"күз ханшайымы" сценарий

Күз мерекесіне арналған 5 жас даярлық тобында өткізілген
«Күз ханшайымы» ертеңгілігінің бағдарламасы. 

Тәрбиеші :Құрметті ата-аналар, қонақтар, кішкентай бүлдіршіндер! 
Сіздерге 5 жас даярлық тобының бүлдіршіндерінің қатысуымен өтетін 
«Күз ханшайымы» байқауын ұсынамыз. 
Ата-ананың аялы алақанындағы балалық шақ, мектептегі бал
дәурен баланың ең бір бақытты, алаңсыз кезі. Біз балабақшамыздағы
тәрбиеленуші ұлдармен бірге бірге қыздарымыздың да ақылды да,парасатты,
тәрбиелі де инабатты ару қыз болып өскенін қалаймыз. Сондықтан, бүгін
балауса қыздарымыздың балабақшада қандай тәрбие алып жүргенін көріп,
бәріміз куә болайық. 
Әділқазы береді, 
Өздеріңе билікті. 
Өнерде кім жеңеді, 
Алады сол сыйлықты,- деп ең алдымен сіздерді әділ-қазылар алқасымен
таныстырып өтейін: 
1.
2.
3. 
Тәрбиеші :
Уа, халайық,халайық, 
Бәріміз назар салайық. 
Мерекесі бақшаның, 
Сайысты біз бастайық. 
(Ортаға бүгінгі сайысқа қатысушы аруларды шақырамын.Музыка ойналып тұрады) 
Тәрбиеші : Мың бұралған арулар аңдап басып, 
Келді міне, ортаға толқып-тасып. 
Аруларын сыйлаған халқым менің, 
Көңілді қошаметпен қарсы алайық. 
Сайысқа қатысушы аруларды реттік белгілері бойынша таныстыру, орындарына
отырғызу. 
Сайысты бастамас бұрын, сайыстың шарттарымен таныстырып өтейін: 
Сайыс шарттары: 
1.Менің ата-тегім . (Өзін-өзі таныстыру.) 
2.Кім ойға жүйрік (Жұмбақ шешу) 
3.Дәрумендер денсаулық сақтаушысы.(Күзгі байлықтардан жарнама) 
4 « Шебер қолдар»(Ата-аналармен бірлесіп жасаған қол өнержұмыстары) 
5. «Өнерлі өрге жүзер» (Өз өнерлерін көрсету) 
6. «Әсем біздің арулар» (Сән үлгісін көрсету) 
Тәрбиеші : «Күз ханшайымы» сайысына қатысушы аруларға арнап, тобымыздың
әншісі Аружан әсем әнін арнайды. 
Ән: « Ертегілер » 

«Менің ата-тегім» 
1.Өзін-өзі таныстыру (реттік санымен аруларды шақыру) 
1.Жанерке Бақытқызы: Бүр жарған бүршігіндей лала гүлдің, 
Жастайымнан жалындап жана білдім. 
Өнерменен білімге жаны құштар, 
Жанерке Бақытқызы мен боламын. 
Құрбыммен бұл сайыста тең боламын, 
Қызымын өсіп- өнген кең даланың. 
Бүгінгі ханшайымдар сайысында, 
Деп ойлаймын жеңімпаз мен боламын. 

2.Айдана Жасұланқызы: Тең түсіп өзгелермен терезесі, 
Дарыған ата-баба өнегесі. 
Айдана атым Жасұланның қызымын мен, 
Дүйсекен тегі, Мизам немересі. 

3.Алуа Серікқызы: Руым Найман , мен қазақ, 
Мақсоттың немересі . 
Тақпақ-өлең айтамын 
Апайлардың берген өнегесі. 

Алғаш аштым балабақша есігін, 
Алуа Серікқызы менің есімім, 
Туып өстім Аягозде, 
Алтын ұя – бесігімде . 

Құлкеш маған нағашы, 
Қызыл тонның жағасы. 
Мен үшін өте қымбат қой, 
Нағашының бағасы. 

5.Ырыс : Қанатқызы Ырыс атым менің, 
Мақтан етер жанұя еркесімін. 
Әкем Қанат, анам бар Алтынгүл атты, 
Үлгі тұтар ағам бар Астанәлі. 

