Сөз таптары

Қарағанды облысы
Қарқаралы ауданы
Жарлы ауылы
№9 орта мектеп
Бастауыш сынып мұғалімі
Ибраева Жанбота Сериковна
[pic]

Ойын күні: Қазақ тілі.
Тақырыбы: Сөз таптары.
Сабақтың мақсаты: 1.Оқушылардың сөз таптары туралы білімдерін кенейту.
2. Танымдық қабілеттерін дамыту.
3.Ұқыптылыққа тәрбиелеу.
Сабақтың түрі: ойын сабақ.
Сабақтың әдіс-тәсілдері: сұрақ-жауап, ізденіс.
Сабақтың көрнекілігі: кестелер, суреттер.
Сабақтың барысы:
І. Ұйымдастыру кезеңі. Сабаққа дайындық.
Кел балалар күлейік,
Күлкіменен түлейік.
Қабақ түйген не керек,
Көңілді болып жүрейік.
ІІ. Өткенді қайталау (Кубизм).
- Зат есім дегеніміз не?
- Етістік дегеніміз не?
- Сын есім дегеніміз не?
- Сан есім дегеніміз не?
- Неше септік бар?
- Есімдік деген не?
ІІІ. Сұрақ-жауап.
-Қазір қай жыл мезгілі?
-Табиғатта қандай өзгерістер болып жатыр?
-Біздің ағашымыздың жапырақтары әлі өспепті.
-Балалар, бізге құстар ұшып келе жатыр екен. Бірақ біздің ағаштарда жапырақ
болмағаннан соң, олар ағашқа қонғылары келмейді екен. Құстардың ауыздарында
не бар екен? Яғни, құстарда тапсырмалар бар екен. Тапсырмаларды орындаса,
ағашта жапырақтар өседі екен.
-Кәне, балалар, құстарға көмектесеміз ба?
-Тапсырма орындаған сайын әрқайсымыз бес жапырақтап ағашқа жапсырамыз.
1-тапсырма.
Сөйлемдерді тақтаға жаз, зат есімдерді тап.
Мәдина кітапты көп оқиды. Дәурен туралы сенімен ақылдасайын деп едім. Жақып
Рабиғаны үйіне дейін шығарып салды. Біз кешке шейін үйірмеге қатысамыз.
-Жапырақтарды жапсыру.
2-тапсырма. Мақалды жатқа жаз.
Отан үшін отқа түс, күймейсің.
-Жапырақтарды жапсыру.
3-тапсырма. Ойын «Үйін тап»
Зат есім Сын есім Сан есім
Етістік
дәрігер биік жеті
оқыды
дәптер жуан тоқсан
биледі
балалар қызыл бірінші
жүгірді
тақта сары жүз
жазды
-Жапырақтарды жапсыру.
4-тапсырма.
Ребусты шешу. Шешуіндегі сөзге әңгіме құрау. Ребустың шешуі: Отан.
-Жапырақтарды жапсыру.
-Балалар, біз барлық тапсырманы орындадық та?
-Ағашымыз қандай болып шықты?
-Енді құстар ағашқа қонамыз дейді.
-Кәне балалар құстарды ағашқа қондырайық.

[pic]