Уақыт және оны өлшеу. сағат (сағ). минут (мин). 2-сынып

Күні:
Тақырып. Уақыт және оны өлшеу. Сағат (сағ). Минут (мин).
Мақсат: Сағат бетіндегі цифрлар және сызықшалар, оның тілдері бойынша уақытты анықтайды, сағат пен минут арасындағы қатынасты анықтайды; өзара кері есептерді шығаруда логикалық өзара байланысты анықтайды; топта оқып үйренген материалды пайдаланып, оны қолданудың жобасын ұсынады.
Ұйымдастыру кезеңі
Ассоциация картасын құру. Үлкен табақ қағаздың центріне мұғалім <<Уақыт>> сөзін жазады.
-Осы сөзді естігенде, сендердің бастарыңа қандай ой келеді?
-Неліктен уақытты үнемдеу керек? Уақыт жайында қандай мақалдарды білесіңдер?
Балалар ассоциациясы жазылады. Барлық сөздердің ішінен мұғалім сабақта қолданылатын сөздерді айшықтап бөліп алады.
* Сабақтың тақырыбы мен мақсаты хабарланады.
* Оқулықпен жұмыс. Балалар сендердің алдарыңда сағат тұр, қазір осы сағаттың тілін айналдырғанда, тілі қай санға тоқтаса, сол тапсырманы орындаймыз.
1-Тапсырма. Сағат моделін пайдаланып, практикалық (тәжирбелік) жұмыс жүргізіледі. Материалды жақсы қабылдау үшін әр оқушыда цифрлар және сызықшалар, қозғалмалы тілдері бар сағат беті болуы тиіс, оны еңбек сабағында оп- оңай дайындап алуға болады. Бір сағатқа дейінгі дәлдікпен уақытты анықтауға оқушы жаттығады. Толық дөңгелекті минуттық тіл бір айналып шықса, 1 сағ=60 мин болатынын түсіндіруі тиіс.
2-тапсырма. Еркін талқылау түрінде ұйымдастырылады және де 1- тапсырмадағы практикалық жұмыстың жалғасы болып табылады. Мұғалім оқушылардан қолдарындағы сағат моделін пайдаланып, қашан ұйқыдан тұратынын, ойнайтынын, демалатынын және т. с. с. бір сағатқа дейінгі дәлдікпен көрсетіп беруді талап етеді.
3- тапсырма. Жұппен орындалады. Оқушылар жолдасына неліктен сағат тілдерінің осылайша орналасатынын түсіндіреді. Жұмысқа 2-3 мин бөлінеді. Осыдан кейін қажетті түзетулер енгізе отырып, мұғалім оқушылардың жауаптарын тыңдайды.
4- тапсырма. Математикалық диктант түрінде жүргізіледі. Осыдан кейін мұғалім жауаптын дұрыс нұсқаларын іліп қояды және оқушылар өзара тексеруді орындайды. Жиі кездескен қателер бойынша мұғалім талдау жүргізуі керек.
5- тапсырма. Есепті шығару мұғалімнің басшылығымен тақтада жүргізіледі. Бір кері есеп талқыланады және жазылады. Екінші кері есепті оқушыларға өздігінен жазу ұсынылады.
Қорытынды:
6- тапсырма. <<Кім жылдам>> жарыс ойыны ұйымдастырылады. Оқушы бір минут ішінде жауаптың нұсқаларын ғана жазады, жұмысты орындаудың алдында мұғалім шамаларды қосудың ерекшелігін міндетті түрде еске салуы керек.

Топпен жұмыс. <<Менің күн режимім>> жобасы бойынша мұғалім конкурс өткізуді ұсынады. Оқушылар жеке парақ қағазға жобаларын жасап, талқылау үшін оларды іліп қояды. Келесі сабақта жобалар бойынша сұрақтардан және тілектерден бастауға болады.
Бағалау
Үйге тапсырма. 43-бет, <<Жасыл қоршау>>. Мысалдар жеке бағандарға жазылады, ал сызба түсті қарындаштармен орындалады.