6.Аружан: Әке-шешем мақтаған, 
Аружан қызың мен болам. 
Осы күнге сақтаған, 
Тақпағым бар жаттаған. 
Сайыс десе жайнаймыз, 
Намысымды қайраймын. 
Тоты құстай құлпырып, 
Сандуғаштай сайраймын
 
Сайыстың «Өзін-өзі таныстыру» бөлімі бойынша әділ-қазылардан берген
бағаларын көтерулерін сұраймын. 

Би: «Қара жорға»
2. «Кім ойға жүйрік»(жұмбақ шешу) 
Ортаға реттік белгімен аруларды шақырып, ұнатқан жеміс-жидектерін алғызып
соның жұмбақтарын шешкізу. 
1. Жұдырықтай қызыл шар
Тілді үйірген шырын бал (Алма)
2. Түрі шар сияқты,
Түсі қан сияқты,
Дәмі бал сияқты. Ол не? (Шие)
3 Аласы бар, қарасы бар, ағы бар,
Пышақ тисе қып-қызыл болып жарылар (Қарбыз)
4 Жер астына түседі,
Сап-сарғыш боп піседі ( Сәбіз)
5 Күннен көзін алмайды.
Өзгемен ісі болмайды. (Күнбағыс)
6 Көктемде ерте гүлдеймін, кешігуді білмеймін,
Піспей тұрған кезімде, меннен аулақ жүр!-деймін (Өрік)

3. « Дәрумендер денсаулық сақтаушысы» 
( Жемістердің киімін киіп алып, тақпақтарымен таныстырып, мамаларымен
бірлесіп дайындаған салаттарын әділ-қазыларға ұсынады) 

1.Жанерке (Қызанақ) 
Тал шыбығым бұралып , 
Бақшаларда қызарып. 
Тұрған ол мен-қызанақ, 
Күнге қарап ұялып. 

2.Айдана:(сәбіз) 
Өсіретін бойыңды, 
Дамытатын ойыңды. 
Қоянға да азықпын, 
Мен жазықсыз сәбізбін. 
3.Алуа : (картоп) 
Мен картоппын,картоппын, 
Жер жүзінде мен көппін. 
Тамаққа көп қолдансаң, 
Пайдамды сонда білерсің. 
4.Ырыс:(пияз) 
Асханадан шықпаймын, 
Атым-пияз бұқпаймын. 
Көзден жасты шығарып, 
Тұмаудан бірақ сақтаймын. 
5.Аружан:(қияр) 
Мен қиярмын,қиярмын, 
Жесең есті жиярмын. 
Кетіруге безеуді, 
Шырыныммен жуарсың. 

Ән: «Айгөлек» Топ. 
Әділ-қазылардың берген бағасы. 
4. «Шебер қолдар» (ата-аналармен бірлесіп жасаған жұмысы) 
Арулар жасаған жұмыстарын әділ-қазыларға ұсынады. 
Ән: «Біз балдырған баламыз. 
Әділ-қазылардың берген бағасы. 
5. «Өнерлі өрге жүзер» (өнерлерін көрсету) 
Арулар дайындаған өз өнерлерін ортаға салады. Бірі би билнп, бірі ән
айтады. (Жаңылтпаштар айтуға да болады)
Әділ-қазылардың берген бағасы. 

6. «Әсем біздің арулар» (Сән үлгісін көрсету ) 
Әділ-қазылардың берген бағалары. 
Тәрбиеші: Білім,ғылым,өнерге, 
Қанат қағар кездерің. 
Еліміздің ертеңі , 
Үміт етер өздерің. 
-дей отырып, бүгінгі «Күз ханшайымы» сайысын аяқтаймыз. 
Әділ-қазылар қорытынды шығарғанға дейін балаларға ән кезегін береміз. 
Ән: «Айналайын» Мағжан,Нұртай. 
«Күз ханшайымы» сайысы бойынша аруларға берілген атақтар беріліп граммота
тапсырылады
1. «Күз ханшайымы» - Айдана. 
2. «Әнші ару» - Жанерке. 
3. «Биші ару» - Аружан. 
4. «Сүйкімді ару» - Алуа. 
5. «Шебер ару» - Ырыс. 

