Халық ауыз әдебиеті. 9-сынып

Сабақтың тақырыбы: Халық ауыз әдебиеті
Сабақтың мақсаты:
1.Халық ауыз әдебиеті,оның түрлері бойынша алған білімдерін қайталау
2.Салт-дәстүрді қастерлеу,дәріптеу.
3.Ізденімпаздық қасиеттерге жетелеу,оқушылардың тіл байлығын арттыру,тапқырлыққа баулу.
Сабақтың түрі:модульді сабақ
Сабақтың көрнекілігі:слайд материалдары,интерактивті тақта
Сабақтың барысы: І.Ұйымдастыру.
Мұғалімнің сөзі:
Бүгінгі сабағымызды көркем ойлау мен көркем сөздің озық ойлы үлгісі ретінде қалыптасқан халық ауыз әдебиеті тақырыбына арнаймыз. Сынып екі топқа бөлініп, <<Бақытты сәт>> ойынына қатысады.
І топ - <<Мұрагер>> тобы
ІІ топ - <<Талапкер>> тобы
ІІ. <<Бақытты сәт>> ойыны
І гейм.Әр топқа 10 сұрақтан беріледі.Көп сұраққа жауап берген топ ұтады.
<<Мұрагер>> тобына арналған сұрақтар:
1.Фольклор дегеніміз не?
2.Ауыз әдебиетінің үлгілерін ата.
3.Ауыз әдебиеті мен жазба әдебиетінің айырмашылығын ата.
4.Тұрмыс-салт жырларының түрлерін ата.
5.Жар-жар жыры ауыз әдебиетінің қай түріне жатады?6.Төрт түлік туралы қандай жырларды білесіңдер?
7. <<Көкжендет>> қай жырдың түрі?
8.Бесік жыры қандай жырға жатады?
9.Тойбастар қандай жыр?
10.Үйлену салтына байланысты қандай жырдың түрлерін білесіңдер?

<<Талапкер>> тобына арналған сұрақтар:
1.Сыңсу қандай жыр?
2.Бастаіғы қандай салт-дәстүр?
3.Көңіл күйін білдіретін өлең түрлерін ата.
4.Беташар қандай жырға жатады?
5.Жоқтау өлеңінің тақырыптық ерекшелігін айт.
6.Бата дегенді қалай түсінесіңдер?
7.Сәбидің дүниеге келуіне байланысты қандай салт-дәстүрлерді білесіңдер?
8.Ертегінің түрлерін ата.
9.Аңыз әңгімелердің қандай ерекшелігі бар?
10.Батырлар жырының тақырыбы.
ІІ гейм. <<Бөшкеден шыққан басқатырғылар>>
Кішкене бөшкеге нөмірленген жетон салынған.Тапсыр маны топ мүшелері бірігіп орындайды.
* Сөзжұмбақ <<Ертегі>>
* Ребус шешу.
* <<Бақытты сәт>>/Бұл жетонды алған оқушыға сыйлық беріледі/
* Батырлар жырынан үзіндіні мәнерлеп оқу.
* Тұрмыс салт жырларын мәнерлеп айту

ІІІ гейм. <<Жұмбақтас>> Берілген сұраққа жылдам жауап берген топ ұтады.Жауап беретін топ жалауша көтереді.
* <<Ер Тарғын>> жырындағы жыраудың аты.
* Ақжүніске таласқан қарт батырдың есімі.
* Ер Тарғынның тұлпары
* Лиро-эпостық жырдың тақрыбын ата.
* Төлеген елінен кім үшін аттанды?
* Төлегеннің ажалы кімнен болды?
* Шешендік сөздің ерекшелігін айт.
* Қандай шешен- билерді білесіңдер?
* Төле би қай жерде дүниеге келген?
* <<Өркенім өссін десең,
* Кекшіл болма-
* Кесапаты тиер еліңе...>> Бұл кімнің сөзі?
* Айтыстың түрлерін ата.
* Салт айтысы нешеге бөлінеді?
* Айтыскер ақындарды ата.

ІV гейм. <<Сен- маған,мен- саған>>.Топтағы оқушылар өздері дайындап келген сұрақтарын бір-біріне қояды.
V гейм. <<Көсемдікке ұмтылу>>
Асқар таудың өлгені-
Басынан бұлттың асқаны.
Ай мен күннің өлгені-
Еңкейіп барып батқаны.
Топ басшылары өлеңді жарыса оқиды.
Қорытындылау.Ұпай сандарын есептеп,жеңімпаз топты анықтау.
Оқушыларды бағалау.