Тарихшылар симинары

Тарихшылар семинары
Қазіргі білім беру жүйесінің мақсаты- бәсекеге қабілетті жас ұрпақ тәрбиелеу.
Оқушылардың бүгінгі таңда ақпараттық инновациялық технологияларды пайдалана отырып , шығармашылық жұмыстарды ұйымдастыруға , жас ұрпақтың бойына патриоттық сезімді ұялатып ,Отанды сүюге , ұлттық құндылықтарды дәріптеп , оқушылардың пәндерге қызығушылығын арттыру мақсатында мектебімізде тарих, география пән бірлестігінің жетекшісі Жанжігітова Рыс пен Машырық Дариғаның ұйымдастыруымен <<Мектеп - кеме,білім -теңіз>> тақырыбымен , мектепішілік тарих-география пән бірлестігінің семинары өтті.
Юсупова Галина <<Ұлы жүздің Ресейге қосылуы тақырыбындағы сабағын 8 <<А>> сыныбына Кембридж тәсілдеріне сүйене отырып өткізді. Сабақ үрдісінде АКТ-ны пайдалану оқушыларға қызықты болды ,әрі сабақты қабылдауға ,оны түсінуін жеңілдетуге мүмкіндік берді.
Ауанова Нүргүл <<Қазақстан ҰлыОтан соғысы жылдарында>> тақырыбы бойынша, бейнекөрністер ұсынып ,Уаис Қайралапұлының
Фашистердің қан төгу боп баққаны,
Өмір гүлін табанымен таптады.
Болат тонды тажалдарын шұбыртып,
Қалың әскер шегірткедей қаптады,-деп басталатын <<Соғыс жаңғырығы>> өлеңін жатқа оқып берді.
<<Ел тірегі тәуелсіздік>> тақырыбында өткен Мусаева Камшаттың <<Алтын қақпа>> ойынына 7-8 - сынып оқушылары қатысып ,қазақ елінің тәуелсіздік жылдары туралы қойылған сұрақтарға жауап беріп , үш қақпаны ашып, сайыс қорытындыланды.
Әріптесім Бекқалиева Сандуғаш СТО технологиясын пайдалана отырып, 7 <<Г>> сыныбына <<Алтын Орда>> тақырыбындағы ашық сабағын өткізді . Сабақ барысында қазақ халқының ұлттық құндылықтары асық, киіз үй және иллюстрациялық суреттер пайдаланып , INSERT статегиясымен сабақты қорытындылады.
Жас маман Бисенова Жанат <<Маңғыстау- қайталанбас табиғат өлкесі>> тақырыбындағы сыныптан тыс шарасынан оқушының алары көп болды . Сайыстың <<Есімі ел есінде>> бөлімінде жерлестеріміз Сайын Назарбекұлы , Дүйсенбек Әріпов , Серікбол Қондыбай туралы көптеген қызықты мәліметтер айтылып өтті
<<Мектеп-кеме, білім- теңіз>> атты пән бірлестігі семинары жас ұрпаққа үйретері мол , тағылымдық шаралардың бірі болды . Біліміне білігі сай әріптестеріміздің әлі талай шығармашылық биіктерде көрінетіндеріне сенімім мол.

Маңғыстау облысы,
Бейнеу ауданы, Абай атындағы орта мектебінің тарих пәні мұғалімі