Технологиялық карта.
Білім облысы: «Таным», «Қатынас», «Шығармашылық».
Білім бөлімі: Тіл дамыту.
Тақырыбы: «Тәуелсіздік ел – тілегі».
Мақсаты: Тәуелсіз еліміздің болашағы – жас ұрпақтар бойына Отанға
деген сүйіспеншіліктерін арттырып, туған жері мен елін, сүюге оны қорғай
білуге тәрбиелеу.Мақал-мәтел, тақпақтар арқылы ой-өрісін кеңейту, сөздік
қорларын молайтып, тілдерінің дамуына ықпал ету.
Көрнекілігі: Қазақстан Республикасының рәміздері, Л.Асанова,
Қ.Рысқұлбеков суреттері
|Қызмет кезеңдері | Тәрбиеші қызметі | Балалар қызметі |
|Ұйымдастырушы |Шеңберге тұрып «Жылулық шеңберін» |- Армысың, қайырымды Аспан |
|қозғаушы қызмет түрі |ұйымдастыру. |ата! |
| | |- Армысың, мейірімді Жер – |
| | |ана! |
| | |- Армысың, шұғылалы Алтын |
| | |күнім! |
| | |- Армысың, тәуелсіз елім |
| | |менің! |
| |- Біз аспаны ашық, | |
| |сәулелі,кең,байтақ елде тұрамыз. Ол| |
| |ел – |Қазақстан. |
| |- Бүгінгі ұйымдастырылған | |
| |іс-әрекетімізді Қазақстан | |
| |Республикасының ән ұранынан | |
| |бастайық. | |
| |- Қазақстан Республикасы өзінің | |
| |тәуелсіздігін алғанына 21 жыл | |
| |болды. Өз бетімен ешкімге бағынбай | |
| |өмір сүрген елді тәуелсіз ел деп | |
| |атайды. Осы күнге жету үшін қазақ | |
| |халқы талай қиыншылықты бастан | |
| |кешірді. Осыдан 21 жыл бұрын Алматы| |
| |қаласында жастар көтерілісі болды. | |
| |Қайсар батырларымыз Ләззат Асанова,| |
| |Қайрат Рысқұлбеков ерлік көрсетті. | |
| |Осындай жастарымыздың арқасында | |
| |қазіргі кезде бейбіт тыныш өмір | |
| |сүріп жатырмыз. Еліміз өркендеп | |
| |жайнауда. Өз елімізге лайықты | |
| |Конституция заңдары қабылданды. | |
| |Конституция заңдарында Отанымызды | |
| |қорғауға, балабақшаға, мектепке | |
| |баруға, үлкен оқу орындарында білім| |
| |алуға құқықтарың бар екені туралы | |
| |жазылған. Осы мемлекетте | |
| |тұрғандықтан өз елімізді, жерімізді| |
| |қадірлеп, қастерлеуіміз керек. | |
| |Қазіргі таңда Тәуелсіз Қазастанның | |
| |қандай дамып көркейгенін | |
| |тамашалайық. (көркекіліктер | |
| |көрсету) Қазақстан Республикасының | |
| |рәміздеріне не жатады ? | |
| |- Әнұранды орындадық, сөзін, | |
| |музыкасын жазған кімдер? | |
| | | |
| | | |
| | | |
| | |Ту, елтаңба, әнұран. |
| | | |
| | |Музыкасын жазған Шәмші |
| | |Қалдаяқов, сөзін жазғандар |
| | |Жұмекен Нәжімеденов, |
| | |Нұрсұлтан Назарбаев. |
| |- Тудың түсі қандай? Туда ненің | |
| |белгісі бар? |Тақпақ |
| | |Әнұраны елімнің, |
| | |Шақырады бірлікке |
| | |Егеменді халқымның |
| | |Болашағы бірлікте. |
| | | |
| | |Тудың түсі көк, шетінде |
| | |ою-өрнек, ортасында күн |
| | |және қыран құс. |
| | | |
| | |Тақпақ |
| | |Аспан түстес көгілдір |
| | |Тік бұрышты матаның |
| |- Ел таңбамызда ненің бейнесі бар ?|Ортасында төгіп нұр |
| | |Күн жаяды шапағын |
| | |Астында оның қалқыған |
| | |Қыран құстың бейнесі |
| | |Азат елдің шалқыған |
| | |Көңілі деп білерсің. |
| | | |
| | |Елтаңба алтын және көгілдір|
| | |түсті. Әлемнің тұтастығын, |
| | |ошақтың амандығын |
| | |білдіреді. Тұлпар биік |
| | |арманның қайраттың нышаны. |
