4 санын қосу және азайту

Ақсу қаласындағы №1 қазақ орта мектебі

Математика пәнінен сабақ жоспары

Тақырып:

4 санын қосу және азайту

Орындаған: Исенова Г.Ж

2012-2013оқу жылы

Тақырып: 4 санын қосу және азайту
Мақсаты:
1. 4 санын қосу және азайту тәсілдерімен таныстыру
2. Оқушылардың жан-жақты ойлауын, ізденуін, оқығанын есте сақтауын іс
жүзінде қолдана білуге үйрету, ойын арқылы ойлау қабілеттерін дамыту
3. Оқушылардың сабаққа деген қызығушылығын арттыру, пәнаралық байланысты
арттырып, ұйымшылдыққа тәрбиелеу

Сабақ барысы: І Ұйымдастыру кезеңі
Қайырлы күн досым,
Қайырлы күн болсын.
Сәрсенбі күнгі сабақ
Сәттілікке толсын.
Бүгін сенің алар бағаң
Тек қана бестік болсын.

ІІ Үй жұмысын тексеру
110 бет №2 (сигнальный карточкаларымен жұмыс)

ІІІ Жаңа сабақ
1. Қайталау
Алдымен геометриялық фигураларды қайталап алу
- Бүгін балалар,сендерге жаңағы сендер айтқан геометриялық фигуралардан
құралған мына екі бала келіп отыр. Олардың аттары Асыл, Әсел. Олар
сендерді «Циркке» шақыра келіпті.
2. Мотивация
- Балалар, «Циркке» барасыңдар ма?
- «Циркке» кіру үшін бізге билет керек. Ал біздің билетіміз-ол
біліміміз. Ендеше, мына тапсырмаларды орындайық:
А) Цирк сөзіне дыбыстық талдау жасау
- Бұл сөзде неше әріп? Неше дыбыс?
Ә) 4 санының құрамын қайталау
3. Негізгі кезең
Сонымен біз Цирктеміз.
1 тапсырма
Ең алдымен аренаға «Зебра» шығады
- Бұл жануардың үстіндегі жолақшаларды қайдан тағы көрдіңдер? (жолда)
- Ол нені білдіреді?
Балалрға жолдан өту ережесін айта кету:
Жол тәртібін білейік,
Аман – есен жүрейік!
Орында жол тәртібін,
Жолы болсын әркімнің!
- Циркте жануарлар жанглерлардың тапсырмаларын орындайды. Зебраға
мынадай тапсырма беріпті, бірге орындайық
Санға 4-ті қосу және азайту тәсілдері қарастырылады. Өрнектер дәптерге
жазылады.

Пеш үстінде 4 мысық
Пеш қасында 4 мысық
Айтшы сонда барлығы
Болады неше мысық? (8) 4+4

Он қолымда 5 саусақ,
Сол қолымда 4 саусақ
Алақанды ашамыз,
Бесті төртке қосамыз.
Кел санайық ал мұны,
Нешеу болды барлығы? (9) 5+4

Суда алты қаз,
Төбеде төрт қаз
Судың маңында
Айтшы неше қаз? (10) 6+4

Сегіз қарындаштың төртеуін
Досың сұрап алады
Айтшы сонда нешеуі
Өз қолыңда қалады? (4) 8-4

Тал басында тізіліп,
9 жапырақ тұр еді
Жел тұрды да үзіліп,
Ұшып кетті төртеуі.
Тұр әлі де ілініп
Жапырақтың нешеуі? (5) 9-4

Болып еді 10 торғай
Ұшып кетті төрт торғай
Енді талдың басында
Торғай нешеу балақай? (6) 10-4

2 тапсырма
Келесі аренаға қонжық шықты.
Үш сан аттай отырып келесі санға жету (оқулықтағы №3)
0 1 2 3 4 5 6 7 8 9

0,4 1,5 т.б

3 тапсырма
Жұмбақ жасыру.
Қорықпайды еш аңнан,
Қорқады тек тышқаннан. (Піл)

Пілге тапсырма орындауға көмектесейік
Логикалық есеп

Сергіту сәті

- Балалар міне сендердің алдарыңда зебр, аю, піл шықты. Ал олар қандай
жануарлар? (жабайы аңдар)
- Ал, сендер қандай тағы жануарлардың түрін білесіңдер?
- Дұрыс, үй жануарлары. Оларға не жатады?

4 тапсырма
- Ендеше, қараңдар иттер жүгіріп келді.
№4 есепті дәптерге орындау

5 тапсырма
- Циркта аттар да өз өнерлерін көрсетеді
Олар тапсырманы дұрыс орындап па? Түзейік.
4+4=7 10-4=5
2+4=9 8-4=4
5+4=10 9-4=3
- Үй жануарларға не істеу керек?

ІҮ Қорытындылау
Осымен «Цирк» аяқталды.
Сыныпқа оралайық. Асыл мен Әселге рақмет айтайық.
- Цирк ұнады ма?
- Несімен ұнады?
- Онда не істедіңдер?
Ү Үйге тапсырма: 111 бет №1 а),ә)
ҮІ Бағалау: балалар жинаған фишкаларын санайды