Халық ауыз әдебиеті - асыл мұра

Мақсаты: Оқушыларды халық ауыз әдебиетімен таныстыра отырып, елжанды болуға баулып, ана тілін қастерлеп, құрмет тұтуға тәрбиелеу. Топтаса отырып жұмыс жасауға, бір-біріне көмек бере білуге, бірін-бірі сыйлауға, үлкендерді құрметтеуге, ұйымшылдыққа тәрбиелеу. Мақал-мәтел, жұмбақтар, жаңылтпаштар айту арқылы ойлау қабілеттерін арттыру. Ата-аналар мен мектептің байланысын нығайтып, оларды тәрбиелік шаралараға белесене қатысуға қызығушылықтарын арттыру.

Көрнекілігі : нақыл сөздер, сайысқа қажетті құралдар мен тапсырмалар, интерактивті тақта.

Әдіс-тәсәлдері : сұрақ-жауап, түсіндіру, көрсету.

Сабақтың түрі : сайыс

С А Б А Қ Т Ы Ң Б А Р Ы С Ы :Мұғалім: Қош келіпсіздер құрметті ата-аналар, оқушылар, мұғалімдер! Бүгін тіл мерекесі қарсаңында өткелі отырған «Халық ауыз әдебиеті-асыл мұра» атты ашық сағатымызға қош келдіңздер. Бүгінгі сайысты тамашалауға келіп отырған қонақтарға бірнеше сұрақтар қойғым келіп отыр:

Халық ауыз әдебиеті дегеніміз не?
Оларға нелер жатады?
Олар біздергі дейін қалай сақталып келеді?
Оның балалар үшін қандай маңызы бар?

/ қонақ ата-аналар, мұғалімдер бір-бірден тұрып оқушыларға толық жауаптар береді /

« Ана тілінен айырылған адам өз халқы жасаған мәдени мұраның бәрінен құралақан қалады. » - деген екен Ғ. Мүсірепов.

Олай болса ана тілін қастерлеп, құрметтей білейік деп оқушылардың орындауындағы «Ана тілім» хорын қабыл алыңыздар.

Мұғалім: Бүгінгі күнге дейін алған білімдерін өз ана тілдері мерекесінде пайдаланғалы отырған 1 ә класс оқушыларын және кластың белсенді ата-аналарын құрметпен ортаға шақырайық! Бірінші топ: « Сұңқар», екінші топ «Тұлпар ».

Әр сайыстың төрешісі болады,

Әр тартыстың нәтижесі шығады.

Әділ баға беретін қазылармен,

Танысқымыз келеді де тұрады - демекші сайысымыздың төрелігін беретін

әділқазылармен танысып өтейік:

1. Мектеп директоры - Кулсарина М. К

2. Тәрбие ісінің меңгерушісі - Аманова К. Л

3. Мектеп кітапханашысы - Исатаева А. А.

1 айналым «Жұмбақ»

Ата-аналараға : Сөзжұмбақ шешу.

Оқушылар : Бір-біріне жұмбақ жасырады.

«Сұңқар» тобына.

1. Қос құлағы бар, басы жоқ,

Қарны дәу, асы көп. / қазан /

2. Белі бұлған,

Қоқысты қуған. / сыпырғыш/

3. Қорапқа қамалып,

Айтады жаңалық. / радио /

4. Тілден ұшып,

Құлаққа қонады. / сөз /

5. Түнде күлімдейді,

Суда дірілдейді. / ай /

«Тұлпар» тобына:

1. Мейіріммен сүйеді ол бар адамды,

Өзіне жаратпайды қарағанды. / күн /

2. Аспанға жайып қойған,

Ақ мақтам ғайып болған. /ақша бұлт /

3. Қатар-қатар тас қойдым,

Жирен атты бос қойдым. / тіл мен тіс /

4. Бетін адам ашады,

Білім нұрын шашады. / кітап /

5. Күндіз бәрі қашады,

Түнде аспанды басады. / жұлдыз /

2 айналым. «Мақал-мәтел құпиясы»

Ата-аналарға : Берілген суреттерге қарап, мақалдар ойлап табады.

Оқушыларға: « Ойнай отырып, ойла» түрлі түсті асықтарды таңдау арқылы сол түске сәйкес келген тақырыптағы мақалдың жалғасын айту.

Сары асық - еңбек туралы мақал.

Қызыл түсті асық - Отан туралы мақалдар.

Көк түсті асық- тіл туралы мақал.

Жасыл түсті асық - кез-келген тақырыпта мақал айту.

Сары асық -еңбек туралы мақалдар:

1. Еңбек етсең ерінбей,

Тояды қарның тіленбей.

2. Еңбектің наны тәтті,

Жалқаудың жаны тәтті.

3. Ердің атын еңбек шығарар.

4. Еңбегі аздың, өнбегі аз.

5. Еңбек қуған қазынаға жолығады.

Көк асық - тіл туралы мақалдар :

1. Адам көңілден азады,

Тілден жазады.

2. Ақынның тілі қылыштан өткір.

3. Ауызда жиек жоқ,

Тілде тиек жоқ.

4. Бас кеспек болса да,

Тіл кеспек жоқ.

5. Бал тамған тілден, у да тамар.

6. Тіл тас жарады,

Тас жармаса бас жарады.

7. Шебердің қолы ортақ,

Шешеннің тілі ортақ.

Қызыл асық -Отан туралы мақалдар:

1. Отан - қуат,

Отбасы-шуақ.

2. Отансыз адам-ормансыз бұлбұл.

3. Отан-оттанда ыстық.

4. Өзге елде сұлтан болғанша,

Өз еліңде ұлтан бол.

5. Егемен елдің-еңсесі биік.

6. Елің - панаң,

Жерің - анаң.

Жасыл түсті асық - кез-келген тақырыпта мақалдар:

1. Балалы үй базар,

Баласыз үй қу мазар.

2. Білім инемен құдық қазғандай.

3. Білекті бірді жығар.

Білімді мыңды жығар,

4. Күшіңе сенбе,

Ісіңе сен.

5. Үлкенге құрмет,

Кішіге ізет.

3 айналым «Дыбыстар сыры»

Ата-аналарға : таңдалған әріптен басталатын сұраққа жауап беру.

Оқушыларға: таңдалған әріптен басталатын сөздер айту.

4 айналым «Сыр сандық»

Ата-аналарға : Сандықта жасырылыған сөздерді синоним сөздермен көрермендерге түсіндіріп беру, әр жауапқа бір ұпайдан беріледі.

Оқушыларға : Сандықтың ішінде жасырылған затты сипатына қарай тауып, атын атау.

1. Ұлттық тағам, мал сүтінен жасап кептіреді. Жолға шыққанда азық түрінде қолданған.

Оның көлемі де түрлі-түрлі болады. Қалада оны сатады. Ауылда әр бір үйден табылады.

/ құрт /

Ұқсас жұмыстар

Балалардың көркем сөйлеу мәдинетін қалыптастыру

Халық ауыз әдебиеті арқылы балалардың тілін дамыту

Халық ауыз әдебиетінің бала тілін дамытудағы ролі

Қазақ тілі - асыл қазынам

Қазақ әдебиеті сабағы

Шешендік дау

Ауыз әдебиеті - асыл мұра. 5-7 класс

Қара өлең

Қазақша, ағылшынша мақал-мәтелдердің үндестігі

Қазақ әдебиеті энциклопедия

Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат

Қосымша

Email: info@stud.kz