| | |Жұлдыз – жұлдызымыз жарық |
| | |болсын дегенді білдіреді. |
| | | |
| | |Тақпақ |
| | |Алтын қанат көмкереген |
| | |Шаңырақ бар, уық бар |
| | |Әсем бейне сен көрген |
| |Бастауыш сыныбының оқушы қыз бала |Жай бейне емес ұғып ал |
| |топқа кіреді. |Сүйсіндірген өзіңді |
| |Оқушы : - Балалар қаламызда |Түсіне біл таңбаны |
| |Тәуелсіздігіміздің 21 жылдығына |Ауызда ұшқыр төзімді |
| |арналған той болып жатыр. Мен |Пырақ халық арманы |
| |сендерді сол тойға шақырып келіп | |
| |отырмын. | |
| |Тәрбиеші: Қане бәріміз қатарға | |
| |тұрып «Атамекен» әнімен мерекеге | |
| |барайық. | |
| |- Мерекеге де келіп жеттік, біздің | |
| |мектебіміз қандай тамаша | |
| |безендірілген. Түрлі | |
| |жалаушалар,шарлар ілінген. | |
| | | |
| |Жұмбақ. | |
| |Мен оның түнін сүйем, күнін сүйем, | |
| |Ағынды өзен, асқар тау, гүлін | |
| |сүйем, | |
| |Мен оның қасиетті тілін сүйем, | |
| |Мен оның құдіретті үнін сүйем. | |
| | | |
| |Ән «Отан». | |
| | | |
| |- Балалар Отан туралы қандай тақпақ| |
| |жаттадыңдар? | |
| | |(Отан) |
| | | |
| | | |
| | | |
| | | |
| | |Отан әнін орындайды. |
| | | |
| | |1 бала: |
| | |Отан дейміз от жаққан |
| | |жерімізді. |
| | |Отан дейміз өсірген |
| | |елімізді, |
| | |Отан дейміз туған жер |
| | |атамекен |
| | |Биік тау,орман,тоғай |
| | |көлімізді. |
| | |2 бала: |
| | |Абай туған, Сәкен туған |
| | |Құрметте досым, қазақтың |
| | |жерін |
| | |Қамбаға жылда миллиард |
| | |құйған, |
| | |Қазақстан Республикам |
| | |менің. |
| | |3 бала: |
| | |Қазақстан жеңісті дана |
| | |күндер, |
| | |Қазақстан толқынды лала |
| | |гүлдер. |
| | |Қазақстан әлемді елеңдетіп |
| | |Байқардан зулаған |
| | |корабльдер. |
| | |4 бала: |
| |«Ақ көгершін» биі. |Сұлу далам менің сүйген |
| | |еркемсің |
| |Оқушы қыз: - Бұл тойда ақындар |Жаны жайсаң жаратылған |
| |айтысады, палуандар күреседі, |көркемсің |
| |ұлттық ойындар ойнатылады. Ал біз |Қандай жақсы қазақ болып |
| |«Соқыр бүркіт» ойынын ойнап |туғаным |
| |жіберейік. |О, Туған жер, тамашасың, |
| | |көркемсің. |
| |«Атамекен» әнімен балабақшаға | |
| |қайтады. | |
| |Тәрбиеші: - Оқушы қыз, саған арнап | |
| |балалар сыйлық жасап береді. | |
| | | |
| | |«Соқыр бүркіт» ойыны |
| | |кезінде Отан туралы |
| | |мақал-мәтелдер айтылады. |
| | | |
| | |Балалар 3 топқа: |
| | |I топ: Қазақстан |
| | |Республикасы табиғатын |
| | |салып бояйды. |
| | |II топ: «Астана» қаласын |
| | |жапсырады. |
| | |III топ: «Қазақстан |
| |Оқушы : - Сыйлықтарың маған ұнады, |Республикасының |
| |рахмет.! Сау болыңдар балалар ?! |Тәуелсіздігіне 21 жыл» деп |
| | |жазылған түрлі – түсті |
| |Қорытынды: - Қазақстан Республикасы|параққа «күнді» жапсырып |
| |Тәуелсіздігін алғанына қанша жыл |оқушы мен қонақтарға тарту |
| |болды? |етеді. |
| | | |
| |- Бізге қонаққа кім келді? | |
| | | |
| | | |
| |Мерекеде қандай ойын ойнадық? | |
| | | |
| | |Тәуелсіздігімізге 21 жыл |
| | |болды. |
| | | |
| | | |
|Жетекші жөндеуші | |Бізге қонаққа оқушы қыз |
| | |бала келді. |
| | | |
| | |«Соқыр бүркіт» ойынын |
| | |ойнадық. |

