Әліппемен қоштасу мерекесі. Оқушылардың білімдерін бекіту, олардың алған білім-беру дағдыларын көрсету

Әліппемен қоштасу мерекесі

Мақсаты: 1. Оқушылардың білімдерін бекіту, олардың
алған білім-беру дағдыларын көрсету.
2. Тілін дамыту, сөздік қорын молайту.
3. Ұқыптылыққа, шапшаңдыққа тәрбиелеу.
Түрі: Ертеңгілік
Әдісі: Ұлттық этно-педагогикалық салт-дістүрді насихаттау
Көрнекілігі: Бет перде әріптер, ұлағатты сөздер, оқулықтарға арналған банерлер, шарлар, гүлдер, слайд, фотомонтаж.
Қатысушылар: Ата-аналар,ұстаздар,оқушылар,тәлімгерлер
Жүргізушілер: 5-сыныптағы шәкірт-оқушы тәлімгерлерім
Ертеңгіліктің барысы:
1- жүргізуші: Мергенбай А
-Құрметті ата-аналар, ұстаздар, оқушылар! Бүгін елдігіміз ескеріліп, егеменді ел болған, тәуелсіз тұлпардай етек-жеңіміз кеңейіп, атымыз алысқа жетіп жатқан шақта, бүгін сіздер үшін
тойларыңызға тағы бір той қосылмақшы.
2-жүргізуші: Фауедден А
-Ана тілінің ғажайып әрі шынайы әлеміне бүлдіршіндерді дәл жетелейтін өз тілін оқып үйренуге оқи алсам деген ұмтылысқа шақыратын Әліппе оқулығы. Міне, бүгін сіздер барлық ғылымның анасы біздің болашағымыздың негізі- Әліппемен қоштасу тойына келіп отырсыздар. Тойларың тойға ұлассын! Шәкірттеріміз ата-ананың ұлы емес, халықтың ұлы болсын!
1-жүргізуші Өсті міне бойларың,
Өсті ақыл ойларың
Қуанышқа ортақпын
Құтты болсын тойларың!
2- жүргізуші Бала деген шіркін-ай балдай екен!
Тәттілігі жая мен жалдай екен!
Арып - ашып даладан келгеніңде
Бал иісін таттырып алдайды екен- деп
Кенен Әзірбаев айтқандай кішкентай бүлдіршіндердің бал тіліне құлақ салайық.
1-жүргізуші: Бар ғылымның бастауы
Бар білімнің бастау
Жас балаға нұр шашқан
Қандай кітап тіл ашқан?
Оқушылар: Әліппе, әліппе, әліппе.
2-жүргізуші: Олай болса бәрімізге ең қымбат Әліппе өмірі туралы білесіңдер ме?
- Жазда,ыстық шілдеде Әліппе өмірге келіп, а-а-а- деп алғашқы жылап, ал депті..Одан кейін біраз уақыттан кейін тісі шыққанда ә-ә-ә-депті,б-б-б - басын бұрыпты,бер-депті.Тәй-тәй басып ата,апа депті. Сөйтіп, ержетіп өсіп,ол да қазір ата болыпты.Енді қазір атамыздың 15 қызы, 25ұлы, 2 немересі бар екен.Әліппе атамызды ортаға шақырайық. Қане, хормен:
- Әліппе, әліппе, әліппе.!
Әліппе: Армысыздар , жас достар!
Армысыздар ата-аналар!
Болашаққа жол бастар
Әліппе келді ортаға
Білім деген ғажайыптың,
Әліпбиін меңгерген
Келешегі қазақтың
Басталады сендерден.
Әліппенің сұрағы:
1-сұрақ: -Балалар, әліппені алғаш жазған кім?
2-сұрақ: -Балалар, ең алғаш мектеп ашқан кім?
Ән <<Мектебім>>
Балалар тақпақтар оқиды.
Келгенде алғаш мектепке
Білмеуші едік әріп те
Оқимыз қазір ертек те
Үйреткен оны Әліппе.
Білім тапсырмаларын орындау.
Әліппе атамыздың ойындарын тамашалайық:
-Бүгінгі кеш әр үйдің <<Той басы>> деп саналар,
Балалардың есімі әулеттерге таралар.
Әліппе тойының тойбастарын ашайық!
(Тойбастарда әріптер)
Балалар бір-бір әріп алып,оларды ата-аналарына береді.Ата-аналары 1-2-3 сигналы арқылы алфавит ретімен орнын тауып тұру керек..
Әліппе деген даңғыл жол
Апарар сені алысқа
Жеңіл емес ауыр жол
Тырысып бақ намысқа.
Тақтамен жұмыс.ойын <<Тез тап,жаз!>>
-Мадина Аспанда не бар?
Дамира - Атаң сабаққа немен әкеледі?
Дильнара - Ұзын құлақ,сұр....
-Сағындық, атаңыз қандай?
-Әлия мемлекеттік туда не бейнеленген?
- Нұрсұлтан. немен көресің?
-Гүлназ шайды немен ішесің?
-Жолжақсы, орманда не бар?

Туған елдің тілімін,
Ақылыммен таныламын.
Түсіндірер бәріне,
Ертегі қойылымен..
Көрініс <<Шалқан>> ертегісін сахналау.
Әліппе атамыздың құрметіне <<Қара жорға>> биін тамашалайық.
Әлшіппемен қош айтысып қаламыз,
Енді қолға Ана тілін аламыз.
Ата-ана қуанышқа ортақ бол
Сауаты боп шықты міне балаңыз.
Ән <<Шоқ жұлдыздар>>
Бүкіл қазақ баласы дәріптеген
Қоштаспақпыз сүйікті әліппемен.
Ризамыз бәрімізді таныстырған,
Сөз бен дыбыс, әр түрлі әріптермен.
Әліппеге сөз беру.
Білімнің бетін жарық ет!
Ұл-қызымды білімді ет,
Келесі оқу жылына,
Аман-есен түгел жет!
<<5>> болсын алар бағамыз,
Білімнен бақыт табамыз.
Өнер-білім көп тоқып .
Өсе берсін санамыз!
Әумин.Қош болы ңдар, балалар!
Барлығы: <<Қош Әліппе!>>