 жасымда есептер шығаратынмын. Бұл жетістігімнің себебі әжем және ол үйреткен санамақ.

1-Жүргізуші : Қызық екен. Ол қандай санамақ?

2-Жүргізуші : Ендеше айтып берейін:

Бір дегенім- бесік,
Шықтым содан өсіп.
Екі- дегенім елім,
Далам, тауым, көгім
Үш дегенім- үміт
Үміт артар жігіт.
Төрт дегенім- төзім,
Төзе білем өзім.
Бес- дегенім бақыт
Бағалайтын уақыт.
Алты деген- ақыл,
Тыңдағаның мақұл
Жеті деген- жалау,
Жүректегі алау.
Сегіз деген- сөзім
Серт беретін кезім
Тоғыз деген тоқтау,
Елдің жоғын жоқтау.
Он- дегенім Отан
Қорға соны ботам.

1-Жүргізуші: Рақмеет, жарайсың! Ендеше, оқушылардың математикалық жырларын тыңдайық.

Ортада 5 сынып оқушылары

(Математикалық тақпақтар)

2-жүргізуші: Жарайсыңдар.

1-жүргізуші : Ал, дарынды дарабоздар, сіздерге Өз өнерін көрсететін келесі өнерпаздарды шақырайық!

Мектебіміздің биші қыздарын «Қамажай» биімен сахнаға шақырамыз!

2-жүргізуші: (Көңілді сұрақтар)

Құрметті оқушылар, енді сіздерге дайындалған көңілді логикалық сұрақтарға кезек берейік. Сол үшін ортаға әр сыныптан бір оқушыдан шақырайық!

1-Жүргізуші:
Жиналған ылғи дарындар,
Жүректе от, көзде жалын бар.
Жалықпайтын, оқып білім алатын,

Білімнің кілтін тауып, аша алатын,
Өздеріңе арналады келесі күй, орындалатын.

1-Жүргізуші: мектебіміздің жезтаңдай күйшісі 6 «Д» сынып оқушысы Абдуали Нұрдаулетті «Домбыра» күйімен қарсы алыңыздар!

2-Жүргізуші: Жарайсың!

1-Жүргізуші: Ортада салтанатты ашылуды қорытындылай келе әдемі әнімізді қабыл алыңыздар.

Орындайтын: сынып оқушысы -

Қол соғып, қарсы алайық!

2-Жүргізуші :Ендеше апталығымызды ашық деп жариялап, ортаға мектеп басшысы Жуманов Бағдан ағайға сөз кезегін ұсынамыз!