1-ЖҮРГІЗУШІ
Қайырлы күн, құрметті қонақтар! Әні мен сәні жарасқан «Наурыз –
көктем,Наурыз- жыр, Наурыз-думанға» қош келдіңіздер!
2-жүргізуші
Жер әлемді жайнатып, әнші құстарды сайратып, Наурыз тойын тойлатып,
Ұлыстың ұлы көптен күткен «Наурызымыз»  келді. Ұлыс оң болсын!Ақ мол
болсын! Наурыз тойларыңыз құтты болсын!

1- Жүргізуші:Уа, халайық, құтты болсын мерекең,

Құтты болсын, құтты болсын берекең.

Наурыз тойы тойланады мектепте,

Қош келдіңіздер мерекені көруге!

2- Жүргізуші:Уа, жараңдар, жараңдар!

Көңілін бар алаңдар.

Ата менен анаң бар,

Үлкен –кіші, ағаң бар.

Наурыз тойы басталды,

Бәрің бері қараңдар!

1-Жүргізуші: «Наурыз – көктем, жыр-думан» атты мерекелік сайысымызды
бастамас бұрын құттықтау сөзді мектебіміздің  оқу –ісінің меңгерушісі
Шынар Төкенқызына ұсынайық.

2- Жүргізуші: Наурыз келсе, құт келгені, халайық,

Есік ашып, шашу шашып, ел боп қарсы алайық.

(шашу шашылады)

1- жүргізуші Ал, кәнекей ,халайық
Асқақ әнге салайық,
Басы болсын бұл тойдың,
Шырқап әнге салайық

Шырайдың орындауында «Қуанышым қазынам » әнін қабыл алыңыздар

2-Жүргізуші: Ау, халайық, халайық,

Әсем әнге салайық.

Наурыз тойын көңілді

Бірге қарсы алайық деп сайысымыздың бөлімдерін таныстырып өтейік:

1-ші жүр 1-ші бөлім «жыр шашу»

2-ші жүр 2-ші бөлім «сән көрсету»

1- ші жүр 3-ші бөлім «салт дәстүр»

2- ші жүр 4 –ші бөлім «ақ бата»

1- жүргізуші

Шалқытып мерекеде ән салайық,
Өнерпаз өрендерге тамсанайық.
Әділдік пен шындықты арқа тұтқан
Әділқазы алқасымен танысайық.

1

2

3

2-жүргізуші Кімдер жүйрік, өнерпаз білейікші.
Жеңімпазы деп мектептің жүрейікші
Әділқазы алқасына әділдікті,
Ал үміткерлерге сәттілікті тілейікші деп бүгінгі сайысымызды бастайық 1-
ші бөлім «жыр шашу» ортаға 0 «А» тобының тәрбиеленушілері

1 ЖҮРГІЗ 0 «Б» тобының тәрбиеленушілері

Мұратова Тамирис Оразақынов Талғат

2 ЖҮРГІЗ 0 «В» тобының тәрбиеленушілері

Ақжігітов Арнұр Иванищева Алтынай

1 ЖҮРГІЗ «Шұғыла» тобының тәрбиеленушілері

Бақыт Жанерке Нұрғалиев Рауан

1- жүргізуші Әділ қазы алқасынан «1 бөлім жыр шашу» сайысының бағасын
берулеріңізді сұраймыз бірінші өнер көрсеткен 0 «А» тобының
тәрбиеленушілері

ТОПТАРДЫ АТАУ

2- жүргізуші : Сіздер үшін әр күніміз жырымыз
Ағылсын тек тәтті би мен әніміз демекші:
алдарыңызда 0 «А» тобының қыздарының орындауында «Қамажай » биін
тамашалаңыздар

1-жүргізуші

Сайысымыздың 2- бөлімі «сән көрсету» ортаға 0 «а» тобының
тәрбиеленушілері;

1 жүргіз Білектей арқасында өрген бұрым
Шолпысы сылдыр қағып жүрсе ақырын
Кәмшат бөрік, ақ тамақ, қара қасты
Сұлу қыздың көріп пе ең мұндай түрін ?

