Үй құстары жайлы ақпарат

№116 орта мектеп






Ұйымдастырылған оқу іс-әрекетінің тақырыбы:
Үй құстары

Мектепалды даярлық тобының тәрбиешісі:
Қалжанова Ұлия

Білім беру саласы: <<Қатынас>>
Бөлімі: Тіл дамыту
Тақырыбы: Үй құстары
Мақсаты: Үй құстары туралы түсінік беру.
Білімділігі: Үй құстарының тірішілігі және олардың пайдасы туралы мағлұмат беру.Дамытушылығы: Өз ойын нақты және түсінікті айта білу, сөйлем құрап айту қабілеттерін дамыту. Тәрбиелігі: Құстарға деген сүйіспеншілікке, қамқорлыққа тәрбиелеу.Көрнекілігі: Суреттер, үнтаспаӘдіс-тәсілдері: әңгімелеу, түсіндіру, сұрақ-жауап, суретпен жұмыс.Пәнаралық байланыс: көркем әдебиет, әуез,сурет.

Әрекет кезеңдері
Тәрбиешінің іс-әрекеті
Балалардың іс-әрекеті
Мотивациялық қозғаушы

Іздену-ұйымдастырушы



Рефлексивті коорекциялаушы

Балалар,бүгін бізге көп қонақ келді. Қонақтармен амандасып алайық.

М.Әлімбаевтың <<Шөжелерім>> әнін тыңдау.
Жыл мезгілі, қыс айлары, апта күндері туралы әңгімелеу.

Құстар және олардың пайдасы туралы әңгімелеу. Құстар- жан-жануарлардың ең көп және маңызды тобы. Олар мекен ету орнына қарай үй және дала құстары болып бөлінеді. Үй құстарына: әтеш, тауық, қаз, үйрек, күркетауық жатады. Тауық баласы: шөже, қаз баласы: ақүрпек, үйрек баласы: шүрегей және күркетауық балапаны. Үй құстарын үйде күтіп баптайды. Олардың еті, сорпасы, жұмыртқасының адам ағзасына өте пайдалы. Мамық жүнінен жастық, көрпеше, күртешелер тігіледі. Адамдар үй құстарына жем, су беріп, қора дайындап, қамқорлық жасайды.
Сөздік жұмыс.

1-топ <<Әтеш>> тобы
2-топ <<Тауық>> тобы
3-топ <<Қаз>> тобы
4-топ <<Күркетауық>> тобы.

Әр топ балаларының дұрыс жауабы жұмыртқа пішіндес текшемен бағаланады..

Төрт топқа тапсырма беріледі.
* топ. Геометриялық пішіндерден балапан құрастырып жапсыру.
* топ. Балапан сөзін құрастырып жазу, буынға бөлу, дыбыстық талдау жасау.

* топ. Суреттен құстардың балапандарын тауып, сызықпен қосу.

* топ. Бояма суретті бояу.

Сергіту сәті:
Тауық тары жинапты,
Оны ешкімге қимапты.
Бөтекесін толтырып,
Қамбасына құймапты.
Қыста тауық қақылдап,
Тары іздеп жүр тақылдап.

Барлық топтарға тапсырмалар.
Құстар туралы тақпақ айту.

Жұмбақ шешу:
. Ақ сарайын талқандап,
Шықты біреу талтаңдап.

2. Күн бата қонақтап қалқыған,
Таң ата жерден жем аңдыған.

3. Басы тарақ, құйрығы орақ.

4. Кеудесі қайқаңдап,
Жүреді байпаңдап.

5. Айдалада ақ отау,
Аузы - мұрны жоқ отау.

Суретке қарап сөйлем құрастыру.

Жаңылтпаш шешу.
1. Үйір-үйір үйректі, үйірге кім үйретті,
Үйір-үйір үйректі, үйірге өзім үйреттім.
2. Қара қарға қарға қонды,
Ала қарға жарға қонды.
3. Әтеш әнге басады, әтеш ұйқы ашады.
4. Қыс қыспаса қыс па?
Құс ұшпаса құс па?

Дидактикалық ойын. Не қалай дыбыстайды?

Қорытынды.
Шеңберге жиналып Р.Өтегеновтың "Құстар" өлеңін хормен айтады.
Қоныңдар, құстар қоныңдар,
Бәріңе төрден орын бар,
Қанатты барлық достарға,
Балалар қамқор болыңдар!

Оқу іс- әрекеті барысында балалардың жинаған жұмыртқа пішіндер санымен топтардың белсенді әрекеттерін мадақтау.

Балалар қонақтармен амандасады.
Үлкенге де <<сіз>>,
Кішіге де <<сіз>>. Барлығынды құрметтеп,
Бас иеміз біз.

Балалар әуенге сай қимыл жасап жүріп, билейді.
Балалардың жауаптары

Тыңдайды, сұрақтарға жауап береді.

Шөже, ақүрпек, шүрегей,мамық жүні.
Сөздерді қайталап айтады, мағынасын түсінеді.

Жапсыру жұмысын орындайды.

Сөзді әріптермен жазып, ауызша буынға бөледі, дыбыстық талдау жасайды.

Суреттен балапандарды тауып, сызықпен қосады. Балапандарды атайды.
Сурет бояйды.

Тары теру қимылын жасайды
Қолдарын айқастыру
Бүйірлерін ұстау
Басын шайқау
Тауық сияқты дыбыс шығару
Тауыққа ұқсап жүру.

Балалар өздеріне таныс тақпақтарды айтады.

Балапан

Тауық

Әтеш

Қаз

Жұмыртқа

Әсел құстарға жем берді.
Әселдің әдемі әтеші бар.
Қаздар суда жүзіп жүр.Үйрек жем жеді. Ол балапанын шақырды. Ернар тауықтарға су берді. Ол құстарды жақсы көреді.

Балалар жаңылтпаштар айтады.

Балалар үнтаспадан дыбысталған дыбыстарды ненің дауысы екенін айтады.

Қайталап айтады.


Күтілетін нәтиже:
Білу керек: Балалар үй құстары туралы олардың пайдасын және қажеттілігін біледі.
Меңгеру керек: Жаңа сөздерді сөйлем құрастыруды, әріптерден сөз құрап дыбыстық талдау жасауды жаңылтпаштарды меңгереді
Үйрену керек: Үй құстарына қамқорлық көрсетуді үйренеді.