Балтаның сабын жасау технологиясы

Тақырыбы Балтаның сабы.

Мақсаты Оқушыларға балта сабының технологиялық

картасын сызып, сол бойынша балтаның

сабын жасаудың жолдарын үйрету.

Тәрбиелік мақсаты Оқушылардың ағаштан бұйым жасауға деген

қызығушылығын арттырып, ынтасын ояту.

Дамытушылық мақсаты Оқушылардың ағш материалдарын өңдеудегі

алған біліктіліктерін онан әрі дамыту.

Жұмысқа шығармашылықпен қарауға

тәрбиелеу.

Көрнекіліктер Балта сабының үлгісі, оның технологиялық

картасы.

Құрал-жабдықтар Өлшеп кесілген қайың ағаш, сүргі, ара, қашау

ағаш балға, егеу, пышақ, құм қағаз т. б.

Сабақ жоспары

1. Ұйымдастыру кезеңі.

2. Жаңа сабақты түсіндіру.

3. Сарамандық жұмыс.

4. Сабақты бекіту.

5. Жұмыс орнын тазалап, құрал - саймандарды мұғалімге өткізу.

6. Үйге тапсырма.

Сабақ барысы.

Ұйымдастыру кезеңінен кейін, жаңа сабақтың тақырыбын айтып, мақсатын түсіндіремін. Балтаның сабын жасау үшін қайың ағашыының қолайлы екенін түсіндіріп, қасиеттеріне тоқталамын. Онан әрі сапты жасау үшін оның технологиялық картасын сызғызамын. Бұдан арғы жұмыстардың бәрі технологиялық картада көрсетілген ретпен жүре береді. Жұмыс барысында ағымдық нұсқаулар беріліп отырады, яғни әр оқушының қасына барып, бағыт-бағдар беріп отырамын. Соның ішінде әсіресе техникалық қауіпсіздік ережесін қатаң сақтап отыруларын ескертіп отырамын. Сабақтың соңына таман әр оқушының жұмысына талдау жүргізіп, кемшіліктерін көрсетіп, бағалаймын. Сонан соң әркім өзінің құралдарын мұғалімге өткізеді. Кезекшілер шеберхананы сыпырып, шаңдарын сүртіп ретке келтіреді.

Үйге тапсырма беріледі.