2 жүргіз Қыз емес, қыздың аты – қызыл алтын, 
Көрінер толған айдай жүзі жарқын
Үлкеннің алдын орап, сөз сөйлемес, 
Халқының сақтай білген ізгі салтын.

1 жүргіз Бойыңа бар сұлулық жиналғандай

Мүсінің ақ мәрмәрдан құйылғандай

Жарқ етіп келдің ел алдына

Ару қыз гүлдей нәзік қылығыңдай

2 жүргіз Бұраң бел, бойы сұлу, кішкене аяқ, 
Болады осындай қыз некен – саяқ

Үлбіреген ақ етті, ашық жүзді.

Боламын да тұрамын көргендей – ақ

1- жүргізуші Әділ қазы алқасынан 2-ші бөлім «сән көрсету»сайысының
бағаларын берулеріңізді сұраймыз Бірінші сән үлгісін көрсеткен о «А»
тобының

0 «Б» тобының тәрбиеленушілері Мұратова Тамирис Оразақынов Талғат

0 «В» тобының тәрбиеленушілері Ақжігітов Арнұр Иванищева Алтынай

Шұғыла тобының тәрбиеленушілері Бақыт Жанерке Нұрғалиев
Рауан

1-ші жүргізуші Қазақ жұрты киелі,
Өнерліні сүйеді.
Алдыңызда Ақнұр қыздарыңыз
Ән салып, билеп береді. «Құттықтаймын ана »әнін қабыл алыңыздар

2-жүргізуші Жаңғырғаны сананың
Ұмытады мұны кім?
Ата – салтын бабамның
Алып келген осы күн.
1 – жүргізуші «Наурыз-көктем, жыр-думан» мерекелік сайысымыздың 3 –ші
бөлімі «Салт дәстүр» көрінісін тамашалайық

Кетер өрлеп даңқымыз,
Біз Қазақстан халқымыз.
Өзге ұлттай біздің де,
Бар дәстүр мен салтымыз. демекші ортаға о «А» тобының ата аналарын ортаға
шақырамыз

0 «Б» тобының ата ана

0 «В» тобының

Шұғыла тобының ата аналарын қол соғып, сахнаға шақырайық

2 жүргізуші Әділқазылардан сайысымыздың 3-ші бөлімі « салт дәстүр»
көрнісіне берген ұпайларыңызды көтерулеріңізді сұраймыз бірінші көрініс
қойған 0 «А»тобының ата аналарына берген ұпайларыңыз

Кезек пен кезек айту

1жүргізуші Наурыз тойың, Наурыз тойың,

Құтты болсын халайық.

Ән төгілсін, ән төгілсін,

Шырқап әнге салайық. орындауында « »
әнін қабыл алыңыздар

2- жүргізуші 0 «В» тобының тәрбиеленушісі Алтынайдың орындауында «Шығыс»
биі

2-жүргізуші

Уа, ағайын, ағайын,

Жырламай қалай қалайын

Осынау күнді үмітпен

Зарыға күттің талайың.

Шаттанып бүгін Жаңа жыл

Халқына шашып жаңа нұр

Келеді сайыскер ұлдарымыз

Жүректен төгіп жаңа жыр.

Енді сайысымыздың 4- ші бөлімі «Ақ бата»

1- жүргізуші Ұлы күнде халайық

Қалай қарап тұрайық

Ортамызға шақырып

Сайыскерлеріміздің

Ақ батасын алайық! Ортаға 0 «А» тобының тәрбиеленушісі
шақырайық

2. жүр 0 «Б» тобының тәрбиеленушісі Оразақынов Талғатты

1 жүр 0 «В» тобының тәрбиеленушісі Ақжігітов Арнұрды қол соғып ортаға
шақырайық

2 жүр шұғыла тобының тәрбиеленушісі Нұрғалиев Рауанды ортаға шақырайық

1- жүргізуші Енді әділ қазылардан 4ші бөлім «Ақ батаға» қойған
ұпайларыңызды көтерулеріңізді сұраймыз Бірінші өнер көрсеткен 0 «А»
тобының сайыскері

