Сабақ жоспары :: Әртүрлі

Файл қосу

Нәтижелі өзгеріс жайлы ақпарат

Нәтижелі өзгеріс
Мен, екі ай бойы өз білімімді Н.Ә.Назарбаев Зияткерлік мектебінде Педагогикалық шеберлік орталығының жетекшілігімен Кэмбридж оқыту бағдарламасы бойынша теория жүзінде дәріс алып, оны практикамен ұштастырдым. Әр сабаққа аса дайындықпен жасалған сабақ жоспарын ойластыру арқылы өткізген сабағымның барлығы да жемісті болды деп айту шындыққа жанаспас. Кейбір сабақтарым мақсатқа жетпей, аса қиындыққа толы болып өткен кездері де болды. Сол кезде аса шыдамдылық танытып, өзіме деген сенімімді серік еттім. Сөйтіп өз кәсіби тәжірибеме төмендегідей өзгерістер енгіздім: бұрынғы оқушыларды жалықтыратын бір сарынды сабақтан қызықты, ұқсастықтарында сәл де болса айырмашылықтары бар, сабақ бойы оқушылар сөйлейтін сабақ беруге, үй тапсырмасын оқымаса ұрысып, дауыс көтеруден бас тартып, оқушылардың қызығушылығын оятып, өз еріктерімен оқуына жағдай жасай білуге, теориялық білімдерін күнделікті өмірмен байланыстыра өткізуге, мұғалім ретінде басымдылықпен өз бетімше бағалаудан бас тартып, есесіне критериалды бағалауды үйретіп, өздерін сол бағалау жүйесі арқылы әділ бағалауға үйретіп өзімді жаңашыл мұғалім ретінде сезіндім. Мендегі үлкен өзгерістерді көрген соң ба, алдымдағы оқушылар да алғашқы бейімделу сатысынан өте отырып, оқудың жаңа түрін меңгерді. Мұғалім мен оқушылардың бірлескен жеңісі ретінде оқушылар сабақ бойы ережені сақтауға, уақытты үнемді пайдалануға, өз-өздерін бағалауға, жаңа идея ойлап табуға, өз ұсыынысын айтуға үйренді. Менің бойымдағы өзгерістерге керісінше жауап ретінде сол өзгерістер оқушылардың бойынан табылып жатты. Бұндай серпінмен, әр ұстаз <<мамандыққа>> деген сүйіспеншілікке шынайы көзбен қараса, болашақтың мектебін елестету арман емес, шындық болары сөзсіз.
Әрқашан осындай озық тәжірибемен жақсы шәкірт дайындап шығу әр мұғалімнің арманы. Армандар орындалып жатса оқушының да, мұғалімнің де, мектептің де, тіпті мемлекеттің болашағы жарқын болмақ. Елбасы Н.Ә.Назарбаев білім саласына ерекше көңіл бөле отырып, <<Қазақстанның болашағы бүгінгі жастар, Сіздер оларға қалай білім берсеңіздер Қазақстан сол деңгейде болады>> - деген.
Олай болса, жоғарыда Елбасы айтқандай, білім сапасын өзгертуге оң нәтижесін беретін біліктілікті арттыру бағдарламасы - Кэмбридж бағдарламасының Қазақстан мұғалімдеріне көмек көрсету мақсатында ашылған курсының көздеген мақсаты орындалмақ.

Ұқсас жұмыстар
Сындарлы кері байланыс
Жаңа форматтағы педагог деген кім
Өзгеріс не үшін қажет?
Оқу үшін бағалау
Жаңа форматтағы курс бізге не үйретті?
Нәтижелі өзгеріс
Көшбасшы мұғалім-ел болашағының негізін қалайды
Ойларыңызға көп рахмет, құрметті ата - аналар
Баланың мектепке дайындығының теориялық негіздері
Топ басшы
Пәндер