2 жүрг екінші өнер көрсеткен 0 «Б» тобының тәрбиеленушісі Оразақынов
Талғатқа берген ұпайларыңыз

Кезек пен кезек

2- жүргізуші Мектебіміздің бишілерін шақырайық,
Қошеметпен, құрметпен қарсы алайық.
Бишілерімізді ырғалтып би билетіп,
Қол соғып биік шыңға самғатайық деп шұғыла тобының қыздарының
орындауында « Барби» биін тамашалаңыздар

1- жүргіз әділқазы алқасы қорытынды шығарғанша Жұлдыз
қыздарыңыздың орындауында үнді биін қабыл алыңыздар

2- жүргіз барлығыңызды ортаға «Қара жорға» биіне шақырамыз

марапаттау

1- жүргізуші
Әз -наурыз әр біріңіздің отбасыңызға жаңа нұр, жаңа шуақ, табыс пен
береке, қуаныш пен мереке алып келсін
Наурыз құтты болсын!
Дендеріміз сау, мықты болсын.
Наурыз тойы келе берсін!
Барлық халық бақытты болсын
2-ші жүргізуші
Еліміздің несібесі көп болсын.
қош сау болыңыздар, халайық!
Көріскенше күн жарық болсын!

1 -жүргізуші: Көңіл қойып тыңдағандарыңызға рахмет. Наурыз құтты болсын!
Мерекелік тойымыз аяқталды.

 

Тақырыбы: «Алтын кірпік, ай қабақты арулар»
Мақсаты: Қыздарды ұлтымыздың салт-дәстүрлері мен әдет-ғұрып, рухани
құндылықтарды құрметтей білуге, ұяңдық пен биязылыққа, инабатты, білімді
болуға тәрбиелеу.
Көрнекілік: Көрнекі жазылған тақырып, қыз тәрбиесіне байланысты нақыл
сөздер, плакаттар, шарлар,үнтаспа.
Барысы: «Қыздарға әсемдік жарасады» әні ойнап тұрады.
Тәрбиеші:
Келді ғой көктем, құдірет біткен ғажайып.
Құрметтеп оны жұмыла қарсы алайық.
Мектепте Қыз сыны тойы дүрілдеп,
Алаулатып бүгінгі кештің отын жағайық.
Құрметті қонақтар,ұстаздар, ата-аналар мен оқушылар! Міне
көктем айы да келіп жетті.Көктемнің  ең алғашқы айы аналары-
мыздың салтанатты мерекесімен басталады.
Бұл күн  тек аналардың мерекесі емес сонымен қоса өмірге нәр беретін, тал
шыбықтай бұралған қыздарымыздың да мерекесі .
Қар астынан бәйшешек бой көтергенде көктемнің хабаршысындай болып,
8 наурыз мейрамы да келеді.
Ендеше көктемгі гүлдей жарқырап,күндей құлпырған мерекелеріңіз
құтты болсын!Бүгінгі «Ай қабақты , алтын кірпік арулар…» атты
қыз сыны байқауын тамашалауға келіп отырған барша қауымға қош келдіңіздер!
Тәрбиеші:
Ал,ендеше шалқытып ән салайық,
Өнерпаз аруларға тамсанайық.
Дәстүрін халқымыздың қастерлеген,
Аруларды құрметтеп қарсы алайық!
Арулар ортаға шығады.
1.    Айдана
2.    Аружан
3.    Жанерке
4.    Жаннұр
5.   Ырыс
 Тәрбиеші:
Қыз сыны, қыз өнері, қыз әдебі,
Тал бойына жарасқан күлкі әдемі.
Бір көргенде болмай-ақ сахнада,
Өмірде сақталсыншы ұлт әдебі – дей келе алдымен біздің ару қыздарымызға
қоятын талабымыз бар.
-Сахна мәдениеті,өзін-өзі ұстау;
-Сөйлеу мәдениеті ,ой ұшқырлығы;
-Киім киісі, жүріп-тұрысы;
-Берілген тапсырма мен сұрақтарға дұрыс жауап беруі;
Мінеки осының барлығы сынға алынып,әділ-қазылар алқасымен бағаланады.
Тәрбиеші:
Барлығыңыз тыңдаңыздар,
Өнерлерін сыйлаңыздар.
Алға шыққан қыздарға
Әділ баға сыйлаңыздар,- деп арулардың өнері-білімін әділ бағалап, төрелігін
айтатын қазылар алқасымен таныс болыңыздар.Әділ-қазылар алқасы
таныстырылады.
Тәрбиеші:
Байқау шарттары:
1.Сәлем- сөздің анасы (таныстыру)
2.Өнерлі өрге жүзер (өз өнері)
3.Білімді мыңды жығар (сұрақ-жауап)
4. Қыздарға әсемдік жарасады (ұлттық киім үлгісі)
5. «Адамның жан сұлулығы»
( Үй тапсырмасы бойынша  қатысушыларымыз кейіпкерлерді сомдайды)
6.   Шебердің шыңы ( Қол өнері қазақтың ою -өрнектерін ою. Ата –аналарымен
бірге)

Құрметті ару әсем қыздарымыз орындарыңызға бара
берулеріңіз сұралады. Сіздерге сәттілік тілейміз!

Кімдер жүйрік, өнерпаз білейікші.
Аруы деп мектептің жүрейікші
Әділқазы алқасына әділдікті,
Ал аруларға сәттілік тілейікші деп бүгінгі аруларға сәттілік тілей
отырып, сайысымызды бастамас бұрын аналар мерекесіне арнап «Асыл ана» әнін
қабыл алыңыздар!
Тәрбиеші:
Гүл көңілің қуаныштан өрілді,
Жанарыңнан жалын нұры төгілді.
Жыр ұшқындап тұр ғой әне үніңнен,
Көпшілікке таныстыршы өзіңді.
1. Сәлем- сөздің анасы (таныстыру) – деп  аталады. Арулар  бір-бірден шығып
ортаға өздерін таныстырады.
1.    Айдана
2.    Аружан
3.    Жанерке
4.    Жаннұр
5.   Ырыс

Тәрбиеші:
Өнер қуып арулар өтер дейміз,
Бір басына өнері жетер дейміз
Сайысқа келген ару кезектесіп,
Өз өнерін көрсетіп өтсе дейміз.
2.Өнерлі өрге жүзер (өз өнері)-деп аталады. Бұл кезеңде арулар өз бойындағы
өнерлерін көрсетеді.

Жас ару жас ғұмырдың талғамысың,
Қуантқан әр бір үйдің арманысың.
Дәл бүгін қанат қомдап,сыналарда,
Сан сұрақтан сүрінбей, самғап ұшқын.
3.Білімді мыңды жығар (сұрақ-жауап)-деп аталады. Бұл кезеңде жылдамдықты
талап етеді.
Аруларымыз келесі бөлімге дайын болғанша  мың бұралған бишілерге берелік.
«Барби» биі биленеді.
Жұмбақтар Жатаған тақпақтарын жалғастырады
Жаңылтпаштарды жалғастырады
Тәрбиеші:
Сымбатына сын киім жарасатын,
Аспандағы айменен таласатын.
Өнеріне сәні сай келіп тұрған,
Аруларды қызығып қарасатын
Қыздарға әсемдік жарасатын бөлімінеде кезек келді.
4.Аруларымыз ұлттық киім үлгісін көрсетеді.
Тәрбиеші:
Қыз емес, қыздың аты қызыл алтын,
Көрінер толған айдай жүзі жарқын.
Сахнада көрсетеді әйел кейпін,
Халқының сақтай білген ізгі салтын.
5. Үй тапсырмасы. Бұл кезеңде арулар ертегіден үзінді келтіре отырып
образды түрде өт-
кізеді. Мысалы , «Бауырсақ» «Жеті лақ» т.б
Келесі кезекті әнге берелік «Болайықшы осындай»
Тәрбиеші:
Ал, кімнің өнері бар қаншалықты,
Бүгінгі сайыста бәйге алуға,
Арулар аянбай –ақ жан салыпты
6.Шебердің шыңы (қазақы ою-өрнек ою) Бұл кезеңде қыз балалардың  қол
өнерлері сыналады.

Әзіл –қазылар алқасы өз қорытындысын шығарамын дегенге дейін «Ана туралы
жыр» әніне кезек береміз. Қабыл алыңыздар!
Қорытындылау : Қазылар алқасының қорытындысы.
